وصلتني صينية غدا كامله الاسبوع اللي طاف من
مطعم الدروازه
صينية مرتبه ومغلفه عدل بالنايلون وكل شي بروحه بماعونه المسكر والاكل حاااار
الطبق الرئيسي كان برياني دياي .. العيش نثري والكمية راهيه وشغل عدل
ومعاه الدقوس وروب بخيار طيب وفريش وماعون خضرا ومعبوج عجيب واچار وتمر ناطع مع هرده وزلابيا فريش لذيذه
عندهم بعد نظام اشتراكات حق اللي مايعرفون يطبخون او ماعندهم وقت او كنوع من التغيير 🙂
Tel : 22266560
Instagram @Aldirwaza
وصلتني منتجات طبيعية لذيذه من
Grace
زيت زيتون فلسطيني بكر
زعتر الضفه البري بالسماق واليانسون
زيتون اردني تفاحي بالفلفل والليمون
كل شي كان لذيذ خاصة الزيتون وايد طيب فيه مروره لذيذه كاسرها طعم الفلفل عجيب
لي درجه طلبت قرشة ثانيه اكبر
For Order : 95560799
Instagram @Grace_Kwt
قبل جم سنه كنت مسويه بوست عن مطعم اسمه ساندويتش بار بالجابريه
ونفس المطعم فتح حالياً فرع ثاني اكبر واحلى وفكرته غير نهائياً عن الفرع القديم
بدعوه منهم رحت مع خواتي وعيال اختي حزت العشاء
علشان نستكشف المكان ونعرف فكرته
الفكره اللي قائم عليها المطعم انه يكون مكان ترفيهي يستمتع فيه كل افراد الاسره سواء بمشاهدة المجسمات العالميه او الخدمات الفنكيه المقدمه من المطعم وغيرها وبسعر الوجبه فقط
انا ما احب اتكلم وايد احب الصور اهي اللي تتكلم عن المكان خصوصاً اني صورت صور واااايد من كثر ما المكان يونس
اول ماتنزلون السرداب في بلازا السالميه بتشوفون مجسمات كبيررره عند مدخل المطعم
بيتي بوب وغيرها
فيه فترينه برا فيها شخصيات فنيه ومصارعين وغيرهم
حتى مدخل المطعم غريب !
مايفتح الا بكرت الموظفين وعندهم اوفر انه اللي اييهم وايد ويصير في اي بي يعطونه كرت يدخل بالوقت اللي يبيه
المطعم صج كبير بس مافيه طاولات وايد تقريبا ٤ طاولات كبار تكفي اكثر من ٨ اشخاص وطاولتين او ٣ تكفي شخصين
اول مادخلنا استقبلونا بالقهوه العربيه
حلاتهم 🙂
المطعم عباره عن متحف يضم مجسمات لشخصيات سينمائية مشهوره مثل باتمان وسوبرمان وهولك وثور وشخصيات كارتونيه نحبها مثل غراندايزر والسنافر وبيتي بوب وغيرهم
عندهم اكثر من ٦ مجسمات سينما كيت واغلب المجسمات نادره بالعالم وكل قطعه عليها تفاصيل وچم رقمها
وهذي صور للمكان وبعض المجسمات الموجوده
قسم شخصيات افلام الرعب مثل تشكي وايزابيل وسو وفريدي وغيرهم
سبايدرمان
سلاحف النينجا
افتار
ثور
سندباد يازينه
وشخصيات كارتونيه يحبها جيلنا مثل سالي وكاليميرو وموزه والشناكل والسنافر وتوم وجيري
توقيع مايكل جاكسون
المنيو مقسم لمقبلات وميني برجر وبرجر وساندويتشات وكوكتيلات وحلويات
وعلى مايوصل الطلب يابوا لنا مجموعه من الاكسسوارات اللي فيها اضاءة وسكروا الليتات علشان الواحد يستمتع بالجو
اليهال كيفوا
والشي الثاني اللي خلا اليهال طايرين من الفرحه ستاند كامل فيه ملابس الشخصيات للبنات والصبيان وللصغار والكبار
ويخلونهم يلبسون اكثر من شخصيه ويصورون
الصحون ورق على شخصيات كارتونيه مختلفه
قلاصات الكولا تشب ليت وكل واحد غير عن الثاني
حتى طريقة تقديم الاكل غير
شموع تشاشي وحركات
الكتشب والمايونيز على شكل مسدس
البرجر يابوها بصندوق جنه استريو وعليه جراقيات
اخترت سلايدر برجر مع صلصه الشوكولاته كنت مجربتها في فرعهم الاول وايد لذيذه
وقبل لانطلع وزعوا علينا حلاو ومجسمات صغيره ذكرى
يم المطعم فاتحين محل خاص لبيع التيشيرتات الخاصه بالشخصيات وبعضها ليمتد اديشن بعد
