قبل فترة طويلة قبل رمضان اذا ماني غلطانه شاركت بمسابقة مطعم سولو بيتزا واهي اخذ صورة للمطعم او الاطباق وتحميلها على الانستغرام مع الهاش تاق الخاص فيهم
صورت بيتزتي على السريع ومع اني ما كنت اتوقع الفوز لكن صورتي فازت 🙂 وبلغوني انه لي هدية عندهم
وأخيراً قدرت امرهم علشان اتعشى بيتزا ناطعه واخذ هديتي 🙂
ولقيتهم معلقين صورتي على البورد وناسه 🙂
والشي اللي مادري عنه ان الفايز يقدر يحضر بيتزته الخاصه بريحاته وبمساعدة الشيف .. ومااااالوووو نسوي البيتزا ومن يعاف شوي من خبرة شبابنا في سولو بيتزا 😀
غسلت ايدي بالماء والصابووون وابتدى التعليم خطوة بخطوة مع الشيف
Hibbzi كنا طالبين بيتزا
وهذي المكونات موجود وجاهزة
بدا الشيف يعلمني شلون افرد العجينه واطبطب عليها بحنيه ههههه
وبعد الفرد صار وقت ان نحط الاشياء فوقها اول شي الكرميلايزد اونيون (البصل المكرمل) وقال الشيف لازم نطلع الجزء اللي نحسه شوي يابس من البصل
مسكتي البصل مو صج لوول
وبعد البصل حطينا فصوص ثوم مقطعه وبعدها جبــــــن جبـــن وايضاً جبــن
كاميرا سولو بيتزا تصور الحدث 😛
بيتزتي جاهزه ونلقها الشيف وحطها على الخشبه النابوليه
ودخلتها فرنهم المشهور
يا ســـــــلام
وبعد ما جهزت البيتزا حطينا عليها الجرجير .. ألذ هبيزي بالتاريخ ههههههه صج صج كانت لذيذة
بشهادة ابله نوره اللي صورت كل اللقطات تسلم ايدها 🙂
وبعدها ضروري نحلي في داريووو يم يم النوتيلا ساااايح
واستلمت هديتي 😀
Snaprint كنفاس على الصورة اللي خذيتها للبيتزا من 😀
شكراً شكراً سولو بيتزا استمتعت جداً بالتجربة العجيبة والكنفاس احلى ذكرى منكم 🙂
Solo Pizza Napulitana is located in Kuwait City, Sharq, Behind Omar Ben Alkhattab St
Tel:94434104
Site Link FB Link Twitter & Instagram @Solopn
