الاسبوع اللي طاف وصلتني دعوة نااازكة وذربة من مطعم
Tartine
لحضور يوم خاص لتذوق اصناف من منيوهم بس مو بالمطعم مسوينه على شكل بيكنك او رحلة على البحر
والدعوة معاها سلة فيها اشياء لذيذة نