الاسبوع اللي فات مريت محل حلويات يديد اسمه فيونكا
عندهم ككاو راقي واكثر من ٤٠ نوع حلو قهوة
ضيفوني بكذا نوع مع القهوه الطيبه وكل شي كان عندهم لذيذ بس في شي مميز اول مره اجربه بمحلات الحلويات
شوفوا هالجم صوره تالي احط لكم صورة للنوع المميز 🙂

النوع اللي استغربت منه كان حلو قهوه على عصيده !!!
اي والله عصيده تصدقون هههه
انا خبري العصيده يبيعونها بعض البيوت بجديرها وفوقها البيض
بس ماتوقعت تكون حشوه داخل ككاوه 🙂

بس طعمها حلووو
شوفوها من داخل وشوفوا الملونين اللي وراها هذا شكلها اليديد اللي بينزلونه قريبا وتقدرون تغيرون بالالوان حسب المناسبه اللي عندكم
هذي علبهم العاديه .. نازكين
وعندهم علب وايد للمناسبات
انا حبيت هالاثنين ذربين
وهذي بعض الككاوات المغلفه الجاهزه المعروضه بالمحل

للولادات
وكانوا بقمة الذوق ومجهزين لي شي مرتب وردي بوردي 🙂

فيونكا في حولي .. مجمع نايف، شارع بيروت، بجانب مستشفى دار الشفاء
Tel: 22645835
Instagram @Fyonkakw