قامت شركة نفط الكويت بتنفيذ أكبر عملية لإعادة تدوير أطنان من الحديد الخردة المتمثل في البراميل الفارغه وانابيب النفط المتآكله في ورش الصيانه التابعه للشركه في عمل أكبر مجسم لحيوان الضب تم وضعه في محمية العبدلية ويمثل الضب رمزا للحياه الفطريه البريه وللبيئه القاسيه، مشيرا إلى أن الشركة تطمح الى دخول المجسم موسوعة غينيس كأكبر مجسم لكائن بري في العالم.
عملت الشركه على تنفيذ مجسم الضب لاكثر من ٣ شهور داخل ورشه بالشركه وعمل على تنفيذه ١٥ فنيا
يا زين الانسان اذا اشتغل بشي يحبه تلقونه يعطي من قلبه وبالمقابل رب العالمين يفتح عليه بيبان ما كان يحسب لها حساب
والنيه الصافيه اكيد لها دور .. هالشي شفته عند افنان من عرفتها وانا ادري انها تحب المطبخ واكلها تبارك الرحمن لذيذ بيمعاتنا عندها نلقاها تحووووس ليما تنزف وتقعد تجابلنا هههههه وبالشاليه الغديات ماتحلى الا من ايدها حسبي الله على بليسي ذكرت نفسي بالمربين اللي وكلتني اياه السنه اللي طافت ولي الحين اطالبها تسويلي واحد وكاشته فيني هههههه
فنوووون من فتحت التويتر والبلوق واهي تبارك الرحمن تساعد وترد وتزين وتحط وماعتقد بخلت على احد بالرد على سؤال وبنفس حلوه ماشاء الله عليها بالها طووووووويل
ومع الانستغرام زاد فيها حب الهوايه اكثر واكثر 🙂
وصار وقت الجد وطالما انه الحب والعشق للطباخ والمواعين لازم البزنس يكون له علاقه بهالحب 🙂
فنون قاعده تجهز بوتيكها العنونوووو في الشويخ وبتقدم فيه اواني واكسسوارات منزليه تعبر عن شخصيتها عسى الله يوفقها ويبارك لها في مكانها وشغلها وايسر لها امورها
ان شاء الله الافتتاح بعد اسبوع بإذن الله وان شاء الله بتعلن هالشي في اكاونتها
امس زرتها في بوتيكها اثناء التجهيز وخذيت لكم جم صوره حصريه واثناء زيارتي التقيت بمجموعه اتينن، من زمان كان ودي اشوف صيته المخيال والحمدلله ربي كتب وشفتها امس ياحلوها قمه الذرابه والسنع و شفت صديقات الايام الخوالي اللي من زمان عنهم آمنه (مون لايت) ودلال الانبعي ياحلو ذيج الايام وبعض البنيات اللي نسيت اساميهم والله ربي يوفقهم لانه الجميع ماخذ بوتيك صغير بنفس المكان
اخليكم مع الصور
افنان بوتيك في الشويخ، ليلى سنتر مقابل مجمع التلال
Instagram @Afnanetoo_Boutique
من اول النيل سبا اللي فتحوا في الكويت Nstyle
وتخصصهم العناية بالاظافر، اتذكر مره كنت ماره السالميه وقلت اجرب شغلهم وماكنت ماخذه موعد لقيت المكاان وايد زحمه ومافي موعد فما الله كتب اجرب شغلهم
بعد هالسنين كلمتني الاخت ريما على اساس امرهم واجرب خدمتهم ومكانهم
امس كان موعدي الظهر واخترته يكون يوم جمعه لانه بهالفتره كل شي مسكر واقدر القى موقف بسهوله والمكان يكون هادي والحمدلله هذا اللي صار
دخلت النيل سبا وكان ما شاء الله شررررح ودرايشه كبار والديكور ابيض والانطباع الاولي كان ممتاز
الانطباع الثاني كان ايضا ممتاز بوجود اكثر من ماركه من الاصباغ والاحدث منهم وهالشي يخلي الوحده ترتاح اكثر
Opi او Essie او orly او Zoya لانه في ناس تحب
وغيرهم نوعيات اكثر 🙂
الشي الثاني وجود ماركة جيليش اللي تتم على الاظافر مده اسبوعين وماركه شيلاك اللي تتم اسبوع
حبيت ايضا نظافة المكان والخيارات اللي يقدمونها للزبونه بالاغراض اللي يستخدمونها .. عندهم عده كامله تنباع بقيمه دينار فقط تقدر تستخدمها الزبونه بروحها وتتم معاها وحتى الادوات العاديه مثل مبرد الريل يدرون يغيرونه اذا ماتحبين تستخدمين اغراضهم
وعموما اغراضهم كلها معقمه وتيي بجيس مرتب
عندهم بعد خدمات ثانيه مثل تركيب الرموش والمساج وغيره تقدرون تستفسرون منهم 🙂
اختارولي المنيكير والبديكير العادي لاني كنت مستعيله
اللي مسكوني عجيبين وايد حبيت شغلهم ابريل وشيري حبوبين وعارفين شغلهم عدل وطويلين بال
خذوا وقتهم و زياده بالشغل
مساكين يننتهم باختيار اللون والديزاين كل ما قالولي تحبين جذي قلت لا لوووول احس بقلبهم يقولون شهالعوبه اللي مو عاجبها العجب ههههه بس لا والله وعليه كانوا وايد خدومين وبدعت فيهم على ما رسيت على بر واخترت اسود وفضي هههههه مردي على الواني المفضله
بعد ماخلصت ابريل البديكير قالت لي راح اسويلج مساج للريل والجتوف، حدهاااا عجيبه صج ريلاكس وبعدها
ضيفوني خوش كابتشينو ماقصروا
وهذي اظافري 🙂
شكرا ان ستايل ومدام ريما على الدعوه والخدمه الجميله وان شاء الله لي عوده لاني حبيت المكان والخدمه
NStyle is located in Salmiya, Al Bustan Complex, 1st Floor
Tel : 25719050
Instagram @NstyleNailLoungeKw
فرع جديد وكبير لمطعم فرايديز سيتم افتتاحه في منطقة الجابريه مقابل بنك الخليج
فيلم كلوليس من الافلام اللي واااايد احبها وليلحين لو ينعرض اقعد اطالعه وما امل منه عجيب
انتجووه بالتسعينات وعقب هالسنين جمعوا الممثلين في برنامج يعيد ذكرياتهم بهالفيلم 🙂
وايد تغيرواااااا 🙂
البنات اللي ماشافوا هالفيلم لااازم تشوفووونه اينن
امس كان الافتتاح الرسمي للفرع الثالث لصالون ليلى هارموني لخبيرة التجميل ليلى العرادي في منطقة المهبوله
الدعوة وصلتني مع جاي وهالمخدة الحلوه اللي داخلها لافندر يسخنونها شوي ويحطونها على الرقبه للريلاكس عجيبه
الصالون ماشاء الله كبير ومرتب وشرح ومكانه وايد سهل ما يضيع
والاهم انه شامل ويقدم جميل الخدمات المهمه لكل سيده
هذي اول مره اقابل فيها ليلى العرادي ماشاء الله عليها حبوبه وسمحه الله يبارك لها في شغلها 🙂
اخليكم مع صور جولتنا في الصالون
التقديم كان من شركة بانكويت
شكرا ليلى هارموني وسنيار على الدعوه