يوم الاربعا كان الافتتاح الرسمي لبوتيك شانيل في الافنيوز (برستيج) الافتتاح كان مرتب وراقي
مع وجود اصحاب شركة حبشي وشلهوب, السيدة حرم علي الحبشي وكريماتها والسيدة انجي شلهوب
الموسيقى الحيه كانت وايد حلوة واللي تغني صوتها حلو ويايه من دبي حق الافتتاح
وكانوا منزلين قطع كثيره من الكولكشن الجديد لشانيل
The Hula Hoop Bag
كانت موجوده وبأكثر من لون
هالتراجي لونهم وايد حلو
ضيافة شانيل
شكراً للسيدة رهام الحبشي ولبوتيك شانيل
الصيف دخل علينا وباليمعات والشاليهات الواحد يبي شي بارد ومنعش
Sweetosis وصلنا من
علبتين من حلوياتهم
الاولى عباره عن اكواب ميكس داخلهم 4 انواع (حلو التك – المانجا – النوتيلا – جوكليت شيفل) ذقت المانجا وكان تحته اعتقد محلبيه وايد كان حلو وطعمه لذيذ
Chocolate Lava البوكس الثاني فيه
طبقة بيضا ماني عارفة بالضبط شنو وتحته ككاو سايح وكيك جوكليت
لازم تتسخن قبل لا تتقدم
For Order : 60782558
Instagram @Sweetosis
وصلتني دعوه من صالون قلوس للقاء مصفف الشعر العالمي ومدير شركة الترنا للعناية بالشعر السيد مايكل شون كوربي الذي عمل مع العديد من مشاهير هوليوود امثال ليندسي لوهان, جينيفير انستون, كاتي هولمز وغيرهم
استقبلونا اصحاب الصالون الاخوات الحبوبين امواج ونوره البحر وعرفونا على ضيفهم بصراحه كان جداً طيب وبسرعه خذا علينا وقام يسولف معانا وبلغنا انه درب العاملين في صالون قلوس على القص وطريقة تصفيف الشعر من تسريحات وغيرها على طريقته الخاصة
صالون قلوس نزاكه وورد بكل مكان لاستقبال الضيوف
كانت لي زياره سابقة للصالون وكتبت عنه – اضغط هنا
مايكل وصوره خاصة لنا 🙂
ولما كنا هناك وصلوا تلفزيون الوطن وسووا معاه لقاء لبرنامج بنات وبس
و سوا لنا تسريحه بسيطة وانيقه ما خذت منه 5 دقايق
سوا عجفتين ودخلهم في بعض وبطريقة معينه حط الدبوس
وهذي كانت النتيجة النهائيه (الصورة من صديقتي جاكي) تسريحة ناعمه وبسيطة حق كل يوم
وما قصروا قلوس ضيوفونا بكل خير
Gloss Salon Located in Jabriya,Block 1A,St. 8, Building 28, 1st Floor
Tel : 25359051
FB (Link)
Twitter (@Glosssalonkw) Instagram (@Glosssalonkw)
كل يوم افتح الانستغرام يرتزون بويهي كرات تشبي تشبي المنتج اليديد من دلـه .. عاد ذاك اليوم ماره يم جمعية كيفان قلت ادخل اخذلي من هالكور اللي يتلذذون فيهم خلق الله
والله ونطرت فوق النص ساعه على ما يابوهم فرررريش واخذلي جار والله حجمه زين وفيه كميه زينه بقيمه 6 دك
وارجع البيت
شي حده حده لذيذ للي يحبون البينت بيتر (السبال) لأنه الكرات عباره عن الككاو والبينت بيتر وبسكوت البريتزل
تغث شوي بس ناااااطعه ويبيلها فنيان قهوه يمها يكسر حدة الحلات
لا تطوفكم 😀
Tel : 99989824
Twitter @DallahKuwait Instagram @DallahKuwait
الاسبوع اللي طاف كانت عندنا يمعه في بيت وحده من الحبايب وبناتها كانوا مسوين لها مفاجأة حلوة علشان عيد ميلادها
لما دخلنا بيتهم شفنا هالخيمه الوردية الحلوة والشغل العدل والشموع بكل مكان وحاطين وردة حق كل شخص
Pink Tent
وايد حبيت شغلهم مرتب ونازك وذرب خياااال حق المناسبات
For Reservations & More Info Call : 99218963 – 60000908
Instagram @Pink_Tent_Kw
تمت دعوتنا من قبل شركة وهران وسامسونج للالكترونيات لحفل افتتاح متجرهم في برج الحمراء
يعد هذا المتجر من اكبر متاجر سامسونج في الشرق الاوسط ويضم احدث منتجاتهم
