مانتعلم ونحب تطبيق الا ويطلعون لنا وراه تطبيق ثاني
ومع الخيل ياشقرا ومع الهبــه
فتحت اكاونت سناب چات خاص للمدونه
PinkGirlQ8Blog
صج فيه شوي انتهاك لخصوصية الواحد لكن هم ممكن يفيد بتغطية سريعه للاماكن مثل المعارض والمحلات اللي ما احس يستدعي احط عنها بوست بالبلوق مجرد تنويه بسيط تشوفونه وتكبچرونه وتستفيدون منه
فاللي حاب يعرفني اكثر من خلال سناب چات حياه الله 😀
وصلني اول هالاسبوع باكيج يشوق من
Rice To Riches
Rice Pudding محل بالافنيوز متخصص بال
عندهم انواع واااايد تحتارون شنو تاخذون
والاحلى انكم تقدرون تجربون كل شي عندهم وتختارون اللي يعجبكم وعلى مزاجكم
يابولي ٦ انواع مختلفه بقولكم رايي الشخصي فيهم واكيد كل واحد ذوقه مختلف 🙂
استانست على الكرت 🙂
الله يعافيكم ومشكورين على النقصه
العلب تشوق واللي عجبني انه تقدرون تحتفظون فيهم
والبودينغ اذا سكرتو العلب عدل يحتفظ بطعمه الفريش لمدة ٣ ايام بالثلاجه
الانواع اللي وصلتني
Coast to coast
Cheesecake
بالنسبه لي ماحبيته بس البنات وايد حبوه
Raspberry Statement
هم التوت مو الكل يحبه بس طعمه جيد بالنسبه لي
Play it Again
Butter Pecan
البيكان كان حلو
Hazelnut Chocolate
Bear Hug
طيب بس ثقيل يغث
Forbidden
Almond
اللوز وااااايد لذيذ اكثر واحد عجبني
Lotus
اللوتس جديد عندهم وهم طعمه وايد طيب
ويايبين لي مغناطيس يونسون 😛
اهم شي الكرش هههههه
Rice to Riches is Located in The Avenues, The Mall
Tel : 22201115
Instagram @RiceToRichesKw
وصلتني دعوه لحضور افتتاح محل يوكو موكو الاول لمنتجات البسكوت والشوكولاته اليابانيه الفاخره
لكن مع الاسف كان عندي ارتباط اخر في نفس اليوم وماقدرت اروح
وثاني يوم لقيتهم يايبين لي علبه عنونه مرتبه فيها جم نوع من الانواع اللي يبيعونها لتجربتها
بكل الانواع اللي جربتها البسكوت هش لذيذ وخفيف والككاو طبقته خفيفه وطيبه
وايد عجبني خصوصا اللي بالنص فيه مكاديميا شي خيال
شكرا يوكو موكو والاخت عايشه على الدعوه والهديه
yoku moku is located in Hawalli, Beirut St, Naif Complex
Tel : 66139797
Instagram @yokumokukw
وصلتني دعوه من دايت كير لحضور ايفنت خاص لتجربة المنيو الجديد
اسلوب حياتي
امس رحت الايفنت
الترتيب كان رائع والمكان وايد حلو والموسيقى جميله والحمدلله الجو ساعد كان كل شي خيال
مجهزين لنا سيت منيو موجود على الطاوله
كانت قاعده معانا الفنانه الحبوبه باسمه حماده
ضيفونا بالقهوه العربيه
بعد مدح البنات جربت الكاركديه
شي لذيذذذذذ
وبعدها بدوا يمرون علينا بالاكل
اول شي السلطات
ذوقونا ٣ انواع
– جبن الموزريلا مع الشيري توميتو وصلصه البيستو
– سلطة السبانخ مع صلصه البيري
هذي كانت خيال
– مكس الخس مع الجزر والتمر مع الفيتا
المقبلات
– ورق عنب
وايد طيب
– متبل الشمندر
عجيب
– ميني كيش
لذيذييييين
الطبق الرئيسي كان اكو عدة خيارات وانا اخترت الدياي مع باستا الصدفه مع صلصه الجبن والليمون
وااااايد عجيبه
الحلويات
كانت انواع متعدده من الماكرون وجيزكيك الشوكولاته البيضا مع القرع وكيكة جوكليت فدج بالهزلنت ورازبيري تك
شكراً دايت كير على الدعوه والايفنت الرائع
Tel : 1806050
Instagram @TheDietCare
يوم السبت اللي فات كان عندنا خوش ريوق في بيتنا اوت دور برعاية جمعة حبايبنا
كايترينج قوي حق الريوق اكلهم كله فريش ولذيذ وشغلهم كله مرتب ونزااااكة
والاحلى انهم ٣ بنوتات اهم اللي يسنعون ويسوون ويتطمنون على كل شي
الله يوفقهم ويبارك لهم بمشروعهم
ماشاء الله كمية الاكل راهيه وشغل نظيف وكل شي بروحه
والفكره الحلوة انه كل التبرويرات بعد ماتخلصون ويبقى منهم تاخذونه لكم
اللي كانوا مقدمين لنا للريوق
– سمبوسه نوعين مع التغميسه
– فول
– فلافل
– لبنه نوعين
– حمص
– متبل
– ٤ انواع اجبان
– مربيات
– قشطه
– زيتون
– جزر وطماط وخس وخيار وفلفل اخضر وخضار ورقيه
– سلة خبز فيها خبز لبناني مجيس وباجيت واكثر من نوع كرواسون وتوست
وهم يايبين ستيشن للبيض والصاج بعد وهذي الحشوات
البيض شغل عدل يم يم
الصاج بالنوتيلا
اول مره اسوي يمعة ريوق وصج كانت اسم على مسمى جمعة حبايبنا لانه وايد استانسنا
شكرا جمعة حبايبنا والله يوفقكم يا بنيات 🙂
للاستفسار والحجز : ٩٤٤٤٦١٧٠
Instagram @Jm3at.7baybna
من فترة طلبت ليمعتنا كيكة شفتها في واحد من اكاونتات الاعلان وشوقتني
من مشروع اسمه حلاتي
الكومبنيشن لفت نظري البه مع قرص عقيلي !
الالبه كانت طيبه بس القرص عقيلي كان شوي يابس يبيله يكون سوفت اكثر
يمكن علشان كانوا حاطينه بالثلاجه علشان تصك الالبه
For Order (WhatsApp) : 99928294
Instagram @7alatti