مع اني ما حبيتها لكن مادري ليش علقت براسي صورة مكرم السامع الجلب المطبوع على جناط وسكارفات جيفينشي
المجموعه من اواخر 2012 اذا ماني غلطانه بس توني اشوفها في بوتيك الكويت
تلبسون جذي ؟ هذا السؤال يدور في راسي 🙂
على فكره بعض المشاهير لبسوا ال تي والجناط مثل ريهانا وكلوي كارديشيان ونيكول ريتشي 🙂
جم مره امر يم قاعة الزمردة واشوف اعلان عن تخفيضات 90% على ماركات عالمية بس ما ادخل
هالمره وصلني الاعلان اللي فوق وانا على خط البدع فقلت دام اني قريبه بمر اشوف شكو من هالماركات ويسوى ولا لا
دخلت والله والناس الظاهر عندها علم من الصبح كل من شايل كرتون ويشيل من هالاغراض
انا اكثر شي لفت نظري مكرم السامع الجواتي فيه منهم اشياء زينه وجناط دولجي بعد كانوا حلوين
بتلقون ماركات دولجي اند غابانا ولانفان وسيلين ومولبيري ومايكل كورس وجيوكس ولاكوست وبول سميث وغيرهم
جواتي وجناط وملابس للجنسين اضافه الى قطع قليله من ملابس الاطفال والعطورات
بعض الصور اللي خذيتهم يوم الخميس والتخفيضات لي يوم 12 اكتوبر من 10 الى 10 في سرداب قاعة الزمرده
وتستمر هبة الاكل الهيلثي والكينوا بالكويت
وكنت كاتبه عن الكينوا موضوع للي مايعرفها – اضغط هنـا
تلقيت دعوة من مطعم اويشي لتجربة رولات الكينوا بالسالمون والشريمب
طبعا السالمون كلش مو من ربعي فذقت الشريمب كان طعم الكينوا واضح وجيد لكن بالكويت الماكي والرول مايمشي بدون الصوص اللي يسويهم الذ ومعروف الصوص فيه كالوريز و مو هيلثي
اقترحت عليهم انه يشوفون لهم صوص فيه القليل من الكالريز علشان يعطي طعم مع الرولز
اللي يحب طعم الكينوا بروحه عادي بياكلهم واللي متعود على الصوص يطلب اللي يناسبه او يحط عليهم شوي من الصويا الصوص وان شاء الله تعجبه
عندهم بعد طبق حلو ياباني يديد اسمه (موجي) بنوعين الفانيلا او الجاي الاخضر
جربت الجاي اخضر ما حبيته بس الفانيلا كان طيب جدا
Oishii Located in Salhiya, Ali Al Salem St, Al Jawhara Tower
Tel : 69637195
Instagram @OishiiKw
T-Shirts Store
كانوا مسوين ايفنت قبل جم يوم للاسف ماقدرت اروح لكن صديقتي دندرمه مشكورة صورت لي جم صوره من الكولكشن المعروض في دار الفنون
تصاميمهم للتيشيرتات بسيطه ومتنوعة الافكار وشبابية ويستخدمون في انتاجها قطن عضوي
وهم عندهم بعض الاكسسوارات كفرات للايفون والايباد وجناط الاب توب بعد
Instagram @tshirtstorekw
اول امس كنت معزومة على افتتاح الفرع الجديد لصالون كيو كير بالسالمية
فرعهم الاول في الجهراء وما شاء الله وايد ذرب وكبير وتحت ادارة ارجنتينية
اما بالنسبة للفرع اليديد كبير و نظيف والوانه مريحه وغالب عليه اللون الابيض اللي يريح العين بأي مكان والورود بكل مكان شي وايد حلو ما شاء الله
استقبلونا وخذونا جولة بالمكان 🙂
قسم الشعر والسشوار
غسيل الشعر والعناية فيه
نواصل جولتنا بالمكان
غرفة المساج .. عندهم مساج هندي شوقني ان شاء الله المرات الياية اجربه
غرفة خاصة للعروس ومعاها مكرم السامع حمامها
احلى شي علشان تحس الوحده بخصوصية وتخلص شغلها بريحاتها على راحتها
غرفة خاصة للصبغات والعناية بالشعر
غرفة المكياج
قسم العناية بالاظافر
عندهم ماركات وايد للاصباغ والمينكس وفن الاظافر
مكان الحمام المغربي
غرفة الفيشال او العناية بالبشرة
من الاشياء اللي حبيتها ولفتت نظري غرفة التعقيم وان اغلب خدماتهم يسألونج تبين الفوطة العادية او الديسبوسبل اللي تستخدمينها مره وحده وتقطينها
ياحلوهم وايد نظاف
بالنسبة للخدمات اللي جربتها سويت اول شي فيشال او تنظيف بشره وبصراحه اول مره اسوي كله اخاف احد يجيس بشرتي
وحدي استانست عقب ما طلعت حسيت ويهي صار فيه نظاره اكثر ويلمع بعد الكريمات والسكراب والبخار
Thalgo المستحضرات كلها تقريبا ماركة
حبيته وايد وان شاء الله اذا بكرر هالشي بيكون عندهم
وجربت صبغة الشعر و وايد عجبتني صبغهم مو من النوع اللي يحر فروة الراس بالعكس كلش ماحسيت اني حاطة صبغ واللون كان مناسب لي وحتى القص قلتلها ابي تواسيه شوي وتعطيه حركه وماقصرت ثرية بدعت وايد حبيت شغلها مو مجامله
التقديم ذرابة ونزاكه الموالح من لازورد
Absolute Chocolate والجوكليت من
شكرا لمدام فاطمة وكل اسرة كيو كير على الاستضافه الحلوة والوقت الجميل اللي قضيناه معاكم, كسبتوني زبونه جديدة 🙂
كيو كير في السالمية – شارع حمد المبارك – قطعه 2 – مبنى 18
Tel : 25720755
الجهراء – شارع مجمعات واره بجوار سوق زمزم
Tel : 24582663/4
Instagram @kyucarecenter
ipad Cushion
مسوين منتج خاص للايباد والاجهزة اللوحية عباره عن ستاند مناسب لجميع الاسطح
استخدمته هالجم يوم و وايد استانست على مرونته بما انه كوشية او مخدة فسهل تحطونه على اي مكان
انا من النوع اللي احب اتابع افلام او مسلسلات فحلو الواحد يسترخي على السرير والستاند مجابله سهاله لا يطيح ولا شي
وحتى حق اليهال بالعربانه او بالبيت سهل وآمن واستخدامة ممتاز
عندهم الوان وايد لكن انا المفضل عندي الوردي طبعاً 🙂
For Order : 99016602
Instagram @IpadCushion