اقام بوتيك ايدج اول ايفنت للسنه الجديدة بمناسبة اطلاق تشكيله متنوعه من ماركات تنضم لاول مره في البوتيك
المجموعه تشمل الملابس والاكسسوارات لهذه الماركات
عشق – iT Denim – Paper Denim 2 Cloth – Nov29 – Qumar_14 – Nouir _ Mawi – Sophia203
الوان تشوق من الباشمينا
التقديم من انجيلاتو
قمت بجولة سابقه في قسم السوق في الافنيوز لكن عدد المحلات المفتوحه كان قليل وكل فتره يبطل شي يديد
بجولتي الاخيره شفت انه جم محل فتح وشي بصدد الافتتاح فقلت اعطيكم فتره عن المحلات الموجوده
محل فلس يبيع كاميرات واجهزة انتيك اغلبهم مايشتغلون وعنده بعد اكسسوارات وطنية للموبايل اضافه الى المسابيح ويسوون لك المفتاح على اسمك بعد
بنك الكهرمان بعد عندهم مسابيح وذي سبيشل سنتر
والورشه عندهم اكسسوارات نسائيه وبقالة دكان الفريج
من المحلات اللي وايد عجبتني بوتيله
عندهم عصاير وفروزن يوغرت وغيره لكن المميز فيه انهم يقدمون الليموناده(النامليت) والكازوز (اعتقد الرازبيري) وشراب الورد في بطول بوتيله مالت اول اللي لازم تفقصون التيله بصبعكم وتطيح تحت وتشربون البارد 🙂
عجيبه الفكره
من المحلات المميزه ايضاعثمــاني ويبيع كل شي انتيك .. عنده وايد اشياء حلوة
Tel : 97598981
مسجلة الكاتريج والاشرطه والراديوات القديمه
اسطوانة هيدو ايام الجيل الذهبي
تايد قديم
فلوس روسيه .. مادري شلون تدخل بالبوك لوول
فلوس الكويت قبل الغزو .. يا زينهم وايد احبهم كان فيهم بركه عجيبة
فلس واخيرا شفناه 😀
البيزه المستخدمه بالكويت
بياله كافيه كانوا يحطون الرتوش الاخيره والمفروض الحين افتحوا
تمر وعسل .. يبيعون تمر وعسل وككاو بعد
في السوق مدلعين الرياييل عندهم وايد محلات خاصه فيهم
شماغ الجزيره وصالون تحسونه وفوت هيربل سبا
احد احدث الشركات المتخصصه بالحلويات The Victorian
المحل صارله شهور من فتح وتابع لمجموعة بيكر قروب اللي يمتلكها الاعب سمير سعيد الله يرحمه
المكان قمة في الفخامه وتشكيلة الحلويات وترتيبها رائع
اضافه الى انهم يبيعون قطع فضيات انتيك
تفاصيل كل قطعة حلو تخليكم تقولون واو .. كل نوع حلو يعتبر قطعه فنية بحد ذاتها
المكرون يشوقون
انواع من الكيك
الشوكولاته لها مكان غرفه مخصصه بأنواع متعدده
ككاو على شكل خاتم حده حده اينن .. ادري للعرض فقط بس لبسته 😀
ضيفونا من ككاوهم وايد لذيذ
فضيات لهدايا المواليد
غرفه خاصه لعرض الكيك الخاص بالاعراس
The Victorian Located in Al-Tilal Complex, Shuwaikh
Tel : 22256175
Site Link
اليوم كان موعدنا لتجربة مطعم برجر جديد.. هادي وبعيد عن اللوية
R.V Burger (Real Veal Burger)
تم افتتاحه قبل 4 ايام في 52 ديقريز بالقسم الجديد مقابل ترولي
المنيو محدود كونه متميز بلحم العجل .. عندهم برجر ودبل برجر مع المحتويات الخاصه فيهم ويمكنك زيادة اضافات اخرى
وعندهم 3 انواع من الفرايز اضافه للمشروم المقلي
ضيفونا يصينية فيها نوعين من الفرايز الشيلي جيز والجيز كلهم عجيبين بصراحه
☺ هالصلصة خطيره
المشروم المقلي نااااطع
البرجر يقدمونها في بوكس خاص مع الفرينش فرايز
وزدت عليها الكرميلايزد اونيون R.V Burger اخترت ال
حبيتها وايد لذيذة ♥
R.V Burger Located in 52Degrees, Al Tilal Complex
Twitter & Instagram @rvburgerq8
ما اعتقد اللي مدمن على برنامج الانستغرام ويحب الفاشن ما يعرف دساكس !!
بنت محجبه من اندونيسيا اذا ما خاب ظني اتوقع انها اميره لأنه ربعها كلهم اميرات وعيشتها وطريقتها تعطينا هالفكره عنها .. شنو المميز في دساكس ؟؟ فاشونيستا شي ماصار .. اي شي يديد في عالم الفاشن وخصوصاً الماركات العالمية الغاليه عندها ما شاء الله
هالبوالطو الجلد على هالفوريرات السنعه على المجوهرات اللي اتينن على تكرمون جواتي اللابوتان اللي اتوقع ثلاث ارباع البوتيك موجود بغرفتها غير هالارمسات اللي كل وحده تقول الزود عندي .. شي شي تبارك الرحمن
دساكس تحب التصوير كل يم تصور لنا لوكها في الانستغرام
المهم مخلص الحجي ان دساكس صارت من ربعنا وفتحت لها بلوق علشان تراويكم شنو لبست وشنو شرت وشنو اخر صرعات الموضه .. وتستاهل الواحد يتابعها تصوير اينن وجسم حلو واي شي يديد عندها
دشوا تطمشوا اضغط هنـــا
dsaks welcome to the blogging world, you have many fans in kuwait following you and love your way of fashion ,, best of luck dear 🙂
dsaks blog Link
