برنامج الانستغرام من البرامج اللي انتشرت جداً بالاونه الاخيرة وبالنسبه لي صار ادمااااااااان واكيد غيري ناس وايد صاروا مايستغنون عنه وحتى اهل الاندرويد جربوه وبدوا يحبونه 🙂
عن سايت سهل يعطيكم الكود جاهز للانستغرام Q8 Ping امس قريت بوست في بلوق اخوي
تضيفونه لمدوناتكم علشان قراءكم يتابعون كل الصور اول بأول خاصة لأصحاب البي بي والنوكيا 🙂
badgeplz لتنزيل الكود اضغط على موقع
Crystal Coffee واحنا نتمشى في المجمع اليديد الليوان شفنا
واللي لفت نظري بصراحه مو الكافيه لكن وجود الدله 🙂
وبما انهم يقدمون القهوه العربية فكانت لنا وقفة لتجربتها
الدله يقدمون معاها قدوع (تمر) مجاناً
وهذي قهيوتنا والتمر
انا وايد حبيت قهوتهم بس ابلة نوره تقول ناقصها مسمار
Crystal Coffee Located in Al Liwan Mall, Basment
طرحت بيتزا هت نوعين يدد في مطاعمهم اليوم بمناسبة كرنفال الكراون كرست
اول نوع عباره عن جيز برجر !! يعني 2 في 1 تاكلون بيتزا وهم برجر بنفس الوقت 🙂
ومكوناتها طبعا البرجر على الاطراف اضافه الى اللحم المفروم والطماط والخس والبصل والجبن السايح اللذيذ
انا جربتها اليوم و استانست عليها غريبة 🙂
اما النوع الثاني فيليه الدجاج
اطرافه دياي ناقيتس وفيه شرايح دياي وفلفل اخضر وبصل وعليهم صلصة باربكيو طــيبه
قرمت منها شوي مو شينه لكني ما احب الدياي بالبيتزا علشان جذي حبيت اكثر الجيز برجر 🙂
شكراً لشركة الكوت الغذائيه والاخت بيبي القطامي على التواصل الدائم
Pizza Hut FB (Link) Twitter & instagram : @koutfoodgroup
هبه يديدة تدق ابواب الموضه في الكويت !! شرايكم بالمقدمه 😛
صارلي فترة اسبوعين ملاحظة كذا بنت عليها من هالموديل قلت يمكن متسلفه جوتي اخوها لكن لما العدد تزايد عرفت انها الهبه اليديدة
وفجأة اغلب الماركات مثل ميو ميو وقوتشي ورالف لورين ومليسا وحتى المحلات العادية منزلين من هالجواتي
brogues واسم الموديل
شرايكم فيه ؟؟ وتلبسونه ولا لأ ؟
Houry Cake وصلني بوكس انيق جداً من
لما بطلته كان فيه 12 علبه مع قفاشه حدهم مرتبين اسمه حوري كيك ميكس وفيه 12 نوع محتلف من الحلو مثل الاوريو والفليك والفستق والجلكسي والسنيكرز والجيز كيك وغيرهم
جربت الفليك كان طيب اما الفستق وايد لذيذ معاه محلبيه وكيك
وهالماعون كان بااااارد ومعاه علبه فيها جوكليت وصوص جوكليت
اسم الطبق كراميل هيزلنت كيك حده عجيب خصوصا حق الصيف لانه طبق بارد وهو عباره عن كيك مع المكسرات والكراميل يم يم
شكراً حوري كيك شغلكم نازك ولذيذ والله يوفقكم
For Order : 55353036
FB (Link) Twitter (@HouryCake)
