وصلني هالسيت الجميل من بنفيت
علبه معدن تصميمها حلو وداخلها ٤ منتجات مهمه من منتجاتهم
ماسكرا ذي ار ريل
الماسكرا وايد احبها واستخدمها على طول وساعات اخلط بينها وبين ماسكرا ثانيه واحطها كطبقه اخيره
ماسكرا الحواجب
كنت كاتبه عنها من قبل ثابته و لونها طبيعي
برونزر هولا
وايد حلو وبنات وايد يستخدمون للكنتور
اضاءة هاي بيم الورديه
جميله هالاضاءه احب استخدمها فوق الشفايف وعلى الانف وشي خفيف على الخد
Breakfast @ GIA
جيا مطعم مرتب موجود في السالميه بمجمع الخالد (مكان مخبز العالميه) من فتره مريته خذيت منه كيك القهوه
كانت عجيبه وااااايد طيبه ومليانه مكسرات ماشاء الله
القعده مريحه ومستوحاة من القهاوي الاوربيه المودرن
هالمره جربنا عنده الريوق
اول شي وصل كان
poached eggs with avocado
على خبز اسمر
وهذا طلب رفيجتي صافي ووايد عجبها
سلطة فواكهه
فريش وطيبه
اما طلبي فكان سولتد كراميل فرنش توست خطير
مع حبات البيكان
جيا بيفتح قريباً فرعه الثاني في الديره يم بنك الخليج الرئيسي
Instagram @Giakwt
Caffeine Cafe
من القهاوي اللي هابين فيها حالياً خصوصاً بفترة الشتا لأنه القعدة حلوه
كافيه كافيين
في ساحة سومو بالمباركية
زرت المكان مرتين الاولى كانت ممتازه اما الثانيه مع الاسف ماتوفقت فيها
عموما جربت عندهم السولتد كارميل لاتيه وايد طيب لكن المره الثانيه ماضبطوه كان ماي مايووه
والبراونيز خطير
انواع الكيك اللي عندهم
السولتد كراميل لاتيه
البراونيز يقدمونها بطريقة جميله بورق فلتر القهوه
وعقب ما تشربون قهوتكم لا توطوطون 😛
Instagram @CaffeineKuwait
% Arabica
ارابيكا كافيه من المقاهي اللي صارت هبه في الكويت هالايام
مكانه صغير وقهوتهم فريش وطيبه وتميزوا بأنهم يسوون قهوتك جدامك ويتفننون بالرسم بالفلات وايت
طلبت السبانش لاتيه
طعمها طيب
%Arabica is located in Ahmed alJaber St
Instagram @ArabicaKw
South Indian Breakfast by Taal
من فتره نزل المطعم الهندي تال منيو ريوق يديد في فرعهم الجديد بالافنيوز
شوقتني طريقة التقديم فجربناه
اخترنا دوسا ماسالا من اطباق جنوب الهند
دوسا اهي نوع من الخبز الهندي الخفيف مصنوعه من الارز والعدس ومحشوه بالبطاط المهروس الحار
ومعاه عدة صلصات على جوز هند وطماط وبطاط ومخلل
لذيذ بس كان الفلفل وايد وايد
خبزة الدوسا اتينن خفيفه وطيبه
والصلصات حلوه بس هم حاره
اللي مايقدرون على الفلفل لا يجربون خصوصا الصبح وعلى الريج
وطلبنا بيض اومليت مع المشروم
البيضه لذيذه بس خبز الباو كان مو زود يابس شوي
تال موجود في الافنيوز – الغراند افنيو
Instagram @TaalQ8
Heidi Sweet
حلو سويسري عباره عن كيكة ترفه جدا داخلها ككاو نوتيلا ومزينه بالسكر البودر
شريتها اليوم من مشروع هايدي
الاحلى انها بعد طلبي بنص ساعه لقيت السايق عند باب بيتنا 🙂
الحلو وايد لذيذ مع انه شكله مو فوتو جينيك هههه
من الداخل يم يم
For Order (WhatsApp) : 97920285
Instagram @Heidi__sweet