Cath Kidston Now Open @The_Avenues

Kath1 وانا اتمشى في الافنيوز فيز ٢ لفت نظري انه سكروا كل لحظه و فتحوا مكانه المحل البريطاني كاث كيدستون
اللي يميز هالمحل انه اغلب القطع اللي يبيعونها مشجره والاكثر على ورد وفي شي على معالم لندن وغيرها
وعندهم كل شي سواء للبيت او الملابس او كفرات اجهزه او اكسسوارات

هذي صور من المعروضات
Kath2
Kath3
Kath4
Kath5
Kath6Kath7
Kath8
Kath9
Kath10
Kath11
Kath12
Kath13

البروميناد مول

 

البروميناد مول جديد في حولي (مقابل الدائري الثالث والقادسية) مكانه وايد مميز والاحلى وجود مواقف تخدم زوار المول

يعتبر البرج احد المشاريع الخيرية الكبيرة في الكويت واحد مشاريع ثلث المرحوم عبدالله عبداللطيف العثمان الذي يدار مع الهيئة العامه لشئون القصر

الافتتاح الرسمي بيكون شهر سبتمبر القادم ان شاء الله

 في محلات مفتوحه حالياً منها 

  • مانغو
  • شاين
  • DKNY
  • وجوه
  • جيوكس
  • ايام
  • ادج
  • لوكسيتان
  • شوارفسكي
  • تيم هورتونز
  • ايكو
  • الدو
  • تروكو
  • ميك اب فور ايفر
  • الزائر
  • جيمبوري
  • الجزيرة للعطور
  • انجلوت
  • ميك اب ستور

 

   

  

  

  

وفي محلات ومطاعم بتفتح قريباً مثل لش ولايف وذ ككاو وچوي قوي ومركز سلطان وغيرهم

وفي مكان مخصص في الطابق الاخير لالعاب الاطفال

 

Theliciousq8 Mobile Covers

 

وصلتني اليوم هدية جميله عبارة عن كڤرات موبايل على اشياء قديمة

شاني وقصة سندريلا 

عندهم بعد اشكال ثانيه بيبسي ومونشوز وقصص ثانية وعلج بوسهم وغيرهم

هذا تلفوني كشخ بسندريلا :)

 

  •   For order (whatsapp) : 97702452
  • Instagram @theliciousq8 
This entry was posted in General.

Chocolate Day with Zain !

znch1 كعادة شركة زين كل سنة يحتفلون في يوم الشوكولاته العالمي
ويسوون لنا ايفنت ونيس فيه كل ما لذ وطاب من الككاو
هالسنه صادف رمضان وكان الايفنت في لايف وذ ككاو الصالحية
طاوله طويله منزلين عليها اغلب الاطباق المكونه من الككاو

اول شي كان لازم نشرب قهوه تعدل الراس عقب الصيام
znch2 هذي بعض الاطباق اللي نزلوها لنا
znch3
znch4 ولازم يصير تشويق ويسوون لنا مسابقات وحركات
كانت مسابقة هالمره انه نشرب ٣ شوتس بيووووور جوكليت شي دارك وشي ميلك جوكليت
znch5 واول ٥ يخلصون يفوزون بايفون ٦
znch6 بصراحه اول شي قلت وناسه توني انا واختي يايين ماكلينا حلو فشرب الشوتس بيكون اسهل
لكن اول ماشربت منه قلت مستحييييل
حتى نص اول كوب ماقدرت اخلصه
الككاو يوقف بالبلعوم من كثر ما اهو ثقيل

بصراحه اللي فازوا بطلااااااات وعليهم بالف عافيه الايفونات
znch7 شكراً زين دايماً ايفنتاتكم مميزه ويمعاتكم حلوه :)

New Whoopie !

