قبل امس انعزمت على افتتاح الفرع الجديد لسالاد بوتيك في ديفون في ابو الحصانيه
الافتتاح كان مرتب ماشاء الله من تنظيم شركة فاشونيت (شمايل القعود) وكان زحمه وموسيقى
صورت على السريع ومشيت
غدير خاجه صاحبة المطعم
التقديم
The Opening of Cocoa Cabana Cafe
وصلتني دعوه جميله من كوكو كابانا كافيه للافتتاح الرسمي لهم، وايد حبيت فكرتها وشكلها وايد يشوق
امس كان الافتتاح الرسمي لكافيه كوكو كابانا في ديفون في بو الحصانيه
كان لي زياره سابقه قبل فتره وكتبت عنه – اضغط هنــا
الافتتاح كان هادي ومرتب والحمدلله الجو امس وايد حلو ومع الموسيقى الحيه كان الوضع جدا جميل
المنيو
السلطه كنت مجربتها قبل ولذيذه ومدحتها للبنات فطلبناها
Dynamite Shrimp Salad
ربيان وخس مع صلصة الديناميت الخاصه
انصح فيها جدا
Goat Cheese Beetroot Salad
سلطة جبنة الماعز مع الشمندر
عجيبه
Swiss Mushroom Burger
البرجر مع صلصة المشروم والجبنه السويسريه والشوكولاته البيضا
تمازج عجيب وكنت خايفه اجرب بس قرمة قرمه وايد عجبتني
وطالما القهوه العربيه موجوده فننسى اي نوع ثاني من القهوه
الدله تتسيد 🙂
قهوتهم وايد طيبه
وبدينا بالحلويات
وجربت اشياء غير عن المره السابقه
كل شي كان من اختيار ساره ونوره ههههه انا استمتعت بالطعم بس 😛
Chocolate Balls
كرات الدونت بحشوة الكندر والمارس والنوتيلا والسنيكرز
شوي العجينه يابسه بس الطعم جيد
S’Mores Cake
كيكة ككاو بحشوة كريمة المارشميلو وموش الشوكولاته مغطاة بالمارشميلو المكرمل
شي خيااااااااال عجيبه
Corn Candy Bars
عواده ككاو مع شعريه وداخله مكسرات وكارامل
ثقيل وايد
Instagram @cocoacabanacafe
Breakfast Box
يوم الاحد كان ريوقنا بالدوام من بريكفاست بوكس
علبه فيها انواع من ساندويتش الشيباتا
فلافل
حلوم
حمسة بيديان
تيركي مع جبن
شي وايد لذيذ الساندويتش فرررررريش والحشوات كلها ناطعه
البنات كلهم استانسوا ومدحوا
بالعلبه رقائق شبس مع نوعين صوص
وعقب الريوق حلينا بهالشي المدمر
شي سهل لكن خطير وطعمه لذيذ واقدر اقول الماعون تقريبا خلص ماشاء الله
كيك ككاو مع بسكوت مفتفت وصوص جوكليت
For Order (WhatsApp) : 65563331
Instagram @Breakfast_box
اواني زينب الطرابلسي في چوكليتس اند مور
الاسبوع اللي فات حضرت ايفنت مرتب في جوكليت اند مور بمجمع الغوالي
لاطلاق مجموعه زينب الطرابلسي للاواني المنزليه الزجاجيه المرسومه يدوياً
راح تكون القطع متوفره في المحل للي حاب شي منها
ولازم التقديم يكون ككاو جوكليت اند مور الطيب
صاحبة المحل الشيف عذوب النصر الله
ككاو عيد الام
الروسيان دول احبها لذيذه
ومنزله نفسها يديده كبيرررره
بوكسات يديده يشوقون
Giveaways ال
Choco&More Located in Al Ghawali Mall opposite Al Raya
ُTel : 99282829
Instagram @chocolatesandmore
@ZainKuwait Happy Day :)
تمت دعوتي من شركة زين للاتصالات للاحتفال معهم بمناسبة يوم السعاده العالمي الذي صادف تاريخ ٢٠ مارس
الدعوه كانت قناع على هابي فيس 🙂
وصلت مقر الشركه الرئيسي يوم الاحتفال وكان موقع الحفل في مبنى المواقف بآخر طابق وبكل مكان كانوا حاطين اشارات وعلامات الهابي فيس علشان الكل يدل المكان
اشارات هابي فيس بكل مكان 🙂
وصلنا
اول ما ندخل لازم نمر بخمس خطوات
اول شي تكسير الصحون علشان الواحد ينفس عن غضبه ويطلع السلبيه اللي فيه
اممممممم انا ذاك اليوم كنت موصله حدي من الدوام كسرت ٦ صحون لوول
الصوت مززززززعج بس وناسه
ثاني خطوه تكتبون شي تكرهونه على ورقه وتلزقونها على بالونه وتطيرونها 🙂
ماني قايله من كتبت 😛
انا ما اكره احد بس كنت متضايقه حدي من احد وطيرته ههههه
الخطوه الثالثه نمر على عصير الضاحيه ويعصرون لنا ليمونه مع نعناع ونهدي الاعصاب ونتنعنش 🙂
الخطوه الرابعه نكتب امنيه على الطوفه وكانت امنيتي التقاعد 😛
الله يحيينا ههههه
اما الخطوه الاخير كانت نتصور واحنا نضحك 🙂
وبعدين يعطونه كوكيز على باركود نتدخله في برنامج ونشوف حظنا لكن حظي خرطي ما طلع لي شي
القعده تشوق
كيك بوبس من بيكاريستا
Happy 🙂
الجو كان عجيب والفيو عجيب
وكانوا حاطين عشا لكن كنت مستعيله وراي سفره فما مداني اصور الا هالصوره ومشيت عاد حسافه طافوني الشياب والرقص والسحوبات
شكرا زين على الايفنت السعيد وعساكم دوم هابي 😀
Fendi Small 2Jours
Fendi Small 2jours
اول ما طلعت التوجور بالحجم العادي خذيت اللون الكحلي، الجنطه وايد عمليه وجلدها جلد عجل وحجمها كبير تشيل كل شي
هالسنه نزلوا حجم ميني منها تشوووق
واخر الالوان الموجوده كانت الملتي كولار او ذات الالوان المتعدده
حبيت وايد السوده كونه احد الواني المفضله ودمج الاسود مع الابيض والسلفر والرمادي معطيها رقي
العلاقه اللي برا تقدرون تطلبون كتابه احرف من امكم عليها باللون الفضي او الذهبي وتكون اكثر خصوصيه
الجنطه مع انه حجمها المفروض ميني لكن تشيل ماشاء الله لانها عميقه
ومجزئه الى قسمين اضافه الى السحاب
راقيه عمليه وانيقه وايد حبيتها وتنلبس بطريقتين على الكتف او كروس
موجوده ساده بلون واحد طافي ولماعي بعد ومتعدد الالوان
