بعد نجاح الجزء الاول من كتاب وحده كويتية داثرة اللي كاتبته الحبيبه دندرمه .. اليوم تم اصدار الجزء الثاني اللي ابتداء من اليوم راح يكون موجود في 52 ديقريز 

وبهالمناسبه الحلوة عزمتنا دندرمة في بيتها على العشا وكان الثيم كله داثر اشياء قديمه مهتمله حتى بالعشا والديكور 🙂 

اول ما دخلت ولا دودو مزينه البيت بزينة أول يا حلوها 🙂

وبما ان الثيم داثر فكانت هديتي لدندرمة داثره وتغليفها داثر ومعاها وجبة داثرة المفضله البيج ماك 😀 

شوفوا دندرمة شحاطه لنا مابقى ماكنتوش ولا برميت ولا ككاو مال اول ماحطته حتى الورد شكله مال اول والفازة زوغه 🙂

وبدا المدعوين يهلون و أول الواصلين الداثرة الثانية سويره أم حنه 😀 

اللبس اقولها جنج طالعه من مسلسل الاسوار وبعد ماهلوا البنات كل من يقولها شي النوري تقولها جنج نعمة الله مرت الحاج متولي ودوديت تقولها جنج ابله 🙂 واهي تقول جني من جناين الفيحا .. مادري شلون قايلين جناين الفيحا ههههههه

الداثره الثالثه كانت جاكي هههههه مابقى لون مالبسته والريش عجيييييييييييب 

الداثرة الرابعه دوديت هههههههه مبدعه مادري من وين ملقطه الدثاره اللي يايه فيها هههههه زوغه 

تيشيرت وشورت زوجها حجي والحزام الرهيب والجنطه ام الدثاره فيرسس قدددددددددددددديم والجوتي تكرمون والخواتم شي شي واهم شي النظاره اللي ذكرتني بحبتين والعجفتين ابداااااااع وايد حبيت اللوك 🙂

ام عزوز شحلوج ماقدر اقول داثره 🙁

انسام كانت ربع داثره بس علشان الذهب والجنطة وتكرمون الجوتي وحسافه ماصورتهم .. ذا سايد توك موو داثره شحلوج ههههه

النوري كالعاده دشت ولازم بيدها شي يلفت الانتباه .. بعد جبدي يايبه البه تدري صارلي جم يوم خاطري فيها 

واللوك هم خطير وفيه دثاره وعلى فكره تقول اللبس من مجمع النقرة غبرررررررررره ههههههه

اما جست نون ماصورتها لأنها لابسه لبسها العادي ومن الدوام لي العزيمة الله يعطيها العافية 🙂

المفاجأة الحلوة .. لعبة على شكل داثره 😀

مسويتها المبدعه عمة جاكي مشاء الله عليها .. يا فرحة دندرمة فيها ليمتد اديشن ماكووو غيرها 🙂 وكشخه لابسه عباية حق رمضان ومعاها هديماتها 

دندرمة سوت تصويت منو اكثر لبس داثر بالحفلة .. انا صوت حق دوديت وهم كان لبس سويره عاجبني 

وفازت سويررررررررررره 🙂 تستاهلين يا ملكة الدثاره هههههههههه

وصار وقت العشا .. على قولة انسام تقول جنه قاعدين في مسلسل خالتي قماشة آخر حلقة وقت العيد ميلاد والزينه هههههه 

الاكل ترى كله نظام دثاره قديم بيتزا قيصر وربعها وورق عنب وكبب وسمبوسة وجباتي ونخي وباجيلا وحمص ومتبل وعرايس وحتى بلاليط وتبولة

يا حلو إلبة النوري ناطعه .. الناطع ما اييب الا الناطع وكل الموجودين ناطعين علشان جذي القعده كانت سكر 😛 

سانكيست وعصاير وبيبسيات وماي

طاولة الحلوو .. بريدات ملوت اول لولي وذهب وفضه وربوعهم وتوتي فروتي مادري شسمه العصير الطوال وبيتي فور وكيك وبراوني 

داثرة عجبتها السالفه وخمطت لها محلبية والبه

وعلشان عيد ميلاد دندرمة الاسبوع الياي انسام فاجئتها ويايبه معاها كيكة لعيد ميلاد وغنينالها واستانست بعد عمري

عيد ميلاد سعيد يا احلى دندرمة وعسى ايامج كلها سعاده بسعاده وافراح وصحه وعافية وعسى الله يخلينا من بعض ودوم نتيمع على خير  :****

والكريم كريم آخر المطاف .. ندوي ماطلعتنا الا بيدنا جيس هم داثر متروس مما لذ وطاب من حلويات الزمن الطيب ومعاهم نسخه موقعه من كتابها 😀 

شكراً دندرمة والله احلى يمعه واحلى بنات واحلى جو .. موفقة دائما يا صديقتي الصدوقة وعقبال داثرة المليون :*