تجربة منيو رمضان في مطعم دكاكين

تمت دعوتي لحضور ايفنت خاص لتذوق المنيو الرمضاني بمطعم دكاكين بالصالحية

الايفنت من تنظيم شركة حمد قلم علشان جذي لازم تكون الدعوة مبتكرة وغير متوقعه
يايبين لنا صندوق حديد وداخله قطن طبي وبلاستر وابدر ككاو نوتيلا وحبوب تابليت من حلاو ودوا الكحه كان الفيمتو
اما الوصفه الطبيه اهي دعوة حضور الايفنت
img_1111.jpg
الترتيب كان اينن
مزهبين لنا طاوله بوسط المطعم مرتبه وكلها ورود وفناتق
img_1113.jpg
img_1114.jpg
img_1118.jpg
حتى الصحون مغيرينهم
هالصحن عجبني يمثلني انا وخواتي هههه
img_1115.jpg
الفيمتو وعصير الليمون حاطينهم بكورنر واخدم نفسك بنفسك
img_1116.jpg
اول شي ضيفونا فيه كوكتيل طبقات يم يم
على قولة دندرمه مال محظوظه ومبروكه
بس هالمره مسمينه على حمد قلم
img_1117.jpg
وعقبها شوربة عدس اعيز وانا اقول لذيذذذذذذذه
ذكرتني بشوربه اول مالت الروضه
ناطعه
img_1119.jpg
ووصلت سيدة المائده
من غيرها السمبوسه ههههه
لذيذه وورديه
img_1120.jpg
ورق العنب شي شي
img_1121.jpg
سلطة حلوم هم كانت وايد لذيذه
img_1122.jpg
هذا عاد ناااااار
ربيان بدبس التمر
والله خيال صج صج لذاذه ما صارت
img_1123.jpg
برجر الشاورما شي يديد بعد
img_1124.jpg
نودلز الدياي ماجربته صراحه
img_1125.jpg
ريش
img_1126.jpg
باستا بالشمندر والجبن
هم طعمها طيب كان
img_1127.jpg
وصارت فقرة الحلو وانسدحت كيكة الفيمتو بالنص
img_1128.jpg
وتماشياً مع هبة كيوب القهوة البرو
دكاكين سووا شي فنتق
ايسد كيوب كرك مع الزعفران
ويصبون عليه الحليبه الحااااره
img_1129.jpg
وبعدها خلونا نسوي غيبوبتنا 🙂
هالطبق اسمه غيبوبه
حطينا اول شي ٣ قطع مكسره من ليون بار
وتالي صبوا عليها هالككاو السايح الناطع
وتالي رزوا بوسطها ايس كريم ساندويش وذروا عليه فتافيت بسكوت لوتس وسكر بودر
img_1130.jpg
والشكل النهائي وتغيبب 🙂
img_1131.jpg
وماطلعونا فاضين كل واحد طلع بجنيطه فيها هالاشياء الحلوه والثيم كله على الغيبوبه
img_1132.jpg
شكراً دكاكين وشركة حمد قلم على الايفنت الونيس
img_1133-1.jpg
Instagram @Dikakeen

