باسم فغالي بدون مكياج !

ماعتقد محد يعرف اللبناني باسم فغالي النجم الاستعراضي اللي قلد وايد من النجمات العربيات وحتى الغربيات

كان من الشباب اللي طلعهم البرنامج المعروف استوديو الفن

لكن ما كتبت البوست علشان اتكلم عن هالشي .. اليوم وصلني فيديو على الواتس اب وخلاني افطن على شي

ولا مره شفنا هالريال بدون مكياج !!! كلا متمكيج ويقلد كان ودي اشوفه بدون ميك اب شلون صاير

مادري ليش ما كان في بالي الحجي قوقل الا عقب ما قالت لي دندرمه هاو ياحافظ قوقل مايقول لا

والله صاجة البنت طلعت لي صورة يتيمه حقه وهو بدون مكياج !! حده غيــــر بس تجكونه من براطمه وقصة الويهه

واخيراً شفناااااك يا باسم :D

وهذا بعد فيديو اثناء تحضيره لاحد الاستعراضات

حنــة للعطاره في الافنيوز

ما شاء الله الافنيوز كل يوم والثاني تلقون محل يديد مفتوح فيه وآخر محل يديد شفته بالسوق القديم  اهو محل حنه للعطاره

بصراحة الاسم شدني وخلاني ابي اعرف شنو بالضبط اليديد بخصوص الحنه !

كانوا حاطين عند باب المحل قعدة ووحده تنقش حنه بالنقشه اللي تختارونها

هذي ايد اللي تنقش بس حسافه حنتها رايحة شوي

اممممم فكرة محل حنه شنووو ؟؟؟ 

تعودنا واحنا صغار اهلنا يعينون لنا الحنه ووساعات يخلونها جم ساعه وبعدين يحطونها بروسنا وشي يحطون معاها بابونج وشي سفن اب وشي بن ولازم الجاي وكل شي يقولون له فايدته 

محل حنه يايبين حنتهم من اليمن ومعروف عن الحنه اليمنية انها من احسن الانواع

والجديد انهم اهم اللي يعينون لكم الحنه وتاخذونها جاهزه مجهزه وتحطونها بشعوركم عاد بالبيت بالصالون كيفكم

وطبعاً تنعين الحنه مع الكركديه او البابونج او البن اوالكرمز والكثيره او غيرها على حسب اختياركم

ويحطونها بهالطويسات الملونين شحليلهم

وهالمنتج حق اللي مايحبون الحنه المعيونه هذي حنه بس مودرن وهم طبيعية بس بدون ريحة وعلى شكل كريم تستخدمونها نفس الصبغ وتعطي الوان معينه تبون احمر ولا بني غامج ولا لون الككاو تقدرون تختارون اللي يناسبكم

وعندهم بعد خلطات للشعر فريش وطبيعيه

وهذا شي مثل الصابون بزيت الزيتون طبيعي حق اللي فيهم حساسية من الشامبو وغيره

قالولي هذا التوت الذهبي مفيد جداً وتلقون فوايدة مكتوبة بالصوره اللي تحت

اللي مجربه يقول لنا شلونه ؟

@AsamaPerfumes

عطورات اساما من العطورات الخنينه اللي احبها وكل فتره يطلعون شي يديد 

ريحته احلى من اللي قبله ما شاء الله 

وصلني عطر سورنت ومجموعة رشوش طبعاً احلى واحد اللي على اسمي :)

وبخور شغل عدل 

موفقين يا اساما دايماً شغلكم مميز

عطورهم موجوده في 52 ديقريز

Twitter & Instagram @AsamaPerfumes

This entry was posted in Beauty.

Dinner @SilverBlingBlack’s House

لما نقول سوالف الطيبين وراحوا الطيبين احس صج لأنه هالايام حتى يمعات البيت صارت من الطيبين 

صارت كل يمعاتنا بالكافيهات والمطاعم والتمشي بالمجمعات 

في ناس ليلحين عندهم يمعات البيت احلى ومحافظين عليها وفيها خصوصية اكثر لكن نمط الحياه السريعه صارت جذي والاغلب اتوقع يأيدني

الحبيبه ما قصرت يمعتنا عندها في البيت SilverBlingBlack

خوش قعده وخوش يمعه مع الويوه السمحه والله طار الوقت ما حسيناا ما شاء الله

وذيج القهيوه العدله اللي صج بمكانها وعند اهلها :)

والككاو الزين من جوكليت اند مور

وعقب السوالف والضحك والوناسه قالت لنا تفضلوا على البوفيه برا

Catering Factory البوفيه من شركة

Tel : 24338514

Site Link    Instagram @CateringFactorykw

خوش تنسيق والاضاءة الوردية والورود شحلاتهم 

بوفيه المقبلات مرتب وراقي

كوكتيل الربيان وايد لذيذ من اكثر الاشياء اللي حبيتهم وسلطة الروكا بعد فريش وطيبه

السخانات والاطباق الرئيسية

بوفيه الحلو والفاكهه

اكرمكم الله غدير ونوره ما قصرتوا خوش يمعه وايد استانسنا يعله بيت عامر بأهله 

Lanvin Opening event @The_Avenues

تمت دعوتنا من قبل السيدة رهام الحبشي لحضور الحفل الخاص بإفتتاح بوتيك لانفان في الافنيوز – برستيج

البوتيك مرتب وتجولنا في البوتيك لمشاهدة الكولكشن الجديد من لانفان

من ضمن المجموعه فستان كانت لابسته كيم كاردشيان في الفتره الاخيره وهي حامل 

جناطهم الوانها تشوق

الاحذية

هالنظاره وايد عجبتني حبيتها من اول نظره .. تهقون اتوكل على الله واخذها ؟ :)

الاكسسوارات

القسم الرجالي 

كفرات الايباد والايفون والكوب يشوقون

الضيافه

وكان في فنانه ترسم لكم صوره لانفانيه مع اي بدلة تختارونها من مجموعتهم

اخترت هذي :)

وارسمتني وما قصرت سوتني رشيقه مثل مرت باباي هههههه

اكيد عرفتوا منو هذي :)

ميرا تايقر مود

والبنوتات كاشخين الله يحفظهم

فيش فيس وذكرى من لانفان 

هدية الافتتاح من لانفان للمدعوين

Page 180 of 697« First...102030...178179180181182...190200210...Last »