كنت قبل يومين في برج الحمرا وشفت انه تم افتتاح بوتيك قوتشي الجديد
يحوي البوتيك الازياء النسائيه والرجاليه والاطفال ايضاً
مساحة البوتيك كبيره ومرتب وايد ويحوي شاشات عرض لآخر عروض الازياء الخاصه بقوتشي
جنطة ليمتد اديشن خاصه للكويت و25% من ريعها يذهب لبيت عبدالله لرعاية الاطفال
الجديد في برج الحمرا Puma وجهت لي دعوة لحضور افتتاح محل
المحل يحوي الكثير من الملابس بين الرياضيه والكاجوال ايضاً بما في ذلك الحقائب والاكسسوارات وطبعاً مختلف انواع الاحذيه الرياضيه اضافه الى تعاون بوما مع بعض المصممين
Hussein Chalayan مثل
احذية بوما على مرسيدس وفيراري وبي ام دبليو ودوكاتي بعد
عجبتني الجنطه تصير كروس باق وتصير شوبينق باق
وهالقطعه عجيبه ترى التوب اهو نفسه البنطلون ينلبس جذي وجذي
وهذا الموقع الاهم .. تصميم حذائك على ذوقك بالالوان والاقشمة والمواد المختلفة
قعدنا على طاولة خشبيه فيها عليها مواد واقمشيه مختلفة علشان لما نختار لون او قطعه يطلعونها نشوفها على الطبيعه
اخترت السنيكرز شوز وجابلت الايباد وبدا اختيار المواد لتصميمي الخاص 🙂
واااايد سهله طريقة الاختيار وما تاخذ وقت كلش خصوصا اذا كنتوا محددين الالوان اللي تفضلونها
تراااااااااا
طلع معاي جذي حبيــــته 🙂
يبيله شهر ونص تقريباً على ما يوصل والسعر تقريباً 48 دك
الضيافه كانت من جوكليت بار
كافيه بزه يفتح قريبا في جمعية القادسيه
أقام بافلوز كافيه (السالمية) مسابقه خاصه بأكل اجنحة الدجاج الحاره
شارك بالمسابقه 7 من البلوقرز الشباب وقدموا لكل منهم صحن ممتلىء ب26 قطعه من اجنحه الدجاج الحااااااره المفلفلة وكان المفروض يخلصون خلال 10 دقايق
الفائز بالمسابقة وهديته شهر كامل ياكل اجنحه دياي بلاش من بافلوز 🙂
استمتعنا بمتابعة المتسابقين واحنا نتعشى 😛
شكرا بافلوز كافيه
الاسبوع اللي طاف وصلتني رسالة نفس رسايل القرون الوسطى .. طريقتها مبتكره وجميله وشكلها مختلف
Jester فيها قصة المهرج
اللي غصب عليه الساحر ونفاه بعيد عن ديرته ولقى نفسه واقف تحت ابراج الكويت
سرد جميل لبداية لمغامرات جستر في الكويت وتقدرون اتابعون مغامرات وصولاته وجولاته على اكاونته في التويتر والانستغراموالفيس بوك
Site Link Twitter & Instagram @Hello_Jester
بعد طول انتظار تم افتتاح بوتيك ميو ميو اليوم في مول 360 مقابل بوتيك بوتيغا فينيتا
البوتيك كبير ويعتبر من اكبر البوتيكات لميو ميو في الخليج و وايد مرتب والكولكشن اللي منزلينه وايد عجبني
هالجنطة منزلين منها ألوان وايد حدها عمليه وهم ذربه وايد عجبتني
هالجنطه سبيشال اديشن خاصه للكويت والحلو فيها انه لها اكثر من طريقة باللبس ولها يدتين وحده كرستال والثانيه جلد
الكرستال تقدرون تستخدمونها كقلاده وحتى حزام وغير جذي نقدر نعلق الجنطه على الكتف او كروس باق
باق جارم زوغه يشوقون
هالشي اللي ماقدرت اقاوم وما آخذ .. تهقون اي لون اخترت 😉
جواتيهم تكرمون وايد ذربين
