اليوم وتحديداً بمركز سلطان سوق شرق كان حفل اطلاق وتوقيع كتاب الشيف عادله الشرهان (عدوله) الرمضاني الاول 

وصلت الساعه 8 ونص شفت هالزحمه .. توقعت اكون اول وحده بالطابور بس مشاء الله عليهم سبقوني 🙂

انا من الناس اللي وايد حبيت طريقة الشيف عادلة خصوصاً بعد برنامجها رمضان اللي طاف على تلقزيون الكويت

مشاء الله عليها روح حلوة وماكو تكلف وطبيعية الى ابعد حدود يمكن هذا اللي خلاها تدش القلب بسرعه وغير جذي انها تحب هالمهنه ومبدعه فيها والدليل وايد من المطاعم مستعينين فيها للاشراف على منيوهم 

وصل دوووري وعرفتها بنفسي يحلووها ووقعت لي وهم صورت معاها .. خبركم انا لازم احط بصمتي بارشيفي الخاص مع المشاهير ههههههه 

ما قدرت اتحمل اوصل البيت بطلت الكتاب بالسياره عند الاشاره وتصفحته وفيه شوربات وخفايف واطباق رمضان وحلويات وهم تعلمكم الشيف عادله طريقة عمل البهارات خصوصاً بهار يدتها فاطمه الله يرحمها 

كواليتي الكتاب وايد حلو ومرتب ومريح والحلو ان الكلام مخلوط بين العربي ولهجتنا الكويتية وهالشي بنظري يقربه اكثر من اللي بتطبخ وناسه تحس جنها تسولف مع الشيف ههههه

وهم اللي بتعلم خدامتها بتستانس لأنه مكتوب بعد بالانجليزي يعني سولفي مع الشيف وعلمي ميري وسوما مره وحده 😀 

بعض الاطباق اللي موجوده بالكتاب : شوربة عدس , شوربة قرع مشوي وجزر, كباب عروق, سلطة نخي, مشوي جدر, تشريبه, عصيدة, لقيمات و غيرهم اكثر 

وهذا توقيع عدولة لي وبالعكس عدولة انتي تستاهلين الدعم وكل بنات وشباب الكويت المبدعين وموفقة ولا تنسين انا ناطره افتتاح المطعم 😀 

لمعلومات اكثر عن الكتاب ونقاط بيعه اضغط هنــــــا