Poffertjes
كانوا مشاركين في مهرجان المباركية
يقدمون الميني بان كيك الهولندي
شكل البان كيك يشوق وريحته خطيره وكان عليه طوابير ماشاء الله
والحلو انه الشباب نفسهم يشتغلون مو مخلين احد يسوي البان كيك بدالهم
اخترنا النوتيلا والكندر والاثنين نااار
عندهم محل في ديسكفري مول اذا خاطركم تجربونه 🙂
Instagram @Poffertjeskw
بيت احمد محل جميل في المباركية كنت كاتبه عنه بوست من قبل
اضغط هنـا
لكن اول مره اروح ماعتقد كان فيه قهوه كان بس محل
اما الحين صار عندهم قهوه وماشاء الله اذا تأخرتوا بالوقت ماتلقون مكان من الزحمه
شوفوا مكان القهوه
المنيو
كان طلبنا قوري شاي لشخصين ويابولنا معاه قروضات (مكسرات) القوري يكفي ٣ استكانات تقريبا
جايهم عجيب مادري شنو ماركته بالضبط بس مضبوووط
وشفت بنات خالتي ورفيجاتهم وقالولي صوري طلبنا 🙂
اذا ماني غلطانه طالبين ساندويتش كباب لأنه سامعه انها لذيذه عند بيت احمد
اليوم مريت على سيفورا الافنيوز ولفت نظري مجموعة مصممه المجوهرات والحقائب شروق رحيم الخاصه بالتعاون مع سيفورا
شدوات وبلشر واصباغ اظافر وفرشة للبودره وبعضهم مدخله معاهم بعض الاكسسوارات الملونه اللي عودتنا عليهم
بالنسبه لي ملفته للنظر من بعيد بس بصراحه مالفت نظري الا الفرشه اللي معاها خاتم وماخذيتها
وعجبني البلشر انه فيه لمعه يصلح للمناسبات فخذيته
وهذي صوره اوضح للمجموعه كلها
مركز سلطان كل سنه يطلع فناتق لعيد الحب او الفالنتاين
السنه اللي طافت كانت رقية ام قلب حب ال ب١٠٠ دك
هالسنه مسوين شي ارخص بس كيوت هههه
تفاح احمر منقوش عليه عبارات الحب وبسعر دينار ونص
اول امس قاعده مع عيال اختي بالخيمه الخارجيه وخطر في بالي شي حالي
فتحت موقع طلبات وصارت بويهي اسطنبوليه
شفتهم منزلين كيك تمر عنونات يشوقون مسمينهم كيك امي وضحه
قلت نجربها شكلها لذيذ
الباكيج نازك
والماعون قديم احلى شي انه ماينقط وتستفيدون منه
ريحة الكيك خنينه اول ماتفتحون العلبه
والطعم وايد لذيذ خصوصا للعصاري مع بيالة الچاي وهم حلوة حق يمعات الاهل والبر
For Order : 96666150
Instagram @Istanbuliyah
وايد استانست على حركة الاضاءة اللي مسوينها على الابراج بمناسبة اعيادنا الوطنيه وهلا فبراير
الفكره جميله وتشد
اشوف الناس توقف وتصور
سيارات كثيره حتى من الخليج 🙂
