قبل جم يوم وصلني بوكس من اروما كورنر للحلويات
بوكس فيه نوعين من حلوياتهم البارده اللي مشهورين فيها
ميليفيه و تندر 
عادة نعرف الميليفيه انه قطعه مربعه بطبقات مقرمشة لذيذة ومرشوش عليها السكر البودر لكن اروما كورنر مسوينه على شكل ثاني في علبة الحلويات البارده وطعمه وااايد لذيذ ومقرمش وكميته راهيه 
تندر عباره عن حلو بارد على ككاو بخلطة لذيذة
For Order (WhatsApp) : 65827227
Instagram @Aroma_Corner
سمعت من صديقاتي من فترة ان ماركة المكياج العالمية (انجلوت) منزلين لاين خاص لاصباغ الاظافر
سموها Breathable
وسبب تسميتها بالمتنفسه يعود الى كونها متكونه من مادة لا تمنع وصول الماء الى الاظافر وتسمح بوصول الاكسجين وبخار الماء اليها وهذه الماده نفسها المستخدمه في العدسات الاصقه
وهذا يجعل المرأة المسلمه قادره على استخدامه مع المحافظة على اداء الصلاة والالتزام بتعاليم الدين الاسلامي
مادري عن صحة هالمعلومة بالضبط بخصوص الصلاة وصحتها لازم تسألون فيها اكثر .. بس رحت شفت الصبغ بمحلهم بالافنيوز (فيز2) توقعت القى 10 الوان او اقل لكن الرف كان مليان بألوان اتينن 🙂
وصلتني دعوة من الماركة الاسبانية نانوز المتخصصة بملابس الاطفال لافتتاح فرعهم الثاني في الافنيوز (فيز2) وكانت الدعوة وايد غريبة ومبتكره حبيتها
اليوم كان الافتتاح برعاية السفير الاسباني في الكويت وكان الثيم للافتتاح وايد يشوق على طواحين الهوا ومستقبلين الاطفال مع المهرجين والموسيقى والالعاب
مجموعة الملابس وايد راقية وتشوق للاطفال واغلبها يتكون من اكثر من قطعه بتمازج طفولي جميل
Nanos is Located in The Avenues, phase 2
Instagram @Nanos_Kuwait
سولو شوروز (برج جاسم) ينزلون نكهات يديدة كل فتره او موسم معين وامس وصلني منهم علبه فيها آخر نوعين بينزلونهم للصيف
نكهتين والاثنين لذيذين
Guylain Churros
Flake Churros
الفليك يمكن حبيتها اكثر لأنها فليك .. جوكلاتي فلافي ناطع
الغيلاين بعد لذيذ وفلافي واخف شوي من الفليك
For Order : 22960097
Instagram @SoloChurros
وصلني امس بوكس مربع صغير يشوق عليه اسم البلوق وداخله هدية جميلة مرتبة عباره عن اجنده وردية مكتوب عليها اسم البلوق لسنة 2014 ان شاء الله
صج الناس قامت تستخدم الكلندر اللي موجود بالموبايلات اللي سهل المهمه وايد لكن بالنسبه لي ليلحين اشتاق للطريقة القديمه خصوصاً انها اضمن وهم علشان الواحد يظل يسخدم القلم .. احس التكنولوجيا غيرت حتى خطوطنا قبل احس خطي كان وايد احلى من الحين 
من داخل وايد حبيتها مرتبة ومنظمه والوانها شرحة واوراقها ناعمه .. بتفيدني وايد 🙂
Paper Room مشكورين وايد
For Order (WhatsApp) : 99627998
Instagram @Paper_room
مؤخراً في سرداب برج جاسم Or Bakery تم افتتاح
من فترة وانا اسمع عن اور من قبل افتتاح محلهم طبعاً وكان خاطري اجرب شغلهم خصوصاً ان وايد ناس مدحولي الجوكليت وانواعه اللي انشهروا فيها
واخيراً حصلت لي الفرصه اني امر واشوف واختار اللي بجربه 🙂
وبما انهم توهم فاتحين فأوقاتهم من 9 الصبح الى 5 المغرب واخترت تكون روحتي بداية العصر
اول ما دخلت المحل لفت نظري وجود ركن خاص للمقبلات البارده مثل السلطات والمتبل والحمص وورق العنب وبعض الساندويتش
وانواع من الكرواسون والمعجنات
كرواسون اللوز كان مغريه جداً
كوكيز وميرانج
اسباب وجودي كان الككاو امممممم
بصراحه المنظر يخلي الزاحد يحتار ياخذ شنو ويخلي شنو
كل قطعه عباره عن لوحة فنية بحد ذاتها مو شكلاً بس لكن المضمون اهم والمكونات مغرية جداً
تهقون امشي بدون لا اخذ قطعه من هالككاوه بالذات ؟؟ شوفوا الاسم بروحه يغري يازينه 😛
هالككاوه زقرتيه حلوة للعروس والاستقبالات
كنا مخططين نقعد بقهوه فعلشان جذي قلنا نختار جم قطعه من الككاو
فقالولنا ان عندهم بوكس يكون فيه ما يثارب 30 قطعه من الككاو الاكثر مبيعاً عندهم بقيمة 10 دك
فقلنا يالله علشان نجرب على راحتنا 
علبهم نازكة
وخذينا بوكسنا واقرب كوفي شوب 🙂
هوب هوب البينك مالتي 🙂 
الطعم عجيييييييييييييب وايد لذيذه حبيتها
Or Bakery is located in Burj Jassem, Basement
Tel : 97571012 – 2244299
Site Link