BRUNCH لتجربة الاطباق الجديدة لفترة ال Chocolate & Macaroon تمت دعوتي لمطعم
وهي الفترة اللي بين الريوق والغدا من الساعه 10 صباحاً الى الساعه 1 ظهراً
جوكليت اند ماكرون من المطاعم المفضله عندي خصوصاً بالميني ميني برجر والميني براونيز اضافه الى الباستات اللذيذة اللي يقدمونها فكانت فرصه حلوة نجرب اطباق صباحية جديدة
وايد احب فرعهم في مجمع الراية .. هادي وشرح
اول ما وصلنا كاميرتي اشتغلت كالعادة اصور المكان مع اني حافظته صم لكن ضروري للبوست 🙂
الماكرونز عندهم مميز وبأنواع كثيرة
يابولنا الزبدة مع سلة الخبز واول شي شدني الكرواسون تشوق وتلمع ولينه يم يم
وبدوا الويترز اييبون لنا اطباق البرنش اللذيذة
Sunny Side Up
بالكويتي بيض عيون وعليه اوراق الزعتر والزيتون اضافه الى الهاش براون .. وايد لذيذة خصوصا بعد ما نبط المحاحة يم يم
Alabama eggs
بيض عيون بس مسوينها على التوست حدها حدها ناطعه وخفيفة
Baked Scramble
بيض مخلوط بالفرن مع الطماط الجاف والمشروم وجبن الماعز
Ashrafieh Scramble
Three Cheese Omelet
اومليت البيض مع 3 انواع من الجبن الموزريلا, الشيدر والبارميزان
Low Cholesterol Omelet
اومليت بياض البيض مع الاعشاب لتخفيض نسبة الكلسترول
Thai Omelet
اومليت مع الجبن والفلفل والمشروم
Choc & Mac eggs Benedict (Poached eggs with fresh rockets & olives tapenade)
جربتها مره في احد المطاعم بس ماحبيتها لكن هالمره دشت مزاجي
Man’ooshet Zaatar
منقوشة زعتر مع الشيري توميتووو .. خفيفـــــــــة ولذيذة
Buongiorno Pizza
بيتزا مفتوحه مع البيض المقلي والصوصج والجبن
Love Me هذي عاد مووو صج اسمها
i really really love her 😛 عجيبة
عبارة عن بريوش مع الهوت دوج والجبن والمشروم عجييييييييييبة
وصلنا للساندويتش ومنزلين 3 انواع كلهم حلوين خصوصاً انهم كلهم فيهم جبن
Cheese Sandwich
ساندويتش الجبن السايح مع السلامي والبصل المكرمل يمــي
Mozzarella Panini
ساندويتش الموزريلا مع الطماط وصلصة البيستو
Panini Haloum
ساندويتش بانيني الحلوم مع الخيار وصلصة الرمان
وبما ان الصبح بردددد قلت اطلب كابتشينوو يحلوة يدفي
اختي طلبت جاي حليب على الطريقة الكويتية .. استانست عليه نفس حليبنا بالبيت ناطع
اما انواع السويت اللي موجودة في منيو البرانش
French Toast
الفرنش توست التقليدي مع الفراولة والمابل سيرب
Bonjour Profiterol
البروفيتيرول نفس طريقة الكلير داخله مربى التوت والفانيلا ايس كريم ومغطى بصوص الكراميل
مكوناته تحتم انه يكون خطير وكان فعلا خطير
Abdulla Pancake
بانكيك المراميل والجوكليت صوص مع الموز والفراولة والمارشميلو .. خطير بس مادري ليش عبدالله بالذات نسيت اسألهم ؟ 🙂
خطير Pinkish مسك الختام طبق
A in L اسم الطبق الناطع جداً
ريد فيلفت بانكيك مع الجبنه الكريمية والايس شوقر
لالالالالالازم تجربونه عجيب مو بس عشان بينك لكن الطعم خيال
فلافي سوفت سويت ماكو شي احلى صح
على الدعوه المميزة Pink Coffee Marketing و Chocolate & Macroon كل الشكر لمطعم
استمتعت جداً بتذوق اطباق البرنش الرائعه بخدمة جداً سريعه من قبل الستاف النشيطين .. الشكر ايضاً لمدير المطعم بفرع الراية السيد نويل على حسن الضيافه وروحة الجميله
Arraya Shopping Center, Tel : 22997919
FB (Link) Twitter (@ChocoandMacaron)
بصراحه أنا مجربته وفعلا. أكله لذيذ. وشوقتيني بالصور. يم يمي يعطيج العافيه على هالتغطيه،فطومه من دبي
الله يعافيج حبيبتي فطومة ويامرحبا الساع
Next time try their hot chocolate malhom as i told u, shay mo 6abi3i <3
enshallah i will o 3azmetech eshrayeech 🙂
OMG it looks so yumy! my mouth is watering and my stomach is begging for it!
bel3afya!
must try ASAP =D
allah y3afech & bel3afya moqadaman 🙂
الله يسامج على هالصور حدي يوعان
يالله يالعافيه
الله يعافيك 🙂
يممم عاد انا اموت عالبريوش 🙂
لذيذة البريوشة 🙂
لذييييييذ شكل الاكل ….. أكيييد راح اروح واتمتع بالتشكيلة العجيبة من الريوق … ما تتطرف مولية … مشكورة بينك جيرل ،، كنت قاعدة افكر وين اروح ريوق
العفو حياتي
ان شاء الله بيعجبج لذيذذذ
batsawag o gelt babdi bel raya ,, o bai reyog awal shay sawet search wela ye6la3 ley @@ 3saach 3al guwa o bel 3afyaa 🙂 Thaanks wayed 7abeet el taswer o tawni adry 3endohum reyog
u welcome 7bebty o bel3afya ya rab 🙂
Comments are closed.