سالاد بوتيك من المطاعم المشهورة والمعروفة بسلطاتها اللذيذة وعرفناها من خلال فرعهم الاول في الجابرية
والآن لديهم الفرع الثاني في مجمع الافنيوز (المرحلة الثانية) لكن مشاء الله عليهم تعدوا نطاق المحليه واختاروا منطقة الخليج لفتح افرع اخرى للمطعم
فقد تم افتتاح فرعهم في جدة بالمملكة العربية السعودية وفرع آخر بالبحرين والافتتاح قريب جداً لفرع في قطر ايضاً
وصلتني دعوه من الاخت غدير خاجه لتجربة الطعام في فرع الافنيوز
وخذيت موعد ورحت مع خواتي
اول شي عجبني ان المطعم ماخذ زاوية هادية جداً في المول والحلو انه يمهم بالضبط خدمة فاليه للسيارات
الديكور وايد حلو وفكرته مبتكره وعجبني طريقة ادخال المنظرة بأركان من المطعم وباشكال هندسية جميله
وايد من الطاولات فيها شي من الخصوصية وبعاد عن الباقي
حبيت فكرة الشوك والملاعق اللي في الارض
اول مره اشوف لوقو المطعم على الكراسي .. فكره جميله وحلو الاهتمام بالتفاصيل الصغيره
منيوهم غير عن باقي المطاعم .. لأنه من خلال الآيباد
ومتنوع بين سلطات وشوربات ومقبلات واطباق رئيسية وحلويات
قدموا لنا ضيافة المطعم عباره عن قطع الكراكرز الفيونكيه لذيذة وذكرتني بنيلز اند كو ومعاهم قطع الخيار والجزر بصلصات لذيذة
بعد ما شفت قائمة المشروبات شدني عصير غريب عباره عن تمر و موز
احلى عصير مر علي بحياتي عجيب انصحكم فيه وبقوه
mashroom soup
Fried cheese sticks
بسرعه طار كل وحده خذت لها قطعه لذيذذذ
Mashroom Risotto
انا عجبني وايد بس خواتي يقولون عادي .. بعرف رايكم انتوا ؟ 😉
Mushroom swiss burger
البطاط مع الفلفل عجيب والبرجر يم يم
Golden Chicken burger
ناطعه وفيها شوية سبايسي حبيتها
Salad Boutique hot platter
ادي مامي
صوصج بالهوت صوص
رول خضار
ربيان لذيذ
بافلو الدياي
سلطة الرمان
مشاء الله السلطة لذيذة وفريش ووايد كبيرة
سيزر سالاد
هم السيزر روعه اختي استانست عليها
وبعد الغدا لازم ايي وقت الحلو والقهوه
جوكليت كيك
شوية ثقيله بس اكيد بتعجب اللي يحبون الككاو
Red Velvet
يم يم واااااايد لذيذة وتررررررررررفه انا حبيتها وقضيت على نصها لازم تجربونها
Ice mountain
الكيكة حلوة واهي عباره عن كيكة بالفستق وداخلها كراميل
بسبوسة داليا
وانا هناك قالت لي غدير انه حصة اللوغاني وفريق من تلفزيون الوطن راح يكونون موجودين وفعلاً وصلت حصة وما يصير ما نسولف شوي معاها ونصورها
حصة تجرب الايس ماونتن 🙂 بالعافية
كل الشكر لسالاد بوتيك والاخت غدير خاجة على الدعوة .. استمتعنا جداً بالطعام اللذيذ والمكان الراقي وعسى الله يوفقكم يارب
Site (Link) FB (Link) Twitter ( @SaladBoutique)
وايد حلو ومن الأسف انه فتح في جدة ما فتح في الشرقية
لأني من شرقية
وبالعافية ع قلبك
وحلووة حصة صايرة اهيا حلوة اساسا
اسعارهم مبالغ فيها حيل
الصراحه انا مارحت المطعم
بس بنت عمتي داليا اخته غدير خاجه
و استغربت ليمه شفت بسبوست داليا
!!!! بس شكل المطعم عجيب لازم ازوره على يووم
والنعم فيح وفيها وبالعافية مقدما
Comments are closed.