يحليله ضغطوه على هالاغنية بالكييك وكاهو انشهر وسواها فيديو كليب وقام يمثل 🙂
Giardino Flower Gerge3an
اليوم المغرب وانا اشرب جويهتي وصلني اول قرقيعان قبل رمضان
Giardino Flower مسوين خوش طريقة يديدة للقرقيعان
مدخلين الورد بقرقيعانهم بطريقة فنية جميله
وايد حبيت الفازه اللي على فيمتو تشوق وصج رمضانية مشكورين على القرقيعان وعساكم تعودونه كل سنه وتصومونه 🙂
For Order (WhatsApp) : 66387599
Instagram @ GiardinoFlower
بيت أحمد في الجليعه
الاسبوع اللي فات لما كنت بالجليعه (طريق 245) شفت محل يم كريبو فيه دراريع وخرابيط تونَس
لما دخلت حسيت طريقته نفس بيت أحمد ولما سألت اللي تشتغل قالت فعلا احنا تابع لهم ونفتح بالويك اند بس
عندهم دراريع غريبة شوي وتيشيرتات ومكرم السامع نعل واكسسوارات
شوفوا الصور 🙂
Brownie Hut White Chocolate Triffle
غداء السوشال ميديا على شرف الكبيسي لمناقشة جديد دورة الروضان
يوم الجمعه كان غير لأنه غدانا كان مع الفنان القطري الخلوق فهد الكبيسي والسيد خالد الروضان والقائمين على دورة الروضان لمناقشة جديد دورة الروضان الرمضانية هذه السنه
الغداء كان في برج الحمرا وتحديداً بمطعم كافيه ميـم
ذكرت من قبل انه سبب تواجد الكبيسي في الكويت حالياً هو تسجيل وتصوير الاغنية الخاصه بدورة الروضان مع بلبل الخليج نبيل شعيل .. شخصياً سمعت مقطع صغير من الاغنية وااايد حلوة وان شاء الله تعجبكم
هالسنه الدورة بتكون مختلفة اول شي لأنها تحت رعاية سمو الامير الله يحفظه ثاني شي لأنها راح تكون منقوله على اكثر من قناة رياضية كبيره احدها قنوات دبي الرياضية
HD المنافسات كلها بتكون منقوله بخاصية ال
وهناك اكثر من مفاجأة سيتم الاعلان عنها قريباً من قبل اللجنة المنظمة لبطولة المرحوم عبدالله مشاري الروضان الرمضانية السنوية
بصراحه الوقت اللي قضيناه كان ممتع جداً مو مناقشات بايخه مثل ما تعودنا بالعكس حسينا انه مرتاحين وفهد مو غريب علينا ما شاء الله عليه مريح وخلوق و متواضع جدا ولا هان بو ناصر اخونا خالد الروضان .. التعامل معاكم والحديث كان غير
شكراً سنيار على الدعوة الاخوية الكريمه .. كل التوفيق لدورة الروضان باذن الله
لمتابعة اخبار وانشطة دورة الروضان
Twitter @AlRoudanTour Instagram @alroudantournament
@NBKPage Private Bloggers Viewing of Azimut 40 Yacht
وصلتني دعوة من بنك الكويت الوطني ليوم خاص بالمدونين لكشف الستار عن يخت ازيموت جائزة هذا الصيف لأحد المحظوظين من عملاء البنك الوطني ممن يستخدمون بطاقات الوطني الائتمانية وعلى كل 20 دك فرصه لدخول السحب
وصلنا سيز اند ديزرت بشويخ مبجر .. دخلنا وشفنا اليخت ما شاء الله راهي 40 قدم
Azimut 40 Yacht
صناعته ايطاليه وهذي مواصفاته وسعره
استقبلنا موظف من الوطني وبدا يشرح لنا عن العرض وطريقته لما وصل دورنا وركبنا اليخت وتجولنا فيه برفقة مدير المعرض
اول شي دخلنا الكبينا الرئيسية المكونه من غرفة الجلوس وفيها طاولة خاصة للاكل قابلة للطي اضافه الى مطبخ تحضيري صغير فيه ثلاجه ومايكرويف وبوتغاز ومقابلة المطبخ في غرفة صغيره فيها سريرين ومكرم السامع حمام له بابين واحد من خلال الدار والثاني من الممر يقدرون يستخدمونه الضيوف
القياده تكون باليخت من مكانين الاول داخل الكبينه الرئيسية المسكره علشان اذا الجو ممطر او غيره يكون السائق في مأمن والمكان الثاني في الاعلى حق الاجواء الجميله
هذا المطبخ التحضيري
غرفة الضيوف مع حمامها
الغرفة الرئيسية
الحمامات نفس الشي لكن حمام الغرفة الرئيسية يفرق بشي واحد وهو امكانية دخول ضوء الشمس في الدوش
نصعد فوق نشوف مكان القياده والقعده اللي فوق
وبجذي انتهينا من جولتنا داخل اليخت وانتقلنا للخارج للاستمتاع بالدي جي والباربكيو ومسابقة خاصة للبلوقرز عن اليخت
الكيترينج كان من مانش
فزت بالمسابقة وهديتي عدة للشاطيء والتان من البنك الوطني
شكراً للبنك الوطني على الدعوة وعندكم فرصة ليلحين لدخول السحب على اليخت وبالتوفيق للجميع 🙂