يقيم كافيه بزه مسابقة لمستخدمي برنامج الانستغرام حيث تستطيع المشاركة بلقطتك المميزة عن كافيه بزه
iPad 3 يحصل على Likeوالمتسابق الذي يحرز اكبرعدد من ال
CAFEBAZZA هذا اكاونت كافيه بزه على الانستغرام
Review : Posh Cafe Breakfast
360 في مول Posh Cafe وايد مدحولي ريوق
ومن فترة خاطري اجربه واخيرا سنحت الفرصه 🙂
واول شي بدينا فيه سلة الخبز .. خبزهم غريب وفريش حار ولذيذ
مشروباتنا كانت كراميل مكياتو وليمون بنعناع والاثنين 100% تمام
بيض السكرامبل عندهم خيال وااااااايد استمتعت وانا آكل البيضة مافيها زفره ومضبوطة لأنه مو وايد اللي يضبطون السكرامبل
كرواسون اللوز .. رفيجتي وايد استانست عليها
الخطير المخطور المخطر مادري من وين مطلعه هالكلمات بس اذا كليتوه بتفهمون الكلمات المتقاطعه اللي كتبتها
فرينش توست بس طريقة عجيبة غريبة لذيذة صج ثقيل ويخرب ابوو اللي مسوين ريجيم بس يستاهل لو قرمة تجربونة
عجيب عجيب عجيب وانصح بشدة
خوش ريوق وخوش مكان ان شاء الله برجع اتريق فيه مره ثانيه واجرب اطباق ثانيه
رساله توعوية طريفه على شاشات سينسكيب
هالاعلان او الرساله شفتها بالسينما قبل جم يوم .. رساله طريفة توعوية تنتقد بعض رواد دور السينما من المزعجين و غير المهتمين بنظافة المكان .. حبيت الفكره لكن هل بيتغير شي ؟ نتمنى
Via Almubarkia Blog
خصم 50% على زراعة الاسنان لدى بيان
منتزه الخيران
خبري بالخيران قبل الغزو ومن بعده كلش ما مريناه حتى زياره
قبل اسبوعين كنت معزومة عند صديقتي .. وشفت الخيران بعد 22 سنة 😀
هذي الفلل اليديدة الكبيرة ومعاها حديقة صغيره خاصه لكل شاليه
وهذي الشاليهات العادية
وحق اللي ماله خبر بالخيران من سنين نفسي وحق زوارنا من خارج الكويت هذا الشاليه العادي من داخل 🙂
غرفتين و3 حمامات وغرفه خدامة مع حمامها وطبعا الصاله والمطبخ وحتى الشوايه موجوده
الفيو الخارجي على الخور
وهذي لقطات لمرافق المنتزه
حبيت فكرة وجود نادي خاص للاطفال بالمارينا
صالة الالعاب وفيها الالعاب الالكترونية اضافه الى البولينج وتنس الطاوله والبيبي فوت وغيرها
وفيها ايضاً مطعم شرمبي وعربانه للمأكولات الخفيفه
مشاء الله المنتزة كان زحمه فما قدرت اصور الالعاب .. العروسة اللي مازالت عروسه رغم مرور اكثر من 25 سنه على وجودها بدون معرس 😛
وبعض الالعاب الترفيهية والحناطير والحصن
القواري من البصمات المهمه في تاريخ الخيران ليلحين موجودين بس طوروهم شوي وحطولهم مظله وهم يايبين موديل يديد
والاساس بطلعات الشاليه والبر .. البلعه 🙂
احلى طلعه شاليه واحلى ناس مشكورة شيوخه وليلى ونوال والبنات والاهل ياحلوكم وياحلو مقعدكم :*
للاستفسار : 23951122
The Avenues Earth Hour
شارك مجمع الافنيوز في فعالية (ساعة الارض) العالمية التي ينظمها الصندوق العالمي للحياة البرية والتي تهدف الى الحد من الانبعاثات السامه المؤثرة في البيئة وذلك للعام الرابع على التوالي حيث اطفئت اجزاء من الاضاءه الخارجية يوم السبت الماضي في تمام الساعه الثامنه والنصف لمدة ساعة واحده.
والهدف زيادة الوعي حول تأثير استهلاك الكهرباء في ظاهرة الاحتباس الحراري والمساهمه في اتخاذ الخطوات الايجابيه للحد من التغيرات المناخيه