Coverage: @DeBrand_q8 Grand Opening @The_Avenues

تم افتتاح الفرع الأول في دولة الكويت لعلامة دي براند تحت مظلة شركة الشايع للتجهيزات الغذائية ، وهي واحدة من أشهر العلامات في عالم الشوكولاتة الفاخرة على مستوى الولايات المتحدة الأمريكية والعالم منذ عام 1987 وأحد الامتيازات التجارية الحصرية لشركة الشايع للتجهيزات الغذائية في الشرق الاوسط، وذلك في مجمع الأفنيوز – المرحلة الثالثة – سوق المجوهرات، تم الافتتاح بحضور عدد من كبار الضيوف وسيدات المجتمع والمدونين والصحافة، وذلك إلى جانب ممثلي العلامة التجارية من الولايات المتحدة الأمريكية والشركاء على مستوى المنطقة. وكان السيد/ راشد احمد الشايع، المدير العام في شركة الشايع للتجهيزات الغذائية متواجد في استقبال الضيوف

إنطلقت علامة دي براند على يد كاثي براند، وهي التي نشأت في عائلة ذات باع كبير في مجال فن صناعة الحلويات، حيث بدأت كاثي العمل في الشوكولاتة منذ سن الثامنة. لطالما أحبت كاثي الابتكار في صناعة الشوكولاتة الفاخرة وكان حلم حياتها افتتاح محل متخصص للشوكولاتة وذلك لتعمل ماتحبه. وخلال أعوام دراستها الثانوية صنعت كاثي وباعت كيكات زفاف أثناء إجازتها الصيفية، إلا أن شغفها الشوكولاتة دفعها إلى افتتاح أول محل لشوكولاتة دي براند في أكتوبر 1987. واختارت كاثي إسم دي براند، حيث تعني “De” من باللغة الفرنسية  وذلك لان معظم المواد الاولية مستوردة من فرنسا وبلجيكا، و”Brand” هو إسم عائلة كاثي.

سبق انهم دزولي من ككاوهم قبل الافتتاح بفترة و وايد عجبني ما شاء الله – اضغط هنــا

 تنظيم الافتتاح كان عن طريق فريق هنا يومي اللي ما شاء الله عليهم كانوا مرتبين بكل شي 

استقبلونا بصواني الككاو اللذيذ 

والجاي الزين

وانواع من عصاير وميلك شيك دي براند

المحل مو بس لبيع الككاو فقط .. فيه كافيه يقدم انواع من المشروبات الساخنه والبارده اضافه الى بعض انواع الساندويتش والحلويات

قص شريط الافتتاح من قبل السيد شايع الشايع والسيد احمد الشايع وممثلة شركة دي براند الامريكية

اللي ماجرب الككاو ترى حده لذيذذذ واللي رايح الافنيوز بيشرب قهوه ضروري يجرب الككاوه اللي بالصوره الثانية (التيرتل او الباتي) تحطييييم

شكراً دي براند على هديتكم الراقية اللذيذة 

دي براند مكانهم في الافنيوز – سوق الذهب – المدخل من تحت كدزانيا 

Tel : 99496222

Site Link  

Twitter @DeBrand_q8   Instagram @DeBrand_q8

Sneak Peek : Roberto Cavalli Restaurant @The_Avenues

قمنا اليوم بعمل جولة استطلاعيه سريعه على مطعم وكافيه روبيرتو كافالي في الغراند افنيوز 

وطبعاً انعكس ذوق المصمم الايطالي روبيرتو كافالي على الديكور والتصميم الانيق والاجواء العصريه للمكان

اللون الاسود مع الذهبي والابيض كان طاغي على المكان 

كنت متوقعه برنت الليبورد يكون طاغي على المكان بس طلع عكس توقعاتي :)

الاضاءات وايد حلوة الشوارفسكي عجيب

صور كافالي بكل مكان مع المشاهير من نجوم السينما وغيرها

بيكون عندهم 3 طهاة يايين مخصوص من ايطاليا و الرابعه بتكون حرمه ومتخصصه بتزيين و وسع اللمسات الاخيره على الاطباق

بعض انواع الحلويات اللي راح تكون موجوده

الككاو حده يشوق وبأنواع مختلفه وحتى العلب زوغه

اسرة كافالي بانتظاركم قريباً

Thank you Mr. Paul & Mr.Lorenzo 

انتظروا بوست آخر عن الاكل وراينا فيه باجر باذن الله 

Tel : 22201110

Instagram @Roberto_cavalli_

Review : Bice Ristorante

من فترة تعشينا انا ورزه بلوق في المطعم الايطالي بيتجي الموجود في برج الحمرا

المطعم بدا يفتتح افرع جديدة بالشرق الاوسط ومكانه الاصلي في ميلان

المطعم كان متروس ناس ما شاء الله فما قدرت اصور بس المكان وايد راقي

قدمولنا اول شي 3 انواع من الصلصات (البيستو – الزيتون – الطماط ) مع سلطة خبز طازجه و لذيذة

