Sandwich bar صارلي اكثر من سنة ما دخلت مطعم
اليوم كنت مع صديقتي بالجابرية وقررنا نتغدى بمكان قريب وقلنا ماكو الا ساندويتش بار
اول ما وصلنا اكتشفنا انهم مغيرين اللوقو والقعده الخارجية شكلها كان يشوق وفيها اشياء غريبة عجيبة العاب وبلانكيتات بالوان تشوق وجناط فيها كل عدة التدفي من دسوس وغيره 🙂
صج المكان مودرن وفنكي لكن اكتشفت انهم حاطين دوه خارجية ويقدمون جاي حليب مع درابيل والبقصم والشابورة ومو بس جذي حتى الكستنه والذرة والبطاطا الحلوة موجودة
انصدمت لما دخلت داخل لأن المكان حده تغير (اضغط هنـا) الحين صار المكان فنكي واللوحات بكل زاوية بالطوفة حبيت الجو وايد
كل طاولة حاطين عليها نابكين لشخصية كرتونية طاولة كارز وطاولة اميرات وطاولتنا سوبر مان 🙂
بزاوية من زوايا المطعم لقينا هالاخ اللي كلش مو لطيف .. تمساح وصجي بعد 🙂
اول ما قعدنا ضيفونا بعصير التفاح كعادة المطعم من يوم ما فتح
وناسة عطونا اكسسوارات تشب ليت وصرنا مثل ديكورات المطعم نلق لق هههههه
وفجأة يتنا الويتر وبيدها لعبة الروليت (القمار) الله يكافينا شره لكن بالمطعم اللعبة كانت غير باختصار تختار رقم معين وتحذف الكره واذا وقفت عند نفس الرقم اللي اخترته يكون مشروبك مجاناً مع الاسف لا انا ولا صديقتي كان لنا حظ
خلصنا من الروليت وكسرنا خاطر الويتر فيابت لنا السلوت لكن حظنا نايم وعليه هم مافزنا لول
بعدها وصلت اعواد الخبز المحمص مع الروب ورشات الزعتر
واو وصل لنا الفرايز مع الجراقي
وايد لذيذ مع قطع من الهالبينو S bar fries
S bar mini burger
ميني برجر بساندويتش الرينبو وايد ترف فريش ولذيذ وطريقة التقديم خطيرة
حبيت المطعم بشكله اليديد واكله اللذيذ وحبيت افكارهم لأعياد الميلاد وخصوصية ان الواحد يقدر يحجز المطعم بالكامل
كل الشكر للاخ محمد المديرس صاحب المطعم على الضيافه وعسى الله يوفقك يارب
☎ 55533245 – 55533246
Located at Jabriya, Block 1B, 2nd Street
FB (Link) Twitter (@SandwichBarQ8)
Shkla 7da Yshwg .. Enshalla Nzora soon .. & Thanks 😀
u welcome and have fun 😉
لوووول الحمدلله قمار حلال و مشروب حلال
loool 7lal 7lal 😛
We had alot of fun ams
O the food was so good 7abeet il fries wayd latheeeeeeeeth
e walla 5osh place like it 🙂
7araaaaaaaaaaaammm kasir kha6ri el temsa7 .. 7abseenah bhal mokan el thayej :((((((( basawe moqa6a3aa
looool e maskin bs emsawee 7araka fe almkan
mn zmaaaaaan eb 5a6ryyy feeh wallah! shakli broo7la soon!
bel3afia :***
allah y3afeech 😀
المطعم حده واااااااو
وافكاره اكثر من روعه
ما قصرت اخ محمد علي المجهود الطيب
3jeeeb 🙂
الحين ٱنـِْ♡̨̐ـِْا جم مره اروح وما لعبوني الروليت
يعني ازعل ازعل
ابي العب
الصراحه الواحد يفتخر انه صاحب هالمطعم العجيب كويتي ياحلوه وياحلو افكاره والاكل لذيذ وسوى لنا جو انا وعيالي وزوجي من كثر ماشافنا مستانسين ونمبهورين بمفاجآته اخر شي طيبنا بدهن العود وذاك البخور الطيب
مشكورين بينك غيرل علي الاماكن الروعه لولاكم ماعرفناها
وشكرا ولد الكويت صاحب المطعم الله يكثر امثالك
وبغيت اعرف اسم الطيب اللي حطلنا ماعرفت قالوا خلطه خاصه مسوينها لصاحب المحل
العفو حبيبتي .. ان شاء الله يرد عليج محمد ويقولج شسم عطرهم بس ترى عطورهم كلها من المديرس 🙂
Wooooow shkla mu 9ij bs a7s y5awif da5il bs ham wanasa w lazm arou7la
Comments are closed.