 
اليوم وصلتني نقصة لذيذه من ووبي لمنتجاتهم الجديدة

 قرع و رد فيلفت وتيراميسو وككاو 

ومعاهم فواكهه فريش رازبيري وفراوله وكريمه لذيذة

   

    

  • For Order : 55500303
  • Instagram @Whoopie_q8  

فيلم حبيب الأرض


قالوا له شعندك ؟ اطلع من الكويت
قال عندي ٣ اشياء ماقدر اتركها ولا حتى اعوضها، وان تركتها اخاف افقدها
عندي الكويت .. وشوية كتب .. ووايد ذكريات !
فايق عبدالجليل

صارلي فترة اشوف بعض الاعلانات في اكاونتات الفنانين بالانستغرام عن فيلم كويتي اسمه حبيب الأرض
يتكلم عن قصة الشهيد الشاعر فايق عبد الجليل

ونزل الفيلم من ضمن افلام العيد في السينما
حجزت لرابع ايام العيد انا وصديقتي نوره وكنت متشوقه اشوف الفيلم خصوصاً اني من محبي القراءة عن شهداء الكويت رحمة الله عليهم وتضحياتهم في سبيل الوطن
لكن الشهيد فايق كنت اعرفه بالاسم كشاعر وعرفت انه بالغزو تم اسره وبعدها تم التعرف على رفاته رحمة الله عليه في مقبرة جماعيه بالعراق

باختصار الفيلم عباره عن ملحمه فنيه وانسانيه رائعه عن الشهيد فايق عبدالجليل منذ طفولته وحتى استشهادة الله يرحمه

هذا فيديو الاعلان لفيلم حبيب الارض
كتابة القصه والاخراج : رمضان خسروه
سيناريو : رازي الشطي
موسيقى : طارق الناصر
مكياج : عبدالله اسكندري
انتاج : انتصار سالم العلي الصباح
بطولة : فيصل العميري – عبدالله الطراروة – حنان المهدي – لطيفة المجرن – جمال الردهان – عبدالله التركماني – شوق – علي محسن – عبدالله الزيد – علي بولند

بعد حضور الفيلم تفاجأت بصراحه بقوة الفيلم .. كتابة القصة والاخراج والسيناريو والاداء والموسيقى والمكياج والرؤية والانتاج كان رائع رائع
ماني ناقده فنيه ومتخصصه علشان اطلع الاخطاء لكن كمشاهدة اقول حسيت اني امام فايق عبدالجليل

الفيلم عرفني علي وايد اشياء ما كنت اعرفها عرفت اصراره على تحقيق ذاته وايمانه بموهبته الشعريه ومعاناته بالوصول لهدفه عرفت انسانيته ومساعدته للشباب واعطائهم الفرصه اللي ماحصلتله عرفت حبه لوطنه وتوصيل معاناة وطنه من خلال قلمه، من خلال الفيلم عرفت انه صاحب كلمات اوبريت بساط الفقر والعديد من الاغاني لمحمد عبده ومن اشهرها المعازيم وابعاد وعبادي الجوهر وطلال مداح و عبدالكريم عبدالقادر وابوبكر سالم وعلاقته الوطيده معاه
وعرفت ايضا انه صاحب حقوق النشر لمسلسلات كرتونيه كانت جزء من طفولتنا وانه هو من قام بدبلجتها بأصوات عربيه باستديوهات بيروت

الممثلين ادائهم صج صج متميز
فيصل العميري انسان مبدع انا وايد احب تمثيله خصوصاً للشخصيات احسه يوصل الروح للشخصيه وتوصل للمشاهد
والتكمله كانت مع المكياج القوي اللي صج صج رسم صوره الشهيد

عبدالله الطراروة فنان متميز ايضاً وروح كويتيه قديمه مبدعه .. ادائك لشخصية فايق الشاب كانت عجيبه وكملتها مع شخصية فارس براڤو

حنان المهدي فنانه مبدعه اول مره اعرفها لكن التمثيل كان خطير حتى بالتعبير والنظرات فنانه

نجوم العمل كلهم ابدعوا بدون استثناء
علي محسن بشخصية عبدالحسين ببساط الفقر بصراحه ماعرفت انه علي الا عقب ماشفت اكثر من منشن له بالانستغرام بس يايب عمك صح :)

وبعد ماخلص الفيلم لقينا على الارض اشارات توصلنا لمعرض جميل لمقتنيات الشاعر الشهيد فايق عبدالجليل

صور الشهيد

اول ديوان شعري للشهيد
وسميه وسنابل الطفوله

احدى قصايده

اثباتات الشهيد

  

بعض المقتنيات الاخرى


شكرا لكل كاست فيلم حبيب الارض على هالفيلم اللي نفتخر فيه كفيلم كويتي ونتمنى انه تكون لكم افلام قادمه بنفس هذا المستوى الرائع
وانصح الجميع بمشاهدة هذا الفيلم الرائع

Page 1 of 68412345...102030...Last »