بعد مشاركتهم بمعرض الامتياز التجاري بدولة الامارات
كافية بزة يشارك في ملتقى الامتياز التجاري الاول
المقام بالمقر الرئيسي للغرفة التجارية بالمنطقه الشرقية بالمملكة العربية السعودية
يومي الثلاثاء و الأربعاء 29-30 مايو 2012م
برعاية معالي وزير التجارة و الصناعة
الدكتور \ توفيق فوزان الربيعة
مشاء الله عليهم كافيه بزه نشيطين والواحد يستانس لما يشوف عيال ديرته يتوسعون بشغلهم ويطلعون بشغلهم الطيب خارج نطاق الديرة الى دول الخليج الشقيقه وعقبال الدول العربية والعالم بعد
موفقين كافيه بزه
Site : Link
مطعم جديد يدخل دائرة المنافسه مع باقي المطاعم في منطقة الجابرية Shuffle
المميز في شفل هو وجود شاشة عرض (بروجكتور) تغطي جميع حوائط المطعم لتعرض من خلالها مشاهد مختلفة من الفيديو والموسيقى كما يمكنكم حجز المطعم بالكامل لمناسباتكم الخاصة وعرض مايحلو لكم
ديكور المطعم مختلف وجميل جداً متداخل بين الليبورد واللون الذهبي اضافه الى لمسة من الفنتج من خلال المرايات
مع الاسف زيارتي كانت العصر علشان جذي مو مبينه طريقة العرض عدل على الحائط
شعار المطعم (الغوريلا) والتاج اللي على ملاعق وشوك يونس وغريب وحلوة فكرة وجود الشعار على بعض الكراسي
تخيلوا بالليل فترة العشا يكون المطعم جذي وااو
المنيو في مرحلة الطباعه لكن راح يكون هناك منيو لل Soft Opening
يحتوي المنيو على اطباق مختلفة من السلطات والمقبلات والبرجر والباستا اضافه للفروزن يوغرت والسموثيز
Raspberry Blast بدايتنا كانت مع
وهو عباره عن سموثيز مكون من الرازبيري, الاناناس وعصير التفاح
حده منعش وصيفي وفيه لسعة حموضة
Tropical Storm
عباره عن مكس من المانجا, الاناناس, الموز وعصير البرتقال
ناطع وفريش ومنعش بعد
ووصلت المقبلات
Mozzarella Vermicelli
قطع لذيذة من الموزريلا المغطاة بصلصة الافوكادو
وايد وايد حبيته عجيب
Shuffle Salad
خلطه وطعم غريب عجيب بس لذيذ
مكونات السلطة تفاح ومانجا وفراولة وبلوبيري ورازبيري وخس وجزر و ملفوف والدريسنج عباره عن زبادي اوروب مع بقدونس
Sesame Miso Shrimps
عجيب عجيب عجيب مادري شفيني صايره احب الربيان مع اني مو من ربع الزفره والسمج لكن الربيان صديقي وايد احبة
ودخلنا على الاطباق الرئيسية والبداية مع
Shrimp Pasta
ربيان مشوي ومتبل يقدم مع كريم باستا ومشروم
محبي الربيان والباستا ترى روعه لازم تجربونها
Upset Burger
برجر حجمها كبير مكونه من البيكن والبيض مع حلقات البصل والهني ماسترد
البن شكلها عملاق لكن مجرد ما تمسكونها تلقونها حدها حدها فلافي وسووووفت عجيبة بس طلبوا يقصونها لكم علشان تقدرون تستمتعون فيها
ستاف شفل بانتظاركم اعتباراً من باجر من الساعه 2 الظهر حتى 11:30 مساءاً
والعاملين بالمطعم على الدعوة الكريمة والضيافه الرائعه F&B Connection شكراً لشركة
Shuffle Located in Jabriya next to Yogen Fruz
Twitter : @Shuffleq8 Instagram : @Shuffleq8
بما ان الصيف طق الباب وتحلى القعده بحمامات السباحه ويمكم قلاص العصير البارد الفريش
قررنا نكسر الروتين ونقضي يوم كامل في فندق مركز المؤتمرات والرويال سويت
(Image in the top from google)
بين غرفهم الديلوكس والاجنحه
صار الحجز لجناح الدبلوماسيين اللي يكون مع حوض سباحه خاص
وصلت وكان الحجز زااهب واستلمت كرت الجناح
الفندق هادي وعرفوه الناس بالقاعه اللي تحت ودايما يكون فيها معارض وحفلات
الفندق يحتوي على 54 غرفه منها 32 غرفه ديلوكس و12 جناح صغير اضافه الى جناحين رئاسيين مع احواض سباحه خاصة وجناحين للسفراء و6 اجنحه للدبلوماسيين مع احواض سباحه خاصه
