قدم المصمم كارل لاغرفيلد عرض خلاب لدار الازياء العالميه فندي
القطع كانت مميزه خصوصا الحقائب بالحجم الاكسترا ميني حجمهم يشوق خصوصا اذا تعلقوا على الجناط الكبار يعطيها شكل عجيب
البيكابو العنونه زوغه
والميني كارل دول اتينن تحسفت شريت الكبيره ياريتني ناطره شوي 🙁
الوان الباستيل واضحه بهالكولكشن والكرستالات والاشغال اليدويه على بعض الجناط
وايد عجبني الكولكشن انتوا شرايكم فيه ؟
واحنا نتمشى في سيتي سنتر البحرين لقينا كافيه وايد كلاسك يشوق اسمه تي سبون
اهو اساسا في فندق كمبنسكي سيتي سنتر ومكانه طال على السنتر صوب ساكس فيفث افنيو
عاد فطوم صديقتي من ربع الجاي فقلنا نقعد فيه نجربه
انا طلبت كابتشينو
ويابوا معاه ستاند يشوق فيه كوكيز
فطومه طلبت جاي اكيد ومعاه جيزكيك
نصوري طلب هوت جوكليت
جوكليت فوج
باوند كيك
T-Spoon is located on the ground floor of Kempinski Grand Hotel Bahrain City Centre
وصلتني الاسبوع اللي طاف دعوه من صالون يديد اسمه امورفيا
شكل البطاقه يشوق ثيم بحري داخله صدف وفيه علب صغار فيهم الوفيرا وماي ورد واسك للوجه
حبيت وايد طريقتهم بالايفنت
انهم مخلين كل ٣ بلوقرز صديقات مع بعض بنفس اليوم
واحلى شي انهم اختاروا معاي دندرمه وسويره 🙂
وصلنا قبل الساعه ٦ انا وسويره واستقبلونا اصحاب المكان ابرار وانوار ياحلوهم
المكان شرررح ويشوق تبارك الرحمن مسوين الثيم كله على الطريقة اليونانيه المستوحاة من جزيرة ميكانوس
واللي رايحين الجزيره وشايفينها راح يحسون بهالشي خصوصا بالالوان لانه اللون الابيض مع الوان الابواب والشبابيك الزرقه من الاشياء الملفته بميكانوس
وحتى اسم الصالون (امورفيا) معناته الجمال باللغه الاغريقيه
هذا الريسبشن
الانتظار
استقبلونا بهالشراب الازرق
حتى عصيرهم ماشي مع الثيم نزاكه
مكان العنايه بالاظافر
مكان اختيار الاصباغ
اصباغهم من ماركات متعدده وعندهم اشكال وايد للنيل رابس وحصلت عندهم صبغ لوبوتان الاحمر فقلت بجربه
مكان السشوار
غرفه المكياج وبيكون عندهم دورات خاصه بعد
الحمام اليوناني
خلونا نختار ورقه ونشوف شنو التريتمنت اللي يطلع لنا
انا حظي طلع تريتمنت جوز الهند او الناريل
وجابلتني هنديه اتينن ياحلوها سوزان دلكت راسي وحطتلي التريتمنت
وبعدها اتجهت اسوي المنيكير واخترت تريتمنت الايس كريم كان وايد حلو
شغلهم ماشاء الله ذرب وسنع وشغل عدل واااايد حبيته
اللي مسكتني اسمها ادلين اتهبل
شوفوا الدلع وانا اقرق مع سويرتي ههههه يايتني ابرار وماسكه هالشي اللذيذ
ايس كريم مع الكراميل والكرات الزوغه بطيخ
فناتق بروره 🙂 صج حسستينا قاعدين على الشاطىء ناخذ تان ونتبرد بهالبطيح والبرد ههههه
واخر شي سشوروا شعري خوش سشوار والله
وهذا اللوبوتان 🙂
مشكورين وايد ابرار وانوار استانسنا مع بعض ومعاكم والمكان اينن اكيد اكيد بنرجع موفقين
امورفيا في الجابريه قطعه ٣ ب – الشارع ١١١ – بناية صيدلية الكندي – الدور ٢
تلفون : ٩٦٦٤٩٩٤١ – ٢٥٣٣٥٩٥٦
Instagram @Omorfiakw
المصممه البريطانيه ستيلا ماكارتني قضت سنوات من عمرها في السفر مع والديها ولها ذكريات جميله في التقاط الصور الفوتوغرافيه اضافه الى انه امها واختها مصورات
وحاليا عندها تعاون خاص مع شركة كانون لاطلاق باكيج جنطة كاميرا من تصميمها وسمتها بإسم امها (ليندا) مع كاميرا كانون بيضا
Canon EOS 100D – DSLR
الجنطه نازكة تشوق وتماشي الموضه
بيكون الباكيج حصري في منه ١٠٠٠ قطعه فقط وينباع شهر نوفمبر ٢٠١٤ في هارودز وسلفرج
قيمة الباكيج الجنطه مع الكاميرا = ١٩٤٠ دولار
مجموعة انيا هيندمارچ لربيع وصيف ٢٠١٥ مستوحاه من الستيكرز او الملصقات والادوات المدرسيه
حبيت هالمجموعه اكثر وايد من المجموعه اللي طافت اللي على كورن فليكس وسبونج بوب
حسيتها فنكي
واقتلتني الجنطه ام الاحساس مادري حسيت باخذها 🙂
شرايكم فيها ؟؟
Abercrombie & Fitch الماركة الامريكيه
تفتح محل لها في القراند افنيوز قريباً
