تشكيلة( تالي) الرمضانيه في بيت السدره مقابل مستشفى الاميري في يومي الاحد و الاثنين تاريخ ٣١ مارس و ١ ابريل، من الساعه ٩,٣٠ – ١ ظهرا،،، و الساعه ٥-٩ مساءً
خلك منچاوي مع سكوب اكون
سكوب اكون احد محلات الايس كريم المفضله عندي .. عندهم انواع متعدده ولذيذة من المذاقات واكثر شي احبه عندهم الميني كون والميني بون بون حق اليمعات والعزايم يشوق
فرع الدسمه احدث فرع لهم .. قريب وعلى شارع الحب بجانب برجر كينج ومسوين حركه يديدة عجبتني انهم حاطين خدمة سيارات حق اللي مستعيل خصوصاً ساعات الواحد وحده شي على السريع ايس كريم ولا قهوه فالفكره يازتلي
من داخل المكان هادي والوان الديكور ناعمه وبسيطه وشرحه
اللون البرتقالي كان سيد الديسبلاي ونقدر نقول صج (خلك منجاوي) مو منجاوي سكرتير حنظل وسلطان في خالتي قماشة 😛
اقصد منجاوي من كلمة منجا مانجو واهو المذاق اليديد اللي عازمينا علشان نجربه مانجا الفونسو يم يم
وبيكون متوفر في جميع فروعهم يوم الاثنين 1 ابريل ان شاء الله
اللي لفت نظري بعد الايس كريم اللي على اي لوف كويت يشوووووووق زوغه
انواع وانواع من المذاقات اللذيذة
التوبينغ بعد اشكال
ونبدا نجرب المنجاوي واحد ورا الاخر
اول شي جربنا البون بون .. الطعم خياااااااااااااااال
الميني كون .. نتيفه اينن
الطعم مانجا مانجا صجية لذيذذذذذ
وبعدها قدمولنا الفونسو جيلاتو والفونسو يوقرت
الاثنين عجيبين بس حبيت الجيلاتو اكثر
الميلك شيك كان رهيب واحلى شي عجبني فيه ان السكر كان معتدل مو شيره
وطلعنا بعلبة كبيره فيها المذاق اليديد 😀
شكرا لمجموعة كوت الغذائية على الدعوه وللاخوات بيبي القطامي وساره تيناوي
For Home Delivery Call : 69976218 – 23930607
Site link FB link Instagram @Scoop_a_cone
Figs by Todd’s English @the_Avenues
Figs by Todd English وصلتني دعوه مبتكره وغريبة من
لحضور العشاء في الافتتاح غير الرسمي لفرعهم الثاني في الافنيوز (غراند افنيوز) بجانب ذا بوتشر قريل
مكانهم اليديد وايد حلو وغير كلياً عن فرعهم الاول في 360 مول .. وايد اكبر ومختلف بالديكور وحتى المنيو بيكون غير وفيه اضافات جديدة
وبيكون مفتوح للجميع الاسبوع الياي 1 ابريل ان شاء الله
التصميم الداخلي للمطعم جميل وراقي
وصلنا الخبز الطازج مع زيت الزيتون وخل البلسمك
الخبز حده حده لذيذ
واستلمنا المنيو وبدينا نحدد طلباتنا
المنيو متنوع والواحد يحتار من وين يبدي
اخترنا نبدي بشي منعش
Classic Mo Jito
Strawberry Basil Mo Jito
مكان تحضير الاطباق تقدرون تشوفونه
والحين نشوف الاطباق اللي جربناها 🙂
Chicken Pastrami & Avocado Salad
خضار ورقيه مع التفاح والرمان والجلابينو رانش دريسنج
السلطه ممتازه ولذيذة
هذا الطبق قدمه لنا الشيف وااايد لذيذ بس مادري شسمه بالضبط
Shrimp Fritti
الربيان مع رانش الافوكادو الكريمي
شي فيه ربيان لازم لذيذ
Chicken Pot Pie
الدياي مع الخضار ومغطى بالبف بيستري
Green Pea Ravioli
الرافيولي مع الشيري توميتو والمشروم
Portobello Pizza
بورتبيللو مع المشروم والبصل الاحمر والجبن
عجيبة البيتزا
واكيد ماكان الختام الا بكوب الكابتشينو
