منزلين صينية كبيره خاصه بالاعياد الوطنية للكويت الحبيبه Pico Joy
فيها 96 قطعه من الجيز كيك مختلف المذاقات على الوان علم الكويت
وصلتنا الصينية وجربنا انواع الجيز كيك وايد لذيذة ما شاء الله
الاسود = اوريو
الابيض = جوز هند
الاحمر = فراولة
الاخضر = جلي اخضر
For Order : 96634415 – 55160547
Site Link Instagram @PicoJoy
نيل بار بوتيك منزلين علاجات جديدة للشعر مثل الماكاديميا والسيليكون
امس كنت عندهم وجربت علاج الماكاديميا
اول شي حطتلي زيت الماكاديميا اللي يصلح لجميع انواع الشعر ومن فوائده انه يغذي الشعر ويكثفه ويخلصه من التشابك اضافه انه سريع الامتصاص وملمسه مو دهني ويثبت لون الصبغه ويخفف من جفاف الشعر بنسبة 40% اضافه الى انه يسرع عمليه تجفيف الشعر بالسشوار بنسبه 40% ايضاً
خلته على راسي تقريباً ربع ساعه تحت البخار
بعدها حطتلي الماسك الماكاديميا ويتكون من الزيت وزيت شجرة الشاي وزيت البابونج وخلاصة الصبار والطحالب
طبعا اي علاج يبيله استمرار وعناية علشان يعطي نتيجه .. ان شاء الله عاد اكمل بس النتيجه كأول مره حلوة حسيت انه شعري يلمع
Tel : 22322833
Nails Bar Boutique Located in Dar Al-Awadi Mall , Basement
Instagram @NailsBarBoutique
تمت دعوتنا من قبل المدونه مراوي ليمعة بلوقرز بنات في المطعم الجديد لو سوشي بار في برج الحمرا
انا وصلت متأخره ذقت بس قطع الدياي الصغار وقطعه ربيان ومادري شسمهم بس كانوا لذيذين 🙂
و البنات يمدحون وايد الاكل من مقبلات واطباق رئيسيه
جربت الجيز كيك مع الزنجبيل خيااااال مع اني ما احب الزنجبيل بس هالكيكة خطيره
وجاي اخضر على طريقتهم الخاصة 🙂
شكرا لو سوشي بار ومراوي على اليمعه الطيبه
Lu SuShi Bar Located in 2nd floor, Alhamra Mall
Tel : 22270300
Instagrm @lesushibarkw
واحنا في القرية العالمية في دبي مرينا على كشك هولندي يقدم الكوكيز الهولندي المعروف عندهم
Golden Syrup Cookies
ويسويها جدامكم فريش ويحشيها عسل او نوتيلا وتاكلونها حاااااره
تحصلونه بالممر بين الجناح الصيني وجناح جنوب افريقيا
ولفت نظري حلاو بو بقره نفس اللي عندنا بالكويت بس هذا هولندي ,, تهقون منو مقلد الثاني 😛
قلنا لميشيلو يسويلنا كوكيز بالنوتيلا وهذي العجينه في التوستر الخاص بالكوكيز
امممم نوتيلا
وهذي كوكيزتنا جاهزه
يبيعون بعد تكرمون جواتي بيت على شكل النعال الخشبيه المعروفة في هولندا
عندي طلب عندي غريض .. سله فيها كيك وبيض .. هاج السله وروحي سيدااا وصليها حق كوخ ايديداااا
انا وصلت يوم الخميس ولقيت سلة ليلى ناطرتني عند باب داري !!!! يوم الخميس وناسه وصار وناستين لما شفت هالمفاجأة الحلوة اللي رجعتني سنه 88 لما حضرت المسرحية مع اختي 🙂
965flowers و Local Flavor شركة
ماقصــروا ذكرونا بالماضي الحلوو وخلطوه بالحاضر الجميل بسله فيها بوكيه ورد رائع وعدة اصناف من الحلويات اللذيذة مثل الكب كيك والكوكيز اضافه الى قصة ليلى والذيب ومسرحية ليلى والذيب المشهورة 😀
مشكورين وايد
