Review : Ubon Breakfast

ubonbf1 تمت دعوتي لتذوق منيو الريوق الجديد في مطعم اوبون

الحقيقه انا مو من ربع المطاعم التايلندية لكن كان عندي فضول اجرب الريوق
والحمدلله كانت فضول لذيذ :)
الاطباق اللي طلبناها ١٠/١٠

هذي اول مره ازور اوبون في مروج
وايد شرح ماشاء الله وقعدته اتينن
ubonbf2
ubonbf3 منيو الريوق
ubonbf4
ubonbf5 كوفي فرابتشينو
لذيذذذذذ
حاطين معاه كوكنت وصاير طعمه جنه ايس كريم قديم انقطع من السوق
ubonbf6 thai iced coffee with milk
ubonbf7 طلبنا سلة خبز فريش مسوينها عندهم
ubonbf8 وايي معاها صلصات طازجه
مانجا
ليمون مع لايم
جوز الهند
اناناس

المانجا خطيرررررررر
ubonbf9 Thai fried eggs with crispy chicken & hash brown
بيض مقلي نفس طريقة بيض عيون مع الدياي المقرمش والهاش براون
شي شي
وايد عجبنا لذيذذذذ
ubonbf10 egg benedict with tenderloin beef & hollandaise sauce
حتى هذي وايد لذيذه والطبق راهي يوكل شخصين
طعم اللحم عجيب وترف
ubonbf11 Bubble Waffles
وافلز مع الشوكولاته والموز والايسكريم
ubonbf12
ubonbf13 Tel : 22391617
Instagram @ubonkw

Starbucks Cold Brew

DSC04510 وصلني من ستاربكس علبه مرتبه
داخلها مشروبهم البارد اليديد كولد برو
وعليه من بره طريقة التحضير
DSC04513 المميز في هالقهوه انها بارده ويتم تخميرها في الماء البارد عشرين ساعه والنتيجه قهوة مركزه غنيه مع نكهة من الحمضيات والشوكولاته
DSC04515 جربت القهوة خاليه مع كوب ثلاث ارباعه ثلج كانت وايد طيبه ومرورتها عجبتني
تقدرون تضيفون لها حليب او اي نكهه تختارونها على ذوقكم
DSC04518 شلون تفضلون قهوتكم ؟

Geneva .. Day 1

g1day1 صايره كسلانه وايد بالبلوق ابط جبد روحي مع اني اوله عليه وايد
تقرير سفرتي شهر ١١ المفروض من زمان نازل بس كل يوم اقول باجر :(

بشجع نفسي واحط لكم جزء علشان تحمسوني واكمل الباجي

طبعاً مخطط السفر كله تغير
كان المفروض جنيف ٣ ايام وبعدها ٦ ايام باريس
لكن صارت سالفه الانفجارات واضطرينا نغير الخطه وصارت السفره
جنيف ميلان روما

جنيف بالنسبه لي ذكريات الطفوله
في اماكن معينه بيني وبينها حنين
وكميه حب مو طبيعيه

اخر زياره لي كانت سنه ٩٧
يعني عمر ١٨ سنه ماشفت المكان

زيارتنا السابقه كلها في الصيف فهذي اول مره اروح لها بالشتا
بالصيف كانت لووووويه والسبب الكرنفال والاجازه بس بالشتا بعد الساعه ٦ قمة الكآبة حسافه عليها

حجزنا كان في فندق كمبنسكي (هلتون سابقاً) مكانه مقابل البحيره على طول بس مو جهة السوق الجهه الثانيه
g1day2g1day3 اللوبي
g1day4 ما راح اتكلم عن سعر الغرف لأن من فتره لي الثانيه يتغير السعر والافضل تسألون السفريات او المواقع اللي بتحجزون منها

هذي ضيافه الفندق عند الريسبشن
g1day5 الغرف حجمها زين ومريحه
ومتوفر فيها كل اللي تحتاجونه والشي الزين بفنادق هالايام انه يحطون لكم كل يوم بطل ماي مجاني
g1day6
g1day7
g1day8 قطينا الجناط ونزلنا نتمشى شي ونتعشى
مثل ماقلت فرق عن الصيف
هدووووووء وحتى جهة البحيره صخه الواحد يخاف يمشي
g1day9 ستاربكس مقابل البحيره
g1day10 ميغروس في جنيف وهذي تحديدا امووووت عليها
g1day11 فندق بلزك كنا ساكنين فيه سنه ٩٧
على ضيج الايام كانت الغرفه يطرد فيها الخيل كبيررررره وميزته مجابل الجمعيه وتحته مجموعه مطاعم منها تركي يبيع شاورما وهم جدامه ساحه كل احد يسوون فيها سوق للمزارعين وحتى الباص له وقفه يمه ومو بعيد من البحيره
g1day12 حصلنا مطعم بيتزا وقلنا نتعشى عندهم
اسم المطعم
La Rotorde
g1day13 اكلهم زين والبيتزا طيبه
ماكو ملاحظات عليه
g1day15
g1day14
g1day16 ان شاء الله اكمل معاكم ثاني يوم قريباً ;)

