كل سفره للسعودية بالسياره الوالد مايوقف للغدا بأي مكان نكتفي بأي شي ويانا بالسيارة لما نوصل الفندق وبعدها نقرر بأي مطعم ناكل
هالمره مادري شفيه ابوي بعد قلبي يوعان وكان من قبل مجرب احد مطاعم الاستراحات مع رفيجه فقال لنا هذا احسن الموجود وخل ننزل نتغدى
بصراحه اول شي قالت هاا يبا هني باستراحه !! لا استغفر الله بعدين جان اتذكر جم بوست شفتهم ناسية اسم المدونات بس الشباب مادحين هالاماكن
جان اقول يالله يبا انا بنزل معاك وبجرب وبما اني قلت اي فالخوات مجبورين ينزلون لوووول مساكين كسروا خاطري ماك جيكن مايحبون الا الشي الذرب
وطبعا مكان العائلات معزول وله مدخل بروحه في مطعم الحرمين
شنو ديكورات شنو تناسق يا سلام 😛
كباين طبعاً وتنقينه على الراحه ماكو احد صخه
واول شي واجهنا المغسل الظريف
ياسلام على القعده العربية 
وصل الغدا دياي مشوي وعيش 
انا اكثر شي شدني تناسق الصحون عاد الله يهديكم قلنا مطعم باستراحه على الاقل وحدوا الطقم خلوا الاوادم تشتهي تاكله اكثر 😛
ابوي حياتي يوعان سمى بالرحمن وضرب بالخمس
وعلشان يدري فينا خواره طلب لنا حمص ومتبل هههههه
بس تبون الصج بيضوها بالخبز حاااااار وعجيب
علشان ماتقولون دلوعه ترى انا ضربت مع الوالد بالخمس بس بصبعين وبلقمتين الدياي والعيش لا باس فيهم والحمص والمتبل اقل من عاديين والخبز 10 من 10
اما اختي الصغيرة فيلم بروحه قاعده تطالعنا من بعيد ولا حطت لقمه بحلجها لايعه جبدها .. نيووه اقوووول سليحط هههههه
الصراحه المطعم قتلني لوووووووول وما اللومج نيوه ليش ما كليتي وصج التناسق كان خطير حدة صراحه بس بذمتكم هالمجبوس ولا مجبوسنا
لوول وين المجبوس مريوم ترى وصلنا ناطرينج 🙂
يله نارتكم اعوضكم بمجبوسنا تردون بالسلامه حبايبي
فديتكم والله
ونستيني بهالبوست
يارب يارب
يخليكم لبعض ويحفظكم الله ويطول بأعماركم
واحبج والله بنكيوووو
قلب نظيف وصريح مايهمه شي
حبيت تواضعج
بكل شي عسى ربي يوفقج
حبيبتي مشكورة على الدعوه والكلام الطيب ماقصرتي يالغاليه
بصرااااااحه ذكرتيني برحله من رحلاتنا صار فينا مثل ما صار فيكم
نزلنا للاستراحة ولا ما شاء الله انتو استراحكم اذرب شوي
الحمدالله عالنعمه بس صج صج صج لاعت جبدي ما قدرت أحط لقمه بحلجي اكتفيت بالمشروبات الغازيه و السناكس اللي معانا بالسياره
بس دامكم بالسعوديه لازم على يوم تأكلون بخاري
بس مو اللي بالاستراحات اللي بالطريج لا
حدي حدي حدي خاطري فيه الحين بس ابي اروح السعوديه علشان اكله هههههههه بطينيه
و تروحون و تردون بالسلامه حياااااااااتي
و عيشينا معاج باجواء السعوديه
الله يسلمج حبيبتي وانا كنت رايحه البحرين 🙂
عليكم بالعافيه
الله يعافيك
بالعافية حبيبتي مشالله عليج أنا ما اقدر اسويها لو شنو المكان ما يشجع كلش
الله يعافيج .. تجربه 🙂
kaaaaaaaaaaaaaaaaaaaaaaak…b9ara7a post 3ajeeb.
ahem shay il decor!!
3laich inta wil walid b2lf 2afya.. w khawatich y3eeshon w yaklon ghairha inshallah 😉
allah e3afeek 🙂
في استرااحات ارقى واكشخ من جذي
وتراا مافي احلي من البساطه والتواضع
عليكم بالعافيه ورحله سعيده
الله يعافيج حبوبة .. والله هذا كان اكشخ الموجود
بالعافيه عليكم يارب ..