وصلت الطابق الثالث مكان الجناح الخاص فينا
الممر المؤدي الى الاجنحه
ووصلت الجناط .. من يقول بينك موجودة ؟ وصادف خواتي جناطهم بينك بعد 🙂
والحين نلقي نظره لجناح الدبلوماسيين
والجناح شامل الافطار – الانترنت – النادي الصحي وحمام سباحة السيدات اضافه الى حمام السباحه العام في فندق الموفنبيك
دخلت الجناح وكانت تفوح منه ريحة الورد .. مشاء الله اينن كل مكان بوكيه
اتركم مع الصور اللي تتكلم عن نفسها
تكرمون الحمام يطل على الغرفه
والحين المكان المهم في الجناح .. حمام السباحه 🙂
صغير بس حلو حق معاريس خصوصاً بوجود قاعة الافراح تحت .. وهم يمعات البنات او حتى يمعة شباب خصوصاً ان برايفت والواحد ياخذ راحته
بعد ما دخلت وصورت سمعت طقه خفيفة على الباب منو منو
لنــا الرشيد
DIRECTOR OF MARKETING & SALES IN THE CONVENTION CENTER & ROYAL SUITES HOTEL – FREE ZONE
يا هلا ومرحبا .. قعدت معاها سوالف جني اعرفها من زمان وايد حبوبة و وصلوا خواتي واكتملت القعده لكن كان ودنا تقعد لنا معانا فترة اطول لكن ماكنا نبي نعطلها عن شغلها في الفندق ومجلة ذا سيتي .. مشكورة لنا على الدعوه الكريمة
وبدا مشوار الضيافه من عصير الليمون والنعناع .. اكيد لنا تدري انه مشروبي المفضل 😉
وصحن الفواكهه المنعش خصوصاً بالجو الحار وعلى المسبح
بعد لوية السباحه والوناسة والسوالف والضحك والتان طبعاً كان وقت الغدا ووصل الويتر مع الترولي
وكان طلبنا حمص, متبل, ورق عنب, سلطة يونانية للمقبلات
بيف برجر
كلوب ساندويتش
باستا مع الوايت صوص
كانت لي بعدها جلسة باديكير ومانيكير في
Arabian Spa & Beauty Center
ان شاء الله بتكون في بوست آخر
بعد المغرب صار وقت القهوه والحلوو وكان لازم معاهم ايس كريم يبرد على القلب
وصل البنانا سبليت لكن حسافه الايس كريم ذايب
التراميسو عجيب .. القهوه الفرنسية
كيكة الجوكليت مع الكابتشينو
يقدم الفندق عروض جميله للصيف ولأنهم كريمين وانتوا تستاهلون فلكل قراء مدونة بينك غيرل خصم 15% على قيمة الجناح والغرف الديلوكس
وهذي الاسعار العادية وللصيف ومع العرض الخاص للمدونة
ما عليكم الا انكم تذكرون انه الحجز عن طريق مدونة بينك غيرل وانكم شفتوا الريفيو
الحجز يكون من خلال الايميل او الرقم ادناه
Email : Sami@theconventioncenter.com.kw
Mr.Mohammed Sami : 65900608
Pink GirL Q8 Readers will get 15 % discount for the Diplomat suites with private pool & the Deluxe rooms reservation,the only thing you need to do is mention Pinkgirl blog into email or Phone reservations
يقع مركز المؤتمرات والرويال سويت في الشويخ, المنطقة التجارية الحره مقابل فندق موفنبيك الكويت
FB Link Twitter @TheCCRSHotel
اغنية سياسية ذات كلام قوي بالصميم .. اغنية ملينا تعبر عن حال لسان الكويتيين بالنسبة للوضع الحالي
غناء : مشعل العروج وانتاج شركة سنيار للانتاج الفني
BiBi Cosmetics يسرني ان ارحب بالراعي الجديد للمدونة
وهي شركة رائدة في مجال مستحضرات التجميل والمنتجات العضوية الطبيعية في الكويت والخليج وهدفها تعزيز الجمال دون المساس بالصحة حيث توفر منتجات تجميلية عضوية من ماركات عالمية معروفة
Nvey eco مثل ماركة
اللي تتميز بأنها عضوية نقية خاليه من اي مكونات كيميائية ومتوافره في قسم التجميل بجمعية مشرف التعاونية
For More Details : Site Link Twitter @Bibi_Cosmetics
