اليوم الاول – الجزء الاول .. اضغط هنــا
بعد سانت نوري قررنا نروح
Montmartre
هي تل على ارتفاع ١٣٠ متر وفي اعلى التل تلقون كاتدرائية مشهوره اسمها القلب المقدس
وفيها ساحه معروفه للرسامين تقدرون ترسمون نفسكم بورتريه
ودار مدارها في اسواق شعبيه ومقاهي وقعدات حلوة
الاطلاله اتينن تشوفون باريس من فوق 🙂
شراااحه
وبتلقون اكثر من محل صغير او كشكات تبيع تذكارات
ام الحصن
السكيك تونس كلها محلات تذكارات وككاو وتبغ ومقاهي صغيره
الساندويتش يشوق
شرينا فرايز يم يم
وقعدنا عقب بوحده من القهاوي نتطمش على الرايح والراد بالجو الحلو
واحنا نتمشى شفنا محل ككاو كبير والناس زحمه داخله
دشينا تمشينا بس حسافه ماخذينا منه شي
مجسمات من الككاو على معالم باريس
طراره ذربه
المغرب رجعنا الفندق ريحنا ونزلنا نتمشى في الشانز ونتعشى
واحنا طالعين ولا المطر شحلوه
العشا كان في مطعم
Renault
واهو مطعم داخل معرض سيارات رينو
السياره تينن زبوطه
تصميمه غريب وحلـو
شوربة البصل مدحتها رفيجتي وامها وايد
سيرز سالاد
باستا بالوايت صوص والمشروم وايد طيبه
Fish n Chips
حساب المطعم طلع ١٠٦ يورو
وعقب ساعه وشي مشي وكل شوي داشين سكه غلط والسبه دليلتنا دلال لووووول
وصلنا برج ايفل 😀
اينن ♥
نهر السين
عجيب
كان موووت بررررد مع المطيرات
وقفنا عند كشك شرينا قهوة وشوروز
نااااطع
عقب ماطاح حيلنا خذينا قاري مع جينيفر من الكونغو ياحلوها حلييييوه وخف طينه
القعده عجيبه بالقاري مع المطر وطلعت القريحة الغنائيه وقعدنا نصفق ونغني
وبالطريج لقينا سوق الكرسمس
جان نصفط وتنطنا جنيفير
تمشينا والله عندهم سوالف تشوق
واخيرا خلص اليوم الاول وانتظروا بوست اليوم الثاني قريبا 🙂
و ما زال الانتظار مستمرا :):)
ههههههههه اليوم اليوم ان شاء الله
Comments are closed.