صراحه ماشاءالله اهنيك على انكم نزلتوا وكليتوا فيه ،كان خليتوه تيك اوي
على الاقل صحون بلاستيك ، مدري ليش مطاعم الطريق دايم فاشله ولو ستار
،وخدمات حقتها سيئة بس كني اشوف بدوأ يتطورون شركات جديدة
بما اني سعودية فاشوف كل طرق البرية مافيها خدمات الا طريق جدة مكة اهون
الله يهنيكم وتعوضونها باحسن
الله يعافيج حبوبة .. وحيا الله اهل المملكة
مع الاسف التجار عندكم مو عارفين يستثمرون هالاماكن ولا يطلعون ذهب خصوصا ان طريق سفر والواحد يدور الاكل الزين ومكرم السامع الحمامات النظيفه
انشاء الله رحلة سعيده بس أنتو رايحين العمره؟
شكرا .. رايحين البحرين والله يسمع منج ونروح العمره قريب 🙂
تروحون وتردون بالسلامه
الله يسلمج حبيبتي
بالسلامة و بالعافية..
ترا هالأماكن تدل على مدى الفقر اللي إحنا مانحس فيه ولله الحمد..
فكروا فيها بهالطريقة.. شلون الصيام يخلينا نيوع و نحس بمعاناة الفقراء.. ترا حتى هالأماكن جذي! المفروض تخلينا نفكر شلون الناس عايشين!!
ماننكر إنه أصحاب المطعم عندهم قلة سنع.. بس يمكن هذي حدود ثقافتهم .. والمشن مالتهم تقديم الأكل فقط للمسافرين الجائعين !
يعني بالنهاية.. الاستراحات على طريق السفر ما راح يوقف فيها إلا اللي محتاج.. وبالتالي راح يقبل باللي موجود!
عن نفسي, ممكن أكل من الخبز والحمص والمتبل.. وإذا أحد مدح لي العيش فأكيد راح أجربه بعد بس بشرط يكون المكان نظيف, الحياة تجارب والرب واحد والعمر واحد ههههههههه
الجوع كافر يا جماعة
الف مليون الحمد لله على النعمة اللي إحنا فيها
الحمدلله على النعمه واكيد مايوقف الا المحتاج بس هم الواحد يجرب ليش لا 🙂
لوووووووول هذا اسمة بخاري يالذربات ههههه ترا والله عادي ما فيها شي يعني نفس مطاعم البخاري الي بالكويت بس الفرق الصحون احنا هني صحون قصدير واهماتنويع بالاطباق 😛
مادري ماجربت مطاعم جذي بالكويت :/
في باسواق القرين بس انا اقول لا يدشونه حريم ههههه بس طلبو واخذوه البيت اكلوا 🙂
ما يصلح قعده
لوول لا يامعودة خلينا على عيوش البيت شزينها 😛
اهلين حبيبتي ,,
من زمان و أنا اتابع مدونتك بس هذي أول مره أعلّق =) و مره يعجبني اسلوبك و طرحك الله يعطيك العافيه ,,
حبيبتي المطاعم اللي بالطريق محد ياكل منها إلا العماله أو الناس اللي ما يهمهم نظافه الأكل او نظافه المكان عموما , أنا سعوديه ولو وش ما صار مستحيل آكل في هالأماكن :/
انتم يمكن تحسبون ان السعوديين عادي عندهم ياكلون اي شي , بس هذا شي غلط =)
و حتى الحمامات الله يكرمك محد يدخلها إلا اللي مرررره ما عاد يستحمل 😀
على العموم إستروا ما واجهتوا :$
هلا فيج حبيبتي والله يعافيج وحيا الله اهل السعودية
لا بالعكس محد قال ان السعوديين ياكلون اي شي انتوا اهل الذوق لكن مثل ماقلتي الاستراحات حق المسافر المضطر وبالعكس الاكل ماكان وصخ نظيف ومافيه شي لكن طريقة التقديم فاشله
نتمنى يعتنون اكثر بالاستراحات ومكرم السامع الحمامات لأن السعودية مشاء الله كبيرة والمسافرين بيفيدونهم وايد ويطلعون ذهب لو قدموا شي زين
ربي يطول عمر ابوج ويخليه لج
حبيته من اول نظره $= ههههههههههههههههه
لول تسلمين مشكورة
Comments are closed.