اللي ماتابع البوست الاول هذا اللنك – اضغط هنــا
اليوم الاول كان الاحد ومعروف فهاليوم البوتيكات والسوق يسكر لكن الجماعه حبايبي قالوا لا السوق مفتوح ههههه
فكان التخطيط انه نتمشى ونتريق وبعدين نمر
Saint-Honoré
وهو شارع وفيه جميع الماركات العالميه
تمشوا معاي شوي بشوارع باريس على ما نوصل مكان الريوق 😛
منظر اوراق الشجر وايد حلو
والجو عموما غير
حبيت السفر فهالوقت اكثر من الصيف
الشتا عجيب بره بس ها لازم يكون اول الشتا مو بعزه علشان تستمتعون فيه
الاكاديميه العالميه للموسيقى
وچان يرسي قرار الريوق في بريوش دوريه
وقت الاختيار من هالمخبوزات الطيبه
اختياري كان كابتشينو مع هالقطيعه اللي نفس الفرنش توست بس كليت منها لقمه وماعجبتني 🙁
ركبنا تاكسي لي الوجهه اللي نبيها لانها شوي بعيد واكتشفنا كل شي مسكر
قلت لكم ماصدقتووووني 😛
المهم قضيناها تمشي في سانتو نوري نتطمش على الديسبلاي ونستكشف
وبطريجنا شفنا فندق
Mandarin Oriental
عجيب الفندق
هاللوحه عجيبه حاطينها بمدخل الفندق
راسمينها على شبك
ردينا نتمشى بالسكيك والدواعيس
لابوتان
Chanel
تسوق بالعين فقط ههههه
الزينه شحلوها هالحزه من السنه
بريت مانيجر فتحوه في باريس بعد
ولقينا فندق حلو دخلنا اللوبي نشوفه
Le Bristol Hotel
وهذا اذا ماني غلطانه لوحه ومجسم للعشاء الاخير
وان شاء الله جريب احط لكم البارت ٢ من اليوم الاول