شكرا لساندويتش بار على الدعوه .. مكان يستحق الزياره وايد استمتعنا فيه احنا واليهال .. عسى الله يوفقكم
مكانهم بالسالمية، شارع سالم المبارك، بلازا السالمية، السرداب
تمت دعوتي لتجربة الاطباق اليديده في مطعم فلــه
بالنسبه للطباق كانت ٣ اطباق خاصه للغدا مربين ومطبق هامور وكبسة لحم
انا جربت من قبل الريوق – اضغط هنـا
لكن اول مره اجرب الغدا علشان جذي قلت اصور لكم الاطباق اللي جربناها
قراميش
سمبوسه وكبب
حمص ومحمره
تبوله
رقاق كرافت
ومن الاطباق الثلاث اليدد اخترت المربين
كان طيب وراهي
الجويهه الزينه
حلو ذهب
حلو خوات شيخه
شي لذيذه داخله كرات تمر ناطعه
مطعم وقهوة فلـه في فندق هوليدي ان داون تاون – دسمان
Instagram @Fallah_kwt
حضرت يوم الاربعا اللي طاف غدا مع يمعة حلوه في مطعم اول مره اجربه
اجتماع جميل لأسرة مسرحية تانيا من انتاج شركة سنيار
اللي راح تعرض ١٩ فبراير ان شاء الله على مسرح النادي العربي بالمنصورية
اليمعه كانت في مطعم كونسبت كوزين في الراية واول مره اجربه
حسين العلي (كونسبت) يتغشمر مع الموجودين
بعيد عن السوشال ميديا انصدمت بشخصية كونسبت ! هادي وخجول عكس اللي انشوفه تماما 🙂
المنيو
اليمعه كانت حلوه مع هيا عبدالسلام وزوجها فؤاد علي وبدر الشعيبي وفرح الصراف وفهد الصالح والغاليه نوف الروضان وفيصل الغريب صاحب موقع كول كويتي والباذر و اسرة سنيار
وبدت الاطباق توصل على طاولتنا
سلطة البوراتا
وايد لذيذه
سلطة الجرجير
هم كانت طيبه
فتـه
جراقي شريمب
فرايز
الجراقي فرايز
ووصلت لنا انواع من البرجر
بلوه بيستو باستا
ههههه صج بلوه
صور ابطال مسرحية تانيا
سيلفي كونسبتي
صور جماعية
لاتنسون تحجزون للمسرحية ترى بتكون شي عجيب 🙂
تمت دعوتي لحضور ايفنت خاص لتذوق اطباق المطعم الجديد
The Chocolate Gate
في ذا قيت مول بالعقيله
المكان يعطي ايحاء انهبس كوفي شوب بس طلع مطعم شامل
الديكور جميل
طريقة تسويقيه حلوه
صوروا طبقكم ونزلوه بالانستغرام وتاخذون خصم ٥٪ من قيمة الفاتوره
احلى شي انه انا وسوير تجابلنا بريحاتنا وعلى راحتنا وجابلنا الاطباق والتصوير
اول طبق وصلنا كان سلطه
All Roots
خطيــــره
واحلى شي الاشياء اللي تتقرمش فوقها
ميكس ملفوف مع الشمندر والجزر ومع صلصه سويت مايو والسمسم وحبة البركة
سلطة
Chocolate Gate
صدر دياي مشوي مع اكليل الجبل والتوت المجفف والبيكان والكرفس والخس مع صلصه البلسمك بالشوكولاته الداكنه والجبن الابيض
هم كانت لذيذه
شبس مغلف بالشوكولاته
بالنسبه لي ماحبيته
التشيكن وينغز كانت فلفــــــــل تذبح فقلنالهم ملاحظتنا
Chicken Keiv
وايد لذيذه
البرجر يابولنا ٣ سلايدرز كل وحده نوع
وبصراحه ماجربنا الا نوع واحد
برجر بلحم الجمل
واااااايد طيبه ماتوقعت
الستيك راب كان حلو بعد
البيتزا كانت خفيفه ولذيذه
دله القهوه العربيه
طعم القهوه طيب مو الكل يضبطه والمسمار انا ما احبه وايد بالقهوه بس طعمه في قهوتهم متمازج
وصلنا نوعين من الحلو
الدوسانت واللي اسمها بأمريكا كرونت
واهي عباره عن ميكس بين الكرواسون والدونات
كانت وايد لذيذه
بيتزا فيها اكثر من مذاق
بالنسبه لي جربت الجهه اللي فيها موز كانت يمي
وبما ان اليوم عيد الحب او الڤالنتاين ماقصروا وزعوا علينا جوري احمر 🙂
The Chocolate Gate is located in Gate Mall, Al Eqaila, Lower Ground
Tel : 22056111
Instagram @TheChocoGate