D Designs

عندهم بوث في جمعية السلام فوق D Designs

شغلهم وايد حلو .. تصاميمهم الخاصه على التيشيرتات والمقات والتمبلرات وحتى السكينز حق الموبايلات

وموجودين بالكويت والبحرين والسعودية :)

واللي بيروح يسلم على ياسين يحليله خوش بياع :D

Kuwait # 66645876

Bahrain # 33825982

KSA # +966 599004313

Instagram @D__Designs

احمد احمد مساء الخيررررر

my new skin :D 

This entry was posted in General.

Dina Worlds

Dina Worlds وصلتني علبة ككاو كبيره من

ولما فتحتها لقيت فيها قطع ككاو صغيره عليها لوقو البلوق :) حدي استانست وايد حبيتهم

الككاو كان محشي انواع كثيره .. نوتيلا – جوز هند – شعر بنات – رهش – منجا وغيرهم

الطعم وايد لذيذ ما شاء الله 

هذي المانجا .. ناطعه

For Order : 99717615 – 99110117

Site Link   Twitter @DinaWorlds11  Instagram @DinaWorlds

مخبز الصباح

مخبز الصباح معروف من عمر .. يدتي الله يرحمها كانت تودينا هناك قبل كشتاتنا بالاحمدي او بالبر ناخذ منهم كيكه كبيـــره تسميها الله يرحمها كيكة المسند

الكيكة مغلفه بورق بني وفوقة نايلون وفوقه الورق البني اللي قبل نستخدمه في الاقتصاد المنزلي .. يحلوها الكيكة جنها هدية 

المهم روحتي هالمره مخصوص حق هالكيكة وقلت مره وحده اصور لكم المكان اللي من الطيبين جداً

شوفوا الكيك شحلوه :)

وهالكيك اللي عليه طبقة سكر وردية معروف بعد وانصدمت انه وايد ما يعرفون انه يتوزع على البقالات وبعض الجمعيات من مخبز الصباح

عنده فطاير جبن وزعتر .. 100% شكل وريحة فطاير ااااااااااول ملوت المدرسه حده حده من الطيبين لازم تجربونه عجيب

انواع وانواع من البقصم

ويحليلهم مزهبين كيك للسنة اليديده :)

عمر ياحليله صارله 40 سنه بهالمكان عسى الله يعطيه الصحه والعافية

وخذينا الكيكه وزهبنا الحليب :)

الكيكة خنينه ومع التغمس شي طيب :) الله يرحمج يا يما منيره خنينه وما علمتينا الا على الشي الخنين 

مخبز الصباح في الفحيحيل – شارع مكه

Tel : 23911992

سوق المباركية مع ام عزيز وليال

اتوقع تعودتوا على طلعاتي المباركيه :) 

بس اليوم شوي غير لأني اشتغلت مرشد سياحي للعزيزه ام عزيز وليوله وهم اول مره اودي عيال اختي الله يحفظهم ويصلحهم .. اول مره ياكلون بالمباركيه واول مره يتمشون عدل !! اي اي شوقتهم الظاهر وسوووها وياو المباركيه 

وصلنا ولا المكان متروس تبارك الرحمن مو بس دلق سهيل كل المطاعم فل نطرنا تقريبا نص ساعه وفضى مكان

ام عزيز مشتهيه قلوب ومشلتت واليهال الا يبون عيش وانا خاطري بمشويات وانترست السفره ولله الحمد

قلوب وجبود ومجبوس دياي ومشاوي ومشلتت وسلطة دلق سهيل وحمص وخبيزات وطاحوله الربع :)

بعد الغدا لازم عاد شوية تهضيم وتمشي بربوع المباركيه الجميله 

وجااان نطيح على لحق علينا يا ولد يحليله راعي الخضره زوغه يغني ويبيع وماقصر غنالنا وصورته وتلقون الفيديو بأكاونتي ببرنامج كيك (اضغط هنـا) ان رحتوا المباركية مروا عليه ونيس 

ومجابل سوق الخضره لقينا محل يشوق كله مجسمات صغيره العاب وملبسينهم لبسنا التراثي اللي تبيع باجلا واللي ماسكه جدر واللي شايله صورة الامير الله يحفظه وهم رياييل شي شايل رادو وشي كندري وشي يشرب قدو يشوقون

حتى مايكل جاكسون مزبر عند المحل ههههههه

واشياء التقليد طحيحه مايبقى فورلا مايبقى توري بورج ولا هارودز كل شي كل شي حتى ليدي ديور 

وصلنا لي صوب عمارة الكويت ومسجد العوازم وشفنا مطعم الرميح والهندي اللي يبيع السمبوسه .. بالغصب ضحك للصوره :D 

وختمناها بحليب وهيل .. سحلبهم حده لذيذ مع الدارسين والمكسرات وبسبوسه بالقشطه

ودله قهوه عربيه مع تميرات 

ماجذبوا لما قالوا مالك غير سوق المباركية يا ولد الحجيه :D

مشكوره حجيه ام عزيز اكرمج الله والوعد بالفحيحيل الجولة اليايه :P

Fleur Flower Shop Opening Event

الاسبوع اللي طاف وصلتني دعوة جميله جداً كل نزاكه الدنيا فيها .. رجعت البيت ولقيت هالبوكيه الحلو يم داري وعليه اسم البلوق

لحضور احتفاليه افتتاح محلهم الثاني في اليرموك Fleur ومن الخلف الدعوه من 

المحل متخصصين بالزهور وتغليف الهدايا مع الورد 

وصلت المكان وكانوا مزينينه بالشموع والقعده الخارجيه وايد حلوو

دخلت المحل وخذيت جم صوره للمكان :)

بوكيهاتهم تشوق ناعمه ومو خبه حد الذرابه 

وعلى طول آخذ منهم عقود الفل ريحتهم خنينه 

الكاترينج وايد راقي 

شوربة القرع حدها لذيذة ودقتنا الجو كان مووووت بردددد

زووغه giveaway وال

Fleur Located in Al-Yarmouk, Block 2, street 2, complex no.2

Tel: 25329414 – 99638855
Online Orders Link    Twitter & Instagram @FleurKw

Page 180 of 655« First...102030...178179180181182...190200210...Last »