براون توميتو في برج الحمرا توهم بدوا يفتحون وجبة الريوق او البرانش (بين الريوق والغدا) واليوم ما قصروا عزمونا علشان نجرب الاطباق اللي منزلينها لهالفتره 

ويوم اجازه فحلو الواحد يقوم على راحته ويستمتع في ريوق طيب في جو هادي 

اخترنا طاولتنا وطلبنا مشروباتنا الساخنه على ما نفتح المنيو ونشوف شنو فيه

المنيو صغير لكن متنوع فيه انواع من البيض والساندويتش اضافه للبان كيك والفرنش توست

وصل الكابتشينو علشان يرؤ الاعصاب الصباحيه ههههه 

السولتد كراميل 

كرك كويتي شغل عدل مع المطاره

حبيت طريقة تقديم عصير البرتقال يشوق

وبعد ما اخترنا بدت الاطباق توصل واحد ورا الثاني 

بيض السكرامبل

حده حده عجيب ومن اطيب السكرامبل اللي ذقتهم والمفروض يقدمونها مع حلوم بس احنا بغيناها ساده

ايتاليان اومليت

الاومليت على الطريقة الايطالية مع جبن الموزريلا والبيستو والطماطم المجفف

ساندويتش الحلوم المشوي

الحلوم مع النعناع مع صلصة دبس الرمان واااايد مدحوها 

بيتزا بيض

يمكن الشكل مو فوتوجينيك بس الطعم نار .. صج صج لذيذة

بانكيك بوحمد

قطع ميني بان كيك مع صلصة الكراميل وصلصة الجوكليت مع الموز

فرنش توست مع النوتيلا والكراميل

ثقيله بس لذيذة  ويبيله الفرنش توست تصير لينه اكثر بتكون وايد احلى

فترة البرانش من الساعه 10 الى 1 ظهراً

Brown Tomato Located in Al-Hamra Luxury Tower,  Basement , Next to Chocolate Bar

☎ 22270214

Instagram @brown_tomato