تعودنا في كل مارس من كل سنه ان يفتح ملتقى كويتي وافتخر ابوابه لاستقبال الزوار ومتابعة آخر المشاريع والشركات والمواهب الكويتية المشاركة والمميز في هذا الملتقى انه يتطور ويختلف كل سنه منذ بدايته قبل 7 سنوات

هذه السنه سيكون الملتقى مختلف للغاية والسبب بناء قرية تقليديه كويتية كامله في ارض المعارض بمشرف

وصلتنا دعوه قبل ايام لحضور جولة حصريه مخصصه للبلوقرز لاستكشاف هذه القريه وتسليط الضوء عليها للقراء الكرام 

رسم تفصيلي لقرية كويتي وافتخر 

وصلنا القرية الموجوده خلف قاعه 4 تقريباً بمكان واسع ما شاء الله 20,000 متر

وهذه البوابة ودخلنا 🙂

فوق البوابة بيكون اماكن تواجد محطات التلفزيون 

السيد ضاري الوزان رحب بالمدونين وخذانا بجولة في القرية

المتألق عبدالله بوفتين كان موجود

القرية تقليدية بحت وانا اتمشى تذكرت سوق المباركية والسوق القديم بالافنيوز وطرى على بالي مسلسلات حياة الفهد مثل الداية والفريه وغيرهم

اتمنى هالقريه تكون دائمه حرام تكون لفتره معينه شي بصراحه راقي ويشرف 

البوثات كلها على طريقة دكاكين قديمه يشوقووون

صورنا يا عكاَااس 🙂

مكان الاسطبل 

مكان البوثات

شكل البوثات وبيبانها والسقف قديم بقديم

حصن الكوت اهو مكان المسرح اللي يشيل اكثر من 1000 شخص

ميناء الفرضه وراح يكون فيه 10 مطاعم وقهاوي راقيه 

منطقة الدسمه فيها منحوتات تشوق عن معالم الكويت مسويها 9 نحاتين من امريكا ب700 طن رمل وتعتبر هالمدينه الرملية اكبر وحده بالوطن العربي

قصر السيف 

ما شاء الله حدهم مبدعين 

واللي لاحظناه في كل القرية وجود رسومات جرافيتي تشوق وعبارات وامثال كويتية جميله (اقبض من دبش) و (مد ريولك على قد الحافك) و (نصيبك يصيبك) ورسمات لبعض ادوار فنانينا الكبار مثل (قحطه) و (كامل الاوصاف) و(علقم) والاعب فيصل الدخيل والفنانه الراحله عايشة المرطه وغيرهم 

انكل سام الكويتي و فيدر يرقص عرضه وسوبرمان 

القرية عجيبة وايد وايد حبيتها واكيد وقت الافتتاح بتكون احلى ان شاء الله 

بآخر جولتنا ما قصروا فريق كويتي وافتخر وزعوا علينا ماي بارد يزاهم الله خير يبرد على القلب

كل الشكر للسيد ضاري الوزان وجميع فريق كويتي وافتخر على الجولة الرائعه والمكان الاروع وموفقين يارب 

ملتقى كويتي وافتخر 2013 يستقبلكم يوم الاربعاء 6 مارس ولمدة اسبوعين 

بالفتره من 10 صباحاً الى 10 مساءاً

Site link   FB link    Twitter @P2bKuwaiti    Instagram @P2BKuwaiti