مشغول تحتاج احد يوصل لك؟
مشتهي اكل من مطعم معين ومافي عنده خدمة توصيل؟
محتاج ترسل شغله وسايقكم في اجازه؟
عندج منتج او حلو شغل بيت وتبين احد يوصله لزباينج؟
شركة كويك ديلفيري للتوصيل لجميع مناطق الكويت
عن طريق السيارات والدراجات النارية
Twitter & Instagram @QuickDeliveryKW
Tel: 22411144
وصلتني دعوه خاصة من سيلين لإلقاء نظره على مجموعة سيلين لخريف وشتاء 2013
وصلت البوتيك ببرستيج (الافنيوز) وكانوا الناس داخلين و وايد قطع ما مداني اشوفها
بعض قطع الملابس عليها بري اوردر تقدرون تطلبونها من الحين وتنطرون قطعكم
الجناط اليديدة اللي كانت موجوده امس بالبوتيك وما شاء الله اغلبها طار بنفس الوقت
سيلين نانو كانوا يايبين اكثر من لون وهم ملتي كلر بس الاغلب طاروا ما شاء الله
الاكسسوارات 
الجواتي تكرمون من الكولكشن اليديد
الضيافه من ميسوني
An exclusive special handmade Maurizio Pecoraro Kaftans collection is brought by Al Ostoura for Ramadan. The event will take place from May 25th – 28th at Thuraya Mall – Kuwait.
Contact 97232639 to book a private appointment with the Maurizio Pecoraro Designer.
حلقة يديدة من دان داي (تقديم دانه الطويرش) تتكلم فيها عن سكارف ماكوين وطريقة لبسه مع اكثر من لوك وعن محل الملابس الاسباني الجديد تروكو بالافنيوز وتطرح مسابقه والفائز له جائزه من تروكو بمبلغ 100 دك
Demoiselle Marianne وصلتني دعوه نازكه من
اللي مسوينه بمناسبة افتتاح الفرع الجديد في الافنيوز Tea Party لحضور ال
الدعوه كانت عباره عن علبة جميله وداخلها قطعه من البسكوت ومربى وجاي وقطعة سكر اضافه الى سوار جميل بإسم المدونه 🙂
اول ما وصلت استقبلونا اسرة ديموزيل مارياني الاخت شوق الرومي والعاملات بلبسهم الجميل وتيجان الورود وقدمولنا شرايط ربطوهم بايدنا
المحل مرتب ويشوق وباختصار من كثر الاشياء الحلوة ماتدرون شنو تختارون
وديكور المحل بالضبط يعبر عن ثيم الدعوه وحفلة الجاي 🙂
بتلاقون عندهم العقود والخواتم والسلاسل والاساور والتراجي وحتى السكارفات وتيجان الورود اللي هابين فيهم والجناط الميني بعد
وتقدرون بعد تسوون لكم اساور على اساميكم بالشكل اللي تحبونه واسعارهم وايد معقولة
هالخواتم الصغار غرااااامي وفيه منهم الذهبي والفضي وباشكال مختلفه
بره حاطين مكان للي يحب يتصور ويدزون له الصور على الايميل
المصوره الحبوبة لولوة الرومي
وبعد الجولة في المحل كانوا مزهبين لنا انواع من المشروبات البارده والحاره وبوفيهين للموالح والحلو من لينوتر
وكل شي شكله كان يشوق وشغل مرتب ما شاء الله
Demoiselle Marianne Located in The Avenues, Gold Souk
Tel : 22200780
Instagram @domosiell_kw
الاسبوع اللي طاف وصلتني دعوه غريبة من كافيه بزه ليوم خاص بالبلوقرز بمناسبة افتتاح فرعهم الثامن في القادسية
كان مع الدعوه صندوق حديد داخله خمس بيضات صجيين 🙂 وهذي كانت الغطاية اللي اكتشفناها لما وصلنا القادسية
كافيه بزه منزلين منيو يديد خاص للبيض وضايفين لكم انواع من البيض يكونون متوفرين طول اليوم واهم معروفين انهم يوفرون منيو الريوق طول اليوم مو بس الصبح
طبعا في بعض انواع البيض موجوده بالمنيو من قبل وفي انواع يديدة توهم ضايفينها
ما قصروا قدمولنا جميع انواع البيض اليديدة والقديمه للتذوق
اول بيضة وصلت كانت بيضة مزارع الوفره
وهي تتكون من البيض والجبن الكريمي والطماط والبصل
بيضة جبن قلاص بالذره 
بيضة جبن قلاص بالسبانخ
بيض التاوه المقلي المحشي بجبنة القشقوان
بيض العجه المحشو بالفقع
بيض الشويخ بالجبنة السويسريه والطماط والفلفل الاخضر وهذي كانت المفضله عندي
بيض بالخلطة الخاصة والخضار المشكله
هذي نسيت شنو كانت لأنها آخر وحده وصلت 
وختامها مسك مع الاخ محمد ايوب اللي شربنا القهوه العربية من ايده ماقصر 🙂
مشكورين يا كافيه بزه واكرمكم الله 🙂