في السوق القديم بالافنيوز المطاعم صارت تتنافس لتقديم الاكل التقليدي الكويتي
وهالشي صراحه وايد حلو خصوصا ان الافنيوز احد المعالم المهمه بالكويت و حلاته زوار الكويت يذوقون اطباقنا مو بس المطاعم الامريكيه الايطاليه و غيرها
اخر المطاعم اللي فتحت اهو مطعم زواره
الموجود بالسكة اللي فيها كافيه بزه و حليب وهيل
المطعم ديكوره وايد حلو و مودرن لكن فيه لمسات كويتيه جميله
واحنا هناك صادفنا صاحب المطعم الفنان عبدالله بهمن وايد حبوب عسى الله يوفقه
واستلمنا المنيو
حده يشوووووق على شكل دفتر و عجبتني حركة الكتابة بخط الايد والتعليقات والرسمات
والاطباق منوعه والواحد وده يطلب كل شي
لبس الويترز يشوق نص دشداشه و مخيط معاها قميص مخطط و اكو شي بدون قميص خووش لبس مرتب
واحنا هناك مروا علينا الشرطه ياخذون لفه بالافنيوز
الصحون تشوق
كنا رايحين حزة غدا
فطلبنا حمسة چبدة و يابولنا معاها خبز ايراني حار
لذيذه الحمسة عجبتنا
و طلبنا صحن مموش ربيان حده عجيب و ماشاء الله الصحن راااهي و خنين
واييبون معاه دقوس طماط و دقوس صبار ناطع فيه لسعة حموضه على حلاة شي طيب جداً
وعقب الغدا ارتحنا و سولفنا تالي طلبنا چاي و قهوة مرة تعدل الراس و المزاج
الچاي تمام و القهوة زوينه مو شينه بس يبيلها هيل اكثر
طلبنا نوعين حلو ماكانوا موجودين 🙁 واستقرينا اخر شي على ام علي
كانت لذيذه بس بااارده و وايد ماي مايو يبيله يزيدون الچلاش
والسعر كان معقول
بالنسبه لي وايد عجبني المطعم و ان شاء الله لي زيارات اخرى 🙂
Tel : 22200838
Instagram @zwarahkw