وايد حبيت طريقة التقديم وحبتين الميني اوريو الهوم ميد يشوقووون
Fried Apple Pie
احلى ابل باي ذقتها وااااااااايد طيبه ولذيذة
Butterscotch Budino
سولتد كراميل مع اليوقرت كريم وكيكة الفانيلا مع الكوكيز
وايد لذيذ ومع اني مو من محبي السولتد كراميل بس ما حسيت بطعم الملح وايد
وما طلعنا والا معانا بوكس ثقيــــل هدية من فيقز كان عباره عن كتاب طبخ تود انجليش ومطحنة فلفل فضية شحلوها
خوش هدية وخوش قعده وخوش عشا 🙂
وشركة غاليه تكنولوجي على اليوم الجميل استمتعنا جداً Figs شكرا لمطعم
FB Link Twitter @figskuwait Instagram @figskuwait
The Italian Scarf Now Open @The_Avenues
من آخر المحلات اللي افتحت في السوق بالافنيوز The Italian Scarf
عندهم تشكيله كبيره من السكارفات او الحجابات اغلبها ملون للي يحبون الاشياء الملونه والمشجره
ومن ماركات عالمية مختلفه مثل فيندي وكينزو ودي كي ان واي وغيرهم
Organica Fish & Chips Menu Tasting
وصلتني الاسبوع اللي طاف دعوه جميلة مع مكينه قهوه من مطعم اورغانيكا فيش اند شيبس
لتجربة المنيو اليديد اللي منزلينه في مطعمهم في الجابرية
كانت القعده خارجية مع موسيقى حيـه رائعه والاحلى مزهبين لنا طاولة كبيره لشلة البنات 🙂
حبيت انهم مجهزين لنا سيت منيو والاطباق صغيره علشان نقدر نجرب كل شي
وصلت سلة الخبز مع الزيت والبلسمك والملح والفلفل
الخبز شي مو طبيعي ترف ولذيذذذ
وبعدها بدوا يقدمون لنا الاطباق اللي مجهزينها
Starters
Caprese salad
اعواد طماط مع جبن الموزريلا والريجان وصلصة زيت الزيتون
Crochette di Patate
بطاط مع صلصة الجبن الكريمية
تشبهه كبة البطاط وحدها ناطعه
Main Course
Lasagne di carne
لزانيا تقليدية ايطاليه باللحم المفروم .. لذيذة بس كانت بارده شوي
Ravioli Ricotta a spinaci con salsa allenoci
رافيولي محشي بالجبن والسبانخ مع صلصة المكسرات
Pizza Messicana
جربت قطيعه لذيذة بس فلـــــــفل تشعلل
Fish & Chips with tartar sauce – Deep fried Prawns skewers with honey soya sauce
الربيان لذيذ وصلصة الترتار عجيبة اما السمج انا مو ذاك الزود معاه
Dessert
الطيق فيه 3 انواع من الحلويات اللذيذة
Tiramisu
حده عجيب وخفيف
Panna Cotta
حدها حدها طيبه ولذيذة
Profiterols
يبيلها تكون ألين لأنها يابسة شوي
Thank you Organica Fish & Chips & the lovely host Jumana for the great night & yummy dinner
Organica Fish & Chips Located in Jabria, behind royal hayat hospital
Instagram @OrganicaKuwait
Giolitti @The_Avenues
الاسبوع اللي فات كنت اتمشى فوق بالافنيوز باتجاه الغراند افنيو (صوب بيت الصابون اللبناني وكافيه كلر مي ماين) وشفت جيولتي للجيلاتو فقلت لما اخلص شغلي ارد اجربه واجكجك جم صوره للمكان
رديت وكان المكان فاضي وهدوء وكان الظهر فصج وقت الواحد يبرد على قلبه بأيس كريم
كون ولا كوب .. كوب ولا كون ؟؟؟ كوب صغير 🙂
انواع الايس كريم كثيره وصعب الواحد يختار لكن كان خاطري بشي على قهوه بأخترت التيراميسو
وايد لذيذ ومبين بالطعم لسعة القهوه