5 napkin burger now open at Boulevard 


تمت دعوتي لحضور افتتاح مطعم ٥ نابكين في الكويت

في بوليڤارد مول بالسالمية

المطعم اصله من امريكا وهذا اول فرع له بالكويت

مسوين سيت منيو نوعين 


طلبنا قواكامولي كان لذيذ


وبيبي بوتيتو مع الجبن والبيف بيكن والساور كريم لذيذذذ


وهذا الشي عباره عن جبن وبطاط مهروس مع بقسماط

بصراحه ماقدرت اكملها من الملح بحرررررر


سلطة الكيل اتينن موووووو طبيعيه من اللذاذه 


الاورجينال برجر مالتهم

لذيذه اللي يحبون البرجر الثيك بتعجبهم 



Instagram @5napkinburgerkw 

Marble Bakery


وصلنا اليوم مجموعة اطباق من مشروع يديد اسمه

ماربل بيكري 


مسخن دياي فيه حموضه لذيذ بس صاير قريب من المسحب 


طبق فطاير مشكله لبنه وجبن وخلطات ثانيه خاصه فيهم 


وهذا طبق حلو مقرمش على لوتس


وهالطبق چيزكيك عنونو مجكنم

Tel :​ 94462616

Instagram : @Marblebakery

Review : imPRESS press on Manicure 


قبل فترة كلاسي غيرل بالانستغرام تكلمت عن اظافر تركيب اسمهم امبريس وحبيتهم عليها كانوا وايد طبيعيين فقلت بجربهم خصوصاً انه هالايام اظافري تعبانه و مو قاعدين يطولون 

العلبه كيوت وخفيفه تهبل حتى للسفر ماتاخذ مكان

وطبعا في كذا لون للاظافر وهم اطوال متنوعه 

ايي بالعلبه منديل كحول لتنظيف الظفر قبل تركيب الاظافر ومبرد ضعيف وعنونو

هالاظافر ميزتهم انهم مايحتاجون صمغ اللزقه منهم وفيهم ستيكرز تشيلينها وتلزقينه على ظفرج وتضغطين عليه بس والعمليه ماتاخذ ٥ دقايق 

انا جربت الطول القصير ما احتاج الا برد خفيف من فوق فقط


اهم شي عقب ماتلزقونهم لازم ساعه كامله مايحوشهم الماي

صارلي الحين ٣ ايام من حطيتهم عجيبين يهبلون ثابتين وضد الماي ومريحين ما احس اني حاطه شي

الاظافر التركيب اكيد تأثر على الظفر الطبيعي علشان جذي لازم تستخدمونهم مو على طول .. ساعات الواحد عنده عرس وماعنده وقت للصالون او طلعه مهمه او سفره سريعه تبين شكل ايدج مرتب 


انا خذيتهم من صيدلية بوتس بقيمة ٤ دك بس اذا بتطلبونهم اون لاين تلاقونهم بنص القيمه 

Review : Flair & More Salon


الاسبوع اللي طاف كانت لي زياره لصالون جديد اسمه

Flair & More​

الصالون هادي وشرح والوانه مريحه وطول ما انتي قاعده تسمعين موسيقى هاديه مالت السبا

هني قسم الشعر


وقسم العنايه بالاظافر موفرين انواع كثيره من اصباغ الاظافر 


غرفة المساج 


الضيافه 


جربت اروما تريتمنت للشعر

يطري الشعر ويعطي لمعه وايد حلو والاحلى مساج الراس عنده عجيب عجيب تدوووخوووووون


وجربنا مساج الاقدام شي شي

حلاته الواحد يسويه عقب السفر ولا يوم متعب 

صج تسترخون 


مكانهم بالجابرية قطعه ٣ب شارع ١٠٤ بناية الزين – بنفس بناية سابليه – الدور ١

Instagram @flair_and_more

O Cafe 


امس كان ريوقنا في مكان يديد 
O cafe ​
التابع لمطعم اويشي سوشي وبنفس مكانه القديم في الشعب البحري خلف نادي فلكس للرجال


الكافيه عنونو مافيه الا قعده وحده داخل وقعدات خارجيه
يعني حلو تمرونه تاخذون اكلكم او قهوتكم تيك اوي 

احب الارضيات اللي جذي 

تحصلون انواع من الكرواسون والساندويتش والسوشي واشياء ثانيه

جربنا النوتيلا لاتيه 
توقعته ثقيل بس طلع خفيف والله ​
اذا تحبون السوالف اليابانيه 
عندهم ماتشا ايس لاتيه وماتشا لاتيه 

ونوعين من الساندويتش
الموزرولا خفيفه ولذيذه 
والبيتزا مليانه ماشاء الله وثقيله مو هينه لفترة غدا زينه 

متوفره عندهم بعد منتجات سيبرجر الالمانيه
مكسرات وفواكهه مجففه

Instagram @ocafekw

Page 5 of 699« First...34567...102030...Last »