هبه جديده : اكسسوارات البرقع !

هالايام اشوف صارت هبة البرقع او الب طوله الاماراتيه بالاكسسوارات وكفرات الموبايل وغيرها
اول من طلعها محل عقال وبرقع اللي بدبي ماشفت من قبلهم هبه جذي وعقبها الكل
هالاكسسوارات شفتهم في جمعية القادسيه فوق

٢٠١٣٠٤٠٣-٠٩٠٨٥٩.jpg

٢٠١٣٠٤٠٣-٠٩٠٩٠٨.jpg

٢٠١٣٠٤٠٣-٠٩٠٩١٩.jpg

٢٠١٣٠٤٠٣-٠٩٠٩٢٩.jpg

٢٠١٣٠٤٠٣-٠٩٠٩٥٤.jpg

٢٠١٣٠٤٠٣-٠٩٠٩٤٦.jpg

٢٠١٣٠٤٠٣-٠٩٠٩٣٦.jpg

Ryoog Now Open @ Discovery Mall

وصلني تمبلر يشوق من مطعم ريوق وبداخله بطاقة ظريفة تقول انه هالتمبلر تقدرون تطلبون فيه قهوه طول العمر من ريوق لكن طلعت جذبة ابريل لكن دعوتهم لحضور افتتاح فرعهم الثاني في ديسكفري مول ما كانت جذبه :)

امس عزمونا على عشا بس ريوق في الفرع اليديد اللي تشوفونه اول ما تدخلون ديسكفري مول

وله مدخلين من داخل المجمع ومن الخارج صوب حديقة النافوره

المطعم وايد اكبر من مكانهم الاولي بالشعب والديكور يونَس كله خشب جنكم داخلين كوخ 

سري وسيارات .. حبيت الديكور :)

بوسط المطعم تشوفون الفرن والخبز الفرش الحار يم يم

المنيو ما شفت فيه اي تغيير عن الفرع القديم 

طلبنا المشروبات 

الليمون ونعناع كان منعــــــــــــش

والامريكانو 

قعدنا مع جاكي ولجين ونيو كويت برايد وصار الوضع شيرينج

طلبنا الريوق الكويتي والامريكي والشرقي 

وصلنا طبق الخبز مع المربى والزبده 

الريوق الكويتي بزاليا وبيض طماط وخبز ايراني مع جبن قلاص وجبن مع خيار وطماط وقيمر

نفس اكل البيت .. حبيت البزاليا لذيذة

والريوق الشرقي الفول واللبنه مع الفلافل والمكدوس والخضره

سلة الخبز الايراني

سلطة روك اند روكا

عباره عن ربيان تمبورا وجرجير وخس وجزر 

قدمولنا انواع من البيتزا وااااايد لذيذة خصوصاً اول وحده فيها فلفل وايد بس هم لذيذة

الريوق الامريكي لجاكي

الوافلز مع البيريز ماذقتها بس الكريم بالنوتيلا لذيذة

وختمناها مع القهوه الفرنسيه

شكراً ريوق على العشا اللذيذ :)

FB Link  Instagram @ryoog

Fauchon Now OPEN @The_Avenues

تم افتتاح كافيه فوشون في الافنيوز (برستيج) بجانب هارفي نيكلز

المكان واسع وشرح ويايبين منتجات حصريه تنباع في فرع الافنيوز فقط 

كنت بالصدفة ماره وشفت انه مفتوح وقلت اتريق عندهم لأنه من اماكني المفضله بصراحه احب قعدته واكله

واستانست لما قالولي انتي اول وحده تدخل فرع الافنيوز :)

Gst 1 :D 

وعلشان كنت الاولى قدمولي هدية هالميليفيه الخطيررر المشهورين فيه فوشون 

شكراً فوشون :)

Review : One eLeven Nail Spa

صارلي فترة ما سويت باكيج كامل للعناية بأظافري تقريباً من شهر وانا اغلب روحاتي لنيل سبا على السريع 

One eleven امس خذيت وقتي وتدلعت عند :)

المكان ما شاء الله كبير و وايد شرح والالوان هادية ومريحة تحسون صج مكان للاسترخاء 

اول ما تدخلون مكان الريسبشن تلاقون كمية كبيره بألوان مختلفه وماركات مختلفه من اصباغ الاظافر 

مكان الانتظار

قدمولنا المنيو وقعدنا نشوف انواع العلاجات والخدمات اللي عندهم

المنيو – اضغط هنــا

حبيت لبسهم وايد مرتبين

عندهم انواع مختلفه من اصباغ الاظافر بس لفت نظري انه اصباغ اورلي عندهم بكثره والوانها وايد اتينن وانا وايد احب هالماركة اصباغهم تدوم فتره اطول 

المكان من داخل 

مكان تجفيف الاظافر

عندهم بعد خدمة تركيب الاظافر (الاكستنشن) وخدمات اخرى مثل المنكس والمساج للاكتاف والقدم

قدمولنا الكابتشينو .. الكوب يشوق :)

La Mer Vip Treatment واختيارنا كان على خدمة

ومثل كل بديكير ومنيكير بدوا بتقليم الاظافر وبردها وازالة الجلد الزايد وشغلهم وايد ممتاز بعدها

صار دور السكراب والكريم

وصار وقت شمع البرافين الحاااااار وغطست ايدي لي الكوع تقريباً وهم نفس الشي الريل ومن فوايدة يعطي نظاره ونعومه للبشره

ولما طلعوا ايدي وريلي من البرافين حطوهم بجيس نايلون ولبسوني دسوس على فوطه :)

وبعد ما خلصت البرافين شالوه وهالشي سهاله جدا وبعدها حطت لي اللوشن مع التدليك

وكانت بهالفترة في وحده تسويلي مساج للاكتاف حده حده استرخاء 

واختياري كان على الاحمر هالمره :)

وصديقتي نوره عنابي

عندهم بعد خدمة الحفلات واعياد الميلاد ويتسكر المحل اذا كان العدد 8 بنات وفوق

وايد حبيت المكان ولي زياره اخرى ان شاء الله One eleven شكراً لصالون

One eleven nail spa located in Dar Al Awadi Complex, Ground Floor, Ahmed Al Jaber St., Sharq

Tel : 22322792

Site Link   Instagram @OneElevenNailSpa

Page 180 of 696« First...102030...178179180181182...190200210...Last »