امس كان مزاجي اغنية طول اليوم ارددها وبنظري كانت من انجح الاغاني الوطنية اللي صارت بعد الغزو خلال هالعشرين سنه الماضيه
كلمات والحان واداء الاطفال كان فيه رائع .. اللوحه الاخيره في اوبريت الوطن الا الوطن كانت الاروع
في شي يصير فيني اثناء سماعي الاغاني الوطنية اقصد اللي كلماتها مؤثره طبعاً .. يمكن حتى القراب ما يعرفون هالشي و مادري اذا انا بس جذي ولا في ناس نفسي باختصار تييني البجوه واذا سمعت اغنيه وطنيه بين الناس تخنقني العبره واتم على اعصابي ليما تخلص الاغنيه علشان ما يشوفوني ابجي
بعض الاغاني بس اسمع اللحن اول الاغنيه ابجي ومنهم وطن النهار ما اقدر اسمعها تعور قلبي وشريط الغزو كله يشتغل في مخي على الرغم من اني كنت ياهل واصلا ماكنت بالكويت حزتها
يازين الاوبريتات الاوليه تينن والكلمات راسخه فينا لايمكن تنمحي والكويت كانت متميزة بهالشي بين دول الخليج
انا شاركت بأوبريتين أبناء الكويت بعد الغزو وافتتاح بطولة الصداقه والسلام قبل الغزو .. شاركتوا في احدى الاوبريتات الوطنية ؟؟
استمتعوا بأوبريت الوطن الا الوطن :*
nafs 7alty ma agdar asma3 wa6an elnahar .. lazim elbachwaa 🙁 la o ily sej magdar asma3ha el laila elmo7amadeya part 3abdalla Rowaished :..(
Allaah lay3edha men ayyaam…
ana sharakt fi elsadaqa welsalaam kent bel zahraat illy masken karakeesh 3ala elmodarrajat 😛
ماشاء الله الله يعطيج العافيه اختي شكلج قديمه مثلي
🙂
فعلا هناك بعض الاغاني تكون راسخه في الاذهان
مثل الليله المحمديه و ابدع الرويشد في تقديم هذه اللوحة
ما استعطف قلوب الشعوب العربيه مع قضيتنا العادله
و اعتقد رغم الاغاني الحديثه الجميله الا انه الاغاني القديمه
اجمل و لها نوع خاص و ريحه من الزمن الذهبي للكويت
مثل اغنيه لقيناه و اغنيه يام الثلاث اسوار
و غيرها من الاغاني اللي فعلا لن تنسى و لازالت مخلده
الله يحفظ الكويت و اهلها من كل مكروه
وشكرا لج اختي بينك على الموضوع
آمين ياربي
احم احم ممممم قديمه نوعا ما ههههههه
صح الليله المحمديه تقطع القلب اصلا والاغاني القديمه اهي الاجمل
وفي اغاني قديمه وايد وتينن بس مع الاسف ما قمنا نشوفها على القنوات واندثرت
ee al laila almo7mdeya ma a3ted ako kuwaiti ysm3ha o ma ydame3 🙁
ana kent men eli yarg9on 3la law7at qatar 😀
رووووووووووعه الاوبريت .. يجنن
وماشاء الله عليكم يالكويتين معروفين بأناشيدكم الوطنيه
Comments are closed.