تمت دعوتي لحضور حفل افتتاح معرض التجميل
Apotheca
في مجمع الصالحيه برعاية الجميلتين
بيبي العبدالمحسن وفجر العوضي
عندهم اكثر من ماركة تجميل مجمعينها تحت سقف واحد مثل
ILIA – Studio Makeup Polish – RGB Polish – Anastasia
وغيرهم من الماركات
الضيافه
Apotheca Located in Salhiya Complex, M2
Instagram @Apotheca_Beauty
Karkadeh Cafe .. كركديه كافيه
وانا بدار العوضي شفت كافيه يديد اسمه كركديه
شوقني ديكوره فدخلت اشوفه
وقالي الويتر انهم حاليا سوفت اوبينينغ
الديكور وايد حلو بصراحه ماشي مع الاسم مادري ليش حسيته مصري لكن طلع بيروتي
المنيو
حمص وفتوش وجبدة وورق عنب وغيره
ان شاء الله يبيلنا نجربه بالايام اليايه
بصراحه الاجواء تقول قهوه 🙂
طلبت لي فرنسيه وكانت خوش قهيوة شغل عدل
كركديه في دار العوضي – شرق – الطابق الارضي
Instagram @KarkadehCafe
My Trip to France – Paris – Day 6 رحلتي الى فرنسا – باريس – اليوم السادس
ياحلو قومة الصبح على رواء ويازين الريوق في لادوريه 😉
ياحلات المكان شراحه ياربي كل شي بمكانه غير
مفرحات القلب والبطن هههه
اول ماقعدنا يابولنا خبزهم الفرنسي والزبده هوم ميد
طلبنا القهوه والبيض الاومليت والكرواسون والفرنش توست الطيب
كانوا قايلين لنا عن تفتيحه يديده في البوتيكات فتريقنا وتمشينا بالشانز لما وصلنا البوتيكات
ودخلنا معرض
Paris Saint Germain
سويت حق نصوري تيشيرت
عجيبه
الويل اتينن
والى السوق سر والكشره من هني لي هني
من يعاف السوق 😀
هذي جم صوره من بوتيك
Dolce & Gabbana
Chanel
Dior Sneakers
اول مارحت ماكنت مقتنعه بشكله بس البنات كلهم خذوا وشوقوني خفت اتحسف فخذيت لي واحد خصوصا ان السعر يفرق وايد عن الخليج
ولهت على هالتمشي 🙁
دشينا محل ككاو عنده خوش تشكيله
واخيرا وصلنا
Hermes
هالجنطه ليمتد اديشن وماكانت للبيع
عقب لويه و٦٠٠ بوتيك هيرمز ادور هالجنطه
لقيت وحده ولون ماحبيته كلش 🙁
ماخذيت
عاد هيرميز ضيافه فل اوبشن 🙂
الشانز
الفوكيت
العشا ذاك اليوم كان ايراني في مطعم اسمه جيت سيت في الشارع اللي بظهر فندقنا ويرويك
المنيو مكتوب عليه العنوان
اللبن بارد يسرسح
روب بخيار
كشك بادنجان
عجيب
ياسلام على الكباب
هالاكل مو من ربعه بس طلبات قروبنا الجميل
وعقب هالاكل الزين لزوووم التمشي لي سوق الكرسمس نتطمش
البلعه اشكال والوان
الجوروز عندهم عجيب
حتى جبنهم غير
الـــوان
شرينا جبنه زرقه على لافندر عجيبه
هوت جوكليت
لقيت بوث يرسم على الكبابيس بطريقة الجرافيتي
وطلبت منه كبوس حق نصوري
وايد حلوين مواعين الفاكهه بس وين الواحد يشقلهم
كستنه
المسله المصريه
واخيرا تغلبت على الخوف وقررت مع البنات نركب الويل 🙂
كيو التذاكر
الفيو من فوق شي موووو طبيعي
باريس اتينن من فوق تشوفون كل شي عجيــــــــــــب
باقي بوست واحد لليوم الاخير ان شاء الله بعدها ان شاء الله ابدى احط لكم بوست سفرة قطر وبوظبي 🙂
Menu Tasting at Nutri Healthy Restaurant
تمت دعوتي قبل يومين لتجربة وتذوق منيو المطعم الجديد نيوتري
وهو مطعم مختص بالاكل الصحي اللذيذ الخفيف بسعرات حراريه قليله
المطعم موجود في دار العوضي
