وصلتني دعوه الاسبوع اللي طاف لحضور الافتتاح الرسمي لمحل لش لمستحضرات التجميل يوم الاحد اللي فات في الافنيوز (ذا مول) ومن المعروف عن لش انه مستحضراته طبيعيه وريحتها ما شاء الله اتينن وتشمونها بمجرد مروركم من جدام المحل
وصلت المحل مبجر واستقبلتني الاخت نوره السعيد صاحبة المحل وما شاء الله عليها حبوبة الله يوفقها وخذتني بجولة بالمحل والموظفين اشرحولي عن معظم المنتجات الخاصه فيهم
يمكن اغلبكم تعرفون لش مو يديد عليكم لكن في اشياء يديدة توهم اييبونها الكويت مثل المكياج اللي وايد من البنات ينطرونه
منزلين الشدو والحمر والاي لاينر بألوان مختلفة وحتى الفاونديشن والماسكرا
طلبت اشوف الاي لاينر جان تقولي الموظفة انه مكياجها كله من عندهم فقلت لها عيل لازم صورة 🙂
وايد حلو للشفايف Babblegum سكراب
تقشر وتلمع وتجعل الشفاه اكثر نعومه
كانت اول شي اختاره واحطه بسلتي .. اللون جذبني بصراحه بس لما استخدمته وايد عجبني
ومن اشهر منتجاتهم الصابون الطبيعي اللي بتشوفونه بأحجام كبيره ويمكنكم اختيار الحجم اللي تبونه بأنواع كثيره جداً يدخل في تكوينها الصبار والعسل والافندر والفاكهه والشيا والورد وغيرها الكثير
شميت الليمون وااااايد فريش وريحتها اتينن والاكثر مبيعاً عندهم اللي على عسل
قسم كرات الاملاح او البابلز (الرغوه) مميز عندهم عجيب يشوق وجميع الانواع تحتوي على زيوت طبيعية بس يبيلكم بانيو وتترسونه ماي حار وتحطون فيه هالكرات من النوع اللي تفضلونه وتستمتعون وتسترخون وسط الفقاعات
قسم العناية بالشعر سواء الشامبو او البلسم او الزيوت وغيرها ولهم طرق استخدام مختلفه
مستحضرات مختلفة للعناية بالجسم اثناء الاستحمام
اول مره ادري انه عندهم حنه 🙂
وبثلاث الوان مختلفة بعد وسهلة الاستخدام وطبيعية
قسم المساج .. منها مساج يخفف الاجهاد ومنها ترطيب للجسم
في شي خاص بالجسم مثل اللي على مانجو واكو بو قلب على عسل وككاو واكو شي يسوي الجسم برونز بدون لا تانينق ولا شي 🙂 واكو بعد على تعطي لمعه وجليتر تدلكوا فيها قبل لا تروحون عرس ولا حفله
قسم العطور يديد عندهم .. وقسم خاص لمستحضرات العناية بالبشره للرجال حق الوجهه وبعد الحلاقة وغيرها
واحلى شي عندهم باكيج الهدايا ايي مغلف وكامل شحلاته
مشكورة نوره على الجولة استمتعت وايد بالشرح وعندي وايد اشياء في بالي بمر اخذهم ان شاء الله
موفقين يارب
Lush is located in The Avenues, The Mall, first floor
Site link
Twitter @LushKuwait Instagram @LushKuwait
