قرقيعان وقرقيعان بيت قصير ورميضان عادت عليكم صيام كل سنه وكل عام

مشت الايام ركضه ركضه وماشاء الله ماباقي الا يومين ويخلص رمضان عسى الله يعوده علينا وعليكم بالصحه والعافيه وعسى ربي يتقبل منا ومنكم صالح الاعمال

تأخرت شوي ومانزلت بوست عن القرقيعان هالسنه والاشياء الحلوه اللي وصلتني من حبايبي وبعض الشركات اللي احتفلت بهالمناسبه الطفوليه الجميله

اول قرقيعان وصلني من جنووووي بنت سويره رفيجتي الله يحفظها ويخليها لاميمتها ويبلغها فيها احلى عروس

القرقيعان الثاني صندوق مبيت يشووووق مثل صاحبته شيوخه خالد محمد الخالد الصباح واميمتها دلوله
الله يحفظها لج ويبلغج فيها وتدزين لنا كروت عرسها يارب
وهالقرقيعان من فرووووسي الحلو الله يخليه لاميمته وابوه ويفرح قلبهم فيه
قرقيعان كندر من يويو العسل الله يحفظه لماما جوجو وبابا توفيق ويفرحهم فيه
فن ات ٣٦٠ مول دزولي هالقرقيعان الحلو اللي كل مكوناته من محل نقوه
شغل عدل حتى الدرابيل فيه
وكرت حق اليهال للالعاب ماقصروا اليهال كيفوووو عليه
بوتيك لك نون بالتجاريه هم ماقصروا دزولي قرقيعان لذيذ فيه زلابيا و سمسميه وغريبه
بينز كوكي بالافنيوز بعد ماقصروا قرقيعانهم كان لذيذذذذذذ الكوكي ترف واينن
كوستا كوفي علبة القرقيعان مميزه على فانوس وايد حبيتها
قرقيعان مجكنم من تاينيز نيلز وداخله برميت
روزيت هم قرقيعانهم كان يشوووق ورد مع ككاو وتقديمه كان وايد راقي
آخر قرقيعان والمميز بفكرته الكويتيه التراثيه
من سمارت وود
العلبه من خشبهم الممتاز وداخلها صابون رقي وصخرة سوده ومفراكه وسراي وكحل وديرم وغوري وبرميت وحنه وعباة راس مادي شدراهم كنت ابي وحده ههههههه
كل الشكر لكم على القرقيعان واكرمكم الله عساكم تعودونه كل سنه وتصومونه 🙂