مطعم كاشونة البيت قريباً في السوق بالافنيوز

وانا اتمشى قبل جم يوم بالسوق (الافنيوز) شفت جم مكان بالسوق مكتوب عليه كاشونة البيت .. ماشاء الله المكان وسيع وراهي وبيكون مطعم وكافيه 

معنى الاسم كاشونه هي قطعه مهمه في البيت الكويتي القديم طولها من 20-30 سم وعرضها من 7-15 سم تصنع من سعف النخيل وتستخدم لحفظ الأكل وتعلق في الممر الليوان

المطعم بيكون على الطراز القديم وبيقدم المأكولات الكويتية التقليدية وهي من وصفاة وادارة الشيف سامي الشريدة 

شكله بيكون لذيذ .. بانتظار الافتتاح

This entry was posted in Food.

Ingie Paris boutique

تم افتتاح البوتيك الاول لإنجي باريس في الكويت (الافنيوز – برستيج) بحضور السيدة انجي شلهوب 

لتدشن افتتاح البوتيك الخاص بتصاميمها وتشمل مجموعتها الاخيره ملابس السهره وقطع اخرى جميله تصلح للمناسبات الاخرى اضافه لبعض القطع الكاجوال والاكسسوارات

Big Thanks Noura :*

Make Your Own Chocolate Bar with @LifeWithCacao

بالافنيوز Life with Cacao في الفرع الجديد ل

خدمة جديدة وجميلة لمحبي الجوكليت

هي ان تقوموا بإختيار النكهات اللي تحبونها لعمل لوح شوكولاته بالحليب وتشوفون مراحل اعدادها جدامكم وتستلمون قطعتكم :)

اسبح يم يم

يكونون مجهزين لوح على حجر خاص بارد جداً 

ويصبون عليه الككاو السائل ويتشكل على لوح مستطيل وبهالاثناء تكونون اخترتوا التوبينغ اللي ودكم تحطونه على لوح الجوكليت وعندهم وايد اشياء منها

اللوز – المارشميلو – الجوكليت الابيض – الجوكليت الدارك – حلوى الفراولة – سي سولت – دارسين – كوكيز – فستق وغيرها

بعد ما يحطون التوبينق يغلف القطعه بالبلاستيك وتاخذ فتره ربع ساعه تقريباً بعدها تكون جاهزه للاكل 

القطعه الخاصة فيني واخترت اللوز والدارك جوكليت والدارسين  

Hangers Boutique Fashion event & 1st Anniversary Celebration

تمت دعوتنا من قبل هانقرز بوتيك لحضور احتفالهم بمرور عام عليهم 

وكانوا عارضين مجموعة تصاميم مختلفة لبعض المصممين مثل موناي ديزاينز و يوسف الحجي اضافه الى تصاميمهم الخاصة بهانقرز بوتيك 

T-shirt Policy London وتيشيرتات 

قطع من الاكسسوار الموجوده بالمحل

حبيت الرسومات وكتبت لهم كلمه بسيطة :)

Hangers Boutique Located in Burj Al Tejaria, Nezzanine 2, shop 27

Twitter @HangersKw     Instgram @HangersKw

Tali Ramadan collection 2013

تشكيلة( تالي) الرمضانيه في بيت السدره مقابل مستشفى الاميري في يومي الاحد و الاثنين تاريخ ٣١ مارس و ١ ابريل، من الساعه ٩,٣٠ – ١ ظهرا،،، و الساعه ٥-٩ مساءً

This entry was posted in Fashion.

خلك منچاوي مع سكوب اكون

سكوب اكون احد محلات الايس كريم المفضله عندي .. عندهم انواع متعدده ولذيذة من المذاقات واكثر شي احبه عندهم الميني كون والميني بون بون حق اليمعات والعزايم يشوق 

فرع الدسمه احدث فرع لهم .. قريب وعلى شارع الحب بجانب برجر كينج ومسوين حركه يديدة عجبتني انهم حاطين خدمة سيارات حق اللي مستعيل خصوصاً ساعات الواحد وحده شي على السريع ايس كريم ولا قهوه فالفكره يازتلي 

من داخل المكان هادي والوان الديكور ناعمه وبسيطه وشرحه

اللون البرتقالي كان سيد الديسبلاي ونقدر نقول صج (خلك منجاوي) مو منجاوي سكرتير حنظل وسلطان في خالتي قماشة :P

اقصد منجاوي من كلمة منجا مانجو واهو المذاق اليديد اللي عازمينا علشان نجربه مانجا الفونسو يم يم

وبيكون متوفر في جميع فروعهم يوم الاثنين 1 ابريل ان شاء الله

اللي لفت نظري بعد الايس كريم اللي على اي لوف كويت يشوووووووق زوغه

انواع وانواع من المذاقات اللذيذة

التوبينغ بعد اشكال

ونبدا نجرب المنجاوي واحد ورا الاخر

اول شي جربنا البون بون .. الطعم خياااااااااااااااال 

الميني كون .. نتيفه اينن 

الطعم مانجا مانجا صجية لذيذذذذذ

وبعدها قدمولنا الفونسو جيلاتو والفونسو يوقرت

الاثنين عجيبين بس حبيت الجيلاتو اكثر 

الميلك شيك كان رهيب واحلى شي عجبني فيه ان السكر كان معتدل مو شيره 

وطلعنا بعلبة كبيره فيها المذاق اليديد :D 

شكرا لمجموعة كوت الغذائية على الدعوه وللاخوات بيبي القطامي وساره تيناوي 

For Home Delivery Call : 69976218 – 23930607

Site link   FB link   Instagram @Scoop_a_cone

Page 180 of 694« First...102030...178179180181182...190200210...Last »