قبل سنه وشوي عزموني احمد وبدر على مطعمهم ذا بريكفست كلوب في الفنطاس (اضغط هنـا) مكانهم عنونوو ويشوق وربي بارك لهم فيه وبإذن الله يوم الجمعه بيكون الافتتاح لفرعهم الثاني في برج كيبكو بشرق والمكان نهائيا غير عن الفنطاس مكان اكبر وديكور غير وحتى المنيو فيه اضافات غير وهم الوقت بيتغير 🙂
مكانه زاوية وشراحه ما شاء الله وهالوريدات الحلوة والديكور الفنكي اللي يشوق
والمكان بكبره مريح وهدوء
وماقصروا دعوني للمكان علشان اشوفه واجرب اطباقهم اليديده
فناتق الكراسي يشوقون على تواير
وفازات الورد زوغه على بطول
قبل لا احط لكم صور الاكل بقولكم عن شي .. راح يكون الريوق في فرع كيبكو من الصبح لي بالليل وبكل الاطباق اللي تعودتوا تطلبونها من قبل مع بعض الاضافات الجديدة لفترة الريوق وهم راح يتم اضافة بعض الاطباق الاخرى اللي تناسب اوقات وجبة الغداء والعشاء
وبدوا يذوقونا بعض الاطباق الجديدة وياخذون الاراء
اول شي وصل لنا كان البلاليط
فكره يديدة بشكل مودرن .. يعني بلاليط كشخه 😀
العاده اشوف بيض قرص فوق البلاليط بس هالمره بيض عيون .. اول ماشفتها قلت وي ماعتقد بتكون لذيذة لكن بعد اول قرمه عرفت اني غلطانه وطعمها لا يقاوم
Potato bowl
هالطبق بيكون بفترة الريوق بعد وهو عباره عن بطاطة محشيه بالبيض مع الجبن والبيكون
مو ذوقي بالاكل بس كليت قفشة وكانت جيده اكيد اللي يحب هالنوع من الاطباق بيحبها
The Club’s Burger
هذا الشي مجرم .. بدون مجامله ولا تفلسف ومن صجي من صجي الذ برجر كليتها والحين وانا اشوف الصورة صار خاطري فيها
عجييييييييييييييييييييبه
بس اللي ما يحب البصل لا يطلبها 😛
انصح فيها وبشده وضمه وفتحه 😀
Breaded beef escalope
الاسكالوب كان الطبق اللي وصل ورا البرجر وذقت منه شوي وكان لذيذ
ومع السوالف جان توصل الاميره .. اكو غيرها القهوه العربية 😀
لحد يقول اسبريسو ولا نسكافيه ولا تركية غير هالطيبه ماكو
وبصراحه قهوتهم اتينن لي درجه طلبنا دلة ثانيه 🙂
Red Velvet Pancakes
الفيلفت بان كيك يديد عندهم كنت مجربه من قبل البان كيك العادي وكان خيال فكنت متأكده من قبل اول قرمه ان الفيلفت كان عجيب وصج هالشي طلع عجيب خصوصا مع شلال النوتيلا المنهمر والاحلى انه مع القهوه العربيه
مشكورين وايد يا احمد وبدر على الضيافه و وايد مستانسه لكم تستاهلون وعقبال ما تعزموني السنه الياية على مطعم دورين 😀
The Breakfast Club is Located in Kipco Tower, Sharq, Mezzanine 1 floor
Tel : 22943212
Site link
Twitter @BreakfastClubKW Instagram @BreakfastClubKw
و لآ ممره ذقـت البلاليط بس شككلها عججيبه
آلبـان كيك ههلآ أبوووووي (L)
بآلعاافيه و يبيلنآ ززيآره
غغغغرامي بلوووووقجج :)))))
الله يعافيج .. مشكوره حبيبتي من ذوقج
للأسف خدمتهم تعبانه ما عندهم توصيل ولا الواحد يقدر يطلب بالتلفون ويمر ياخذ الطلب … يعني لازم الواحد يطلب وينطر على ما يخلص الطلب
Comments are closed.