هالسنه ما شاء الله القرقيعان اللي وصلني اشكال والوان ان شاء الله قريب ببنزل بوست خاص مثل كل سنة عن الفناتق اللي وصلتني 🙂
بس من احلى القرقيعانات اللي وصلتني كان قرقيعان مطعم تراينجل
ما شاء الله عليهم كل فترة يطلعون فنتق يشوق يونسون فيه عملائهم في المطعم لكن هالشي كان خاص فقط لبعض البلوقرز ومفاجأة حلوة وصلتنا لي بيتنا 🙂
بلغتني الاخت عروبة ان اتواجد بالبيت بفترة معينه لأنها بتمر علي علشان توصل لي القرقيعان وقالت لي اذا اكو يهال بالبيت يكون الوضع احلى !! استغربت بس قلت عروبة وتراينجل فناتق لالالالالازم انطر اشوف شمسوين
المهم تكودنا كلنا عند الباب لما وصلت وفجأة وصل باص متروس شباب لابسين دشاديش ومعاهم عدتهم وطاحولة تقرقع وسلم طيبه يالله خلها لأمها يالله وسلم بينكي غيرل يالله خلها لامها يالله ههههههه لاحظوا مووو بينك بينكي مدلعيني هههه
اثاري هالشباب من فرقة باك ستيج قروب (محمد الحملي) حدهم يونسووون فضحوني بالفريج بنت جيرانا تقول الصوت واصل غرفتها هههههههه بس حده وناسة ماقصروا غيرنا جو معاهم
من كثر ما استانست مزهبة قرقيعان نسيت اعطيهم اياه وخزياه 😛
مروني السنه الياية ان شاء الله واعطيكم دبل يا باك ستيج 🙂
هذا الفيديو واكو بعد فيديوات في الانستغرام اذا متابعين اكاونتي هناك @PinkGirlQ8
و مو بس جذي هم يايبين لي سطل يشوق عليه اسم البلوق وعبارات القرقيعان مع فانوس رمضان وحلويات ونوعين من العصاير
كل الشكر لمطعم تراينجل والاخت عروبة العون وفرقة باك ستيج قروب على المفاجأة الحلوة وعسانا وياكم من عواده ياربي
Triangle Restaurant located in Salhiya, Ali Al-Salem St, Aljawhara tower
Tel : 50838483
Twitter & Instagram @Tringlekw