ومشروباتنا انا كالعاده موهيتو 

ورزه اختارت بيزل مارتيني وهو عباره عن ريحان وعصير ليمون مع سبرايت 

يقدمون ضيافه لزباينهم طبق صغيره من الاخطبوط

طبعاً ما كليناه 

سلطة كابريزي

بسيطة ولذيذة عباره عن جبنة الموزريلا مع الطماط والريحان وشوي من زيت الزيتون

بيني ال اربياتا مع صلصة الطماط 

مبين من الشكل يم يم

هذي نسيت شنو اسمها بس هم كانت لذيذة

Bice Located in Al Hamra Tower, third floor

Tel : 22270247

Site Link    FB Link

Twitter @Bice_Kuwait  Instagram @Bice_Kuwait

Lady Luscious

بنوتين عندهم مشروع اكسسوارات ويايبين هالاكسسوارات (هامات مودرن – اساور وخواتم – باندات الورد) وغيرها من ماركات عالمية مختلفه

حبيت الهامات اللي عندهم ناعمين ويشوقون 

Instagram: @lady_luscious_by

 Contact : 50154753

This entry was posted in General.

باسم فغالي بدون مكياج !

ماعتقد محد يعرف اللبناني باسم فغالي النجم الاستعراضي اللي قلد وايد من النجمات العربيات وحتى الغربيات

كان من الشباب اللي طلعهم البرنامج المعروف استوديو الفن

لكن ما كتبت البوست علشان اتكلم عن هالشي .. اليوم وصلني فيديو على الواتس اب وخلاني افطن على شي

ولا مره شفنا هالريال بدون مكياج !!! كلا متمكيج ويقلد كان ودي اشوفه بدون ميك اب شلون صاير

مادري ليش ما كان في بالي الحجي قوقل الا عقب ما قالت لي دندرمه هاو ياحافظ قوقل مايقول لا

والله صاجة البنت طلعت لي صورة يتيمه حقه وهو بدون مكياج !! حده غيــــر بس تجكونه من براطمه وقصة الويهه

واخيراً شفناااااك يا باسم :D

وهذا بعد فيديو اثناء تحضيره لاحد الاستعراضات

حنــة للعطاره في الافنيوز

ما شاء الله الافنيوز كل يوم والثاني تلقون محل يديد مفتوح فيه وآخر محل يديد شفته بالسوق القديم  اهو محل حنه للعطاره

بصراحة الاسم شدني وخلاني ابي اعرف شنو بالضبط اليديد بخصوص الحنه !

كانوا حاطين عند باب المحل قعدة ووحده تنقش حنه بالنقشه اللي تختارونها

هذي ايد اللي تنقش بس حسافه حنتها رايحة شوي

اممممم فكرة محل حنه شنووو ؟؟؟ 

تعودنا واحنا صغار اهلنا يعينون لنا الحنه ووساعات يخلونها جم ساعه وبعدين يحطونها بروسنا وشي يحطون معاها بابونج وشي سفن اب وشي بن ولازم الجاي وكل شي يقولون له فايدته 

محل حنه يايبين حنتهم من اليمن ومعروف عن الحنه اليمنية انها من احسن الانواع

والجديد انهم اهم اللي يعينون لكم الحنه وتاخذونها جاهزه مجهزه وتحطونها بشعوركم عاد بالبيت بالصالون كيفكم

وطبعاً تنعين الحنه مع الكركديه او البابونج او البن اوالكرمز والكثيره او غيرها على حسب اختياركم

ويحطونها بهالطويسات الملونين شحليلهم

وهالمنتج حق اللي مايحبون الحنه المعيونه هذي حنه بس مودرن وهم طبيعية بس بدون ريحة وعلى شكل كريم تستخدمونها نفس الصبغ وتعطي الوان معينه تبون احمر ولا بني غامج ولا لون الككاو تقدرون تختارون اللي يناسبكم

وعندهم بعد خلطات للشعر فريش وطبيعيه

وهذا شي مثل الصابون بزيت الزيتون طبيعي حق اللي فيهم حساسية من الشامبو وغيره

قالولي هذا التوت الذهبي مفيد جداً وتلقون فوايدة مكتوبة بالصوره اللي تحت

اللي مجربه يقول لنا شلونه ؟

Page 180 of 698« First...102030...178179180181182...190200210...Last »