ديكوره بسيط ومريح
كل واحد كاتبين له عباره غير على مكانه
المنيو منوع وكل طبق حاطين يمه الكالوريز اللي يحتويه
اول شي وصلنا من المقبلات كان
Mushroom Bites – 161 cal
خضرا مع البورتبيلو مشروم وجبن الموزريلا الفريش واوراق الجرجير
عجبتني وايد طيبه
Spicy Edemame Dip – 213 cal
من السلطات اخترنا
Watermelon Feta – 271 cal
سلطة الرقي مع جبن الفيتا وحبوب القرع مع النعناع والليمون
صج مو وقتها بالشتا بس كانت وايد لذيذه ومنعشه
Grocchi – 213 cal
باستا البطاط والجبن مع صلصة الطماطم والاسبارغوس
وايد لذيذه
Classic Margarita – 639 cal
البيتزا انا وايد حبيتها خفيفه وطعمها جدا لذيذ
Glazed Lamb Chops with a Purple Potato Mash – 609 cal
ماذقته بصراحه بس صورته لكم بس عجب رفيجتي
من قائمة الحلويات اخترنا طبقين الاول
Glazed Peanut & Banana – 205 cal
مع ايس كريم وايد لذيذ وخفيف
Caramelized Apples – 363 Cal
مع الايس كريم
للامانه الاكل من صج خفيف يعني طلعنا وماحسينا بثقل ابدا
Nutri Located in Dar Alawadi – Sharq
Instagram @NutriKw
أبراج الكويت تنعي الملك عبدالله بن عبدالعزيز رحمه الله
ابراج الكويت احد رموز الكويت اليوم متشحه بالسواد حزناً على ابو الجميع الملك عبدالله بن عبدالعزيز رحمه الله واسكنه فسيح جناته
لفته رائعه من القائمين على ابراج الكويت اللي حبوا تكون تعزية الكويت حكومه وشعب من خلال احد رموز البلد
فيديو
My Trip to France – Paris – Day 5 رحلتي الى فرنسا – باريس – اليوم الخامس
اليوم الخامس كان في بروكسل الى المغرب
اول شي طلعنا نتمشى وندور مكان نتريق فيه
لقينا قهوه وسط البوتيكات وقعدنا فيها
انا طلب كابتشينو وكان شي مو طبيعي لذيذ
وعطونا بسكوت لوتس غريب ماعندنا نفسه بالكويت
وهذي باقي اطباق الريوق
وبعدها تمشينا ولقينا معرض خاص لسيارات البي ام دبليو مع مطعم خاص لهم بس مايفتح للريوق
تهبل السياره مجكنمه
كارتيير
وتمشينا في ديور وصورت لكم جم شغله
هالسليبرات يدد عند هيرمز
واحنا نتمشى لفتت نظري هاللعبه هاند ميد
وجم لقطه واحنا نتمشى في بروكسل
بريمارك بيفتح عندهم قريبا
اللي يروح بلجيكا لازم يجرب الوافلز
غلطتي خذيته محشي ككاو وايد يغث
المغرب شلنا اغراضنا وعلى الستيشن وركضه ركضه وصلنا حده حده وردينا باريس
يحليلهم وزعوا علينا وجبه خفيفه بالقطار
ومن المحطه لي فندق ويرويك في الشانزلزيه
الفندق حلو ومكانه اينن بالضبط يم مارك سبنسر يعني وسط الشانز تقريبا
عيبه بس انه مكرم السامع الحمام مثل معظم الفنادق الادب يكون بغرفه بروحه منفصل عن الحمام
ونزلنا نشتري ماي من الماركت بمارك سبنسر ولقيت الحمص وتوستهم اللذيذ
قلنا يالله وجبه خفيفه قبل لا يوصلون باقي الربع من الكويت ونطلع نتمشى ونتعشى
رحنا سوق الكرسمس تمشينا وبعدها اتجهنا لمطعم فيات
المطعم مكانه بآخر الشانز بالزاويه صوب المسله المصريه
اكله حلو وقعدته شرحه
طلبنا سلطتين موزريلا وبوراتا
كلهم لذيذين
طلبنا نوعين باستا نسيت شسمهم بس كانوا طيبين
البيتزا طلبنا ٣ انواع عجيبييييين
ودخلنا معرض سيارات فيات
سيارات باربي اتينن 🙂
انتظروا البوست القادم 🙂