مازال العطاء مستمر ومازال امامنا الكثير لتقديمه للمجتمع
Give كنا بالامس على موعد مع الحفل الثاني لحملة
في مستشفى بنك الكويت الوطني التخصصي للاطفال
وهالمرة الحفلة كانت برعاية شركة زين للاتصالات
كانت حفلة جميلة جداً استمتع فيها حبايبنا الاطفال ولله الحمد خصوصاً انه المقدم هالمره كان كويتي ومشاء الله عليه شال الحفله شيل الله يعطيه العافية
شاركوا بالحملة مجموعة كبيرة من طالبات الثانوية وابلاتهم من مدرستين وماقصروا وصلوا وايدهم متروسة هدايا للاطفال
تذكرون اللوحات اللي كتبت عنهم في بوست سابق (اضغط هنـا) يابوهم الطالبات وداخلهم هدايا للاطفال وحتى موجهاتهم وياهم ربي يعطيهم الصحه والعافية على مشاركتهم الجميلة اللي اسعدتنا جداً
قلتلكم الحفلة برعاية شركة زين للاتصالات امممممم شركة زين يعني في احد بيكون موجود في الحفلة !! نعماااااااااااااااااااان
كاهوووووو نعمان يا حلوة وصل يدعم ويونس اطفالنا الحلوين
ويافرحتهم في نعماااااااان الكل يبي يمسكه ويصور معاه
الشباب ربي يعطيهم الصحه والعافية كانوا صبورين وتعاملهم مع المرضى بمرح ومشاء الله عليهم قدروا يرسمون البسمه على ويوه الاطفال
ختام الحفله بصورة تذكارية للجميع
واكيد شركة زين ماقصرت وزعت بوكس وجبة غذائية لكل الاطفال الحلوين
عبدالعزيز شفناه بأول زياره لنا وهذي المره الثانية نلتقي فيه عسى ربي يشافيه وكل الاطفال المرضى يارب
مريومة الحلوة كانت تعبانة ومسخنه بس جاملتنا وعطتنا احلى ابتسامة بالدنيا
وهذي لوحة مسوينها الاطفال في النادي بمناسبة عيد الاضحى المبارك .. كل عام وانتوا بخير
كل الشكر لشركة زين للاتصالات لرعاية الحفل ولسولو بيتزا والاخ ضاري على روحه الحلوة اللي قدر يرسم من خلالها الابتسامة على وجوه الاطفال
الشكر موصول لكويت رين وكل اخواني وخواتي البلوقرز اللي عطوا من وقتهم وحضروا الحفل
الله يشفيهم 🙂
ربي يشافيهم ويعافيهم ان شاءالله
والف شكر لج عزيزتي على التقرير المميز مثلج
يعطيكم العافيه ماتقصرون
وعسى الله يشافيهم يارب
اجر وعافية انشالله يقومون بالسلامة ويعطيكم العافية على هالانشطة الحلوة 🙂
ya rab yshafeeeehom o gawakom allah saweet 7aflat fa7a6 3ndy
عسى الله يشافيهم يارب … والله يعطيكم الف عافيه
Ya rab eshafeehom and it’s great what you guys are doing every month! Great job!
ameeeen, thanks jacqui :*
يعطيكم العافيه ان شالله والله يشافيهم يااااارب
الله يعافيج .. امين يارب
Comments are closed.