كافيه ميم .. سي ڤيو

meemview1
انعزمنا قبل فتره على ايفنت جميل بمناسبة افتتاح كافيه ميم في سي ڤيو
كل شي كان مرتب ومنظم من الحبيبه لايف وذ ايوت

المنيو يديد الديكور يديد والمكان ماشاء الله وايد شرح
meemview2
هذا الشي رهيب
عصير جوافه مع ورد
meemview3
اول شي قدموا لنا سلطاتهم الطيبه
فتوش الكيل
شي اول مره اجربه ووايد عجبني
meemview6
سلطة الكشري
هم هذي غريبه فيها مكونات الكشري من عدس وباستامع البصل
لذيذه
meemview4
سلطة الشمندر والعدس
meemview5
فلافل نونووو يشوقون
meemview7
كبه بلبن بطريقه يديده
meemview12
حمص
meemview9
وفي بعد صواني مرتبه تكون للشيرنق فيهم من كل نوع شويه
حتى لفترة الريوق
meemview10
meemview11
مناقيش زعتر
شغل عدل
meemview13
هالشي لا تسألوني شنو بس طبق لذيذذذذذذ لذيذذذذ
meemview14
وهذا شي مدحوه بعد اعتقد كفته
meemview15
كابتشينو
meemview16
هذا شي مينون
جوكليت مونكي
meemview17
بقلاوه ميلفي مع شعر بنات
عجيب
meemview18
وبالاخر طلع رقمي بالسحب وفزت بسله من منتجات كافيه ميم :)
meemview19
كافيه ميم في سي ڤيو، بوحليفه
Instagram : @meemcafekw

احتفال “كويت العطاء” بمناسبة الاعياد الوطنية واعادة افتتاح ابراج الكويت

IMG_9923ابراج الكويت تحجي حاضر بلادي

فعلاً هالصرح رمز للكويت وغالي على كل الكويتيين
علشان جذي امس الكويت كلها كانت على البحر تنتظر احتفال كبير لاعادة افتتاحه

تبارك الرحمن الناس طلعت من كل منطقه بالكويت علشان نشوف العرض الجميل للالعاب الناريه والليزر
واللي ما طلع جابل التلفزيون والنقل المباشر

طلعنا من البيت بال٥ ونص ووصلنا بعد ساعه تقريباً جهة فندق سفير وكانت كل المداخل على البحر مسكره ويعطيهم العافيه الداخليه كانوا مسوين نقاط تفتيش للدخول
وطقيناها مشيه بالجو الحلو لي الابراج :)

والحمدلله اتخذنا موقع زين وسط هالحشود الهائله ماشاء الله

بدت الاحتفاليه الساعه الثامنه بعروض الالعاب الناريه وتم استعراض صور عن الابراج اثناء الغزو العراقي الغاشم وصور لاعلام الدول الصديقه وشكر للجميع بكل اللغات
اضافه لصور عن حادثة تفجير مسجد الامام الصادق وصور لابونا امير الانسانيه الشيخ صباح وسمو ولي عهده الشيخ نواف

هذا فيديو من تصويري المتواضع للحدث الرائع

والله يحفظج يالكويت ويديم علينا الافراح والامن والامان ♥

IMG_9876IMG_9898
IMG_9901
IMG_9909
IMG_9918
IMG_9921
IMG_9946
IMG_9934
IMG_9954
IMG_9966
IMG_0005
IMG_0007
IMG_0010
IMG_0044

MAC Retro Matte Liquid Lipstick

macmatte1 بالفتره الاخيره اغلب ماركات التجميل طلعت الحمر السائله المطفيه
بالنسبه لي اكثر الماركات اللي احبها وهبيت بحمرهم نوبا وكات فون دي وسيفورا ولايم كرايم

ماك طبعا حمرهم العاديه لايعلى عليهم ومن فتره قالوا انهم بينزلون كولكشن الريترو مات

الاسبوع اللي طاف كنت بالافنيوز وبالصدفه فاتحه السناب جات وشفت العزيزه ليدي بي منزله صوره للكولكشن وخبرتني انه نزل الكويت
فالوضع طيران ماك :)

الكولكشن يغلب عليه اللون الاحمر بدرجاته والورديات الفاقعه

اخذت ٣ الوان
macmatte2 Tailored to tease فوشي
Feels so grand احمر
Lady be good بيج
macmatte3 الحمر قوامهم حلو وتغطيتهم للشفاه جميله وثابته
واحلى شي انه يدوم فتره اطول من الحمر العادية
macmatte4 الحمر لونه خياااااال اينن وايد حبيته والفوشي بعد جميل جدا
بس البيج ماحبيته على بشرتي وحسافه ماكان في تيستر فاضطريت اخذه بدون تجربه
لكن مايمنع نخلطه مع لون ثاني ونستخدمه :)

سعر الحمر ١٠،٧٥٠ دك

Page 1 of 69412345...102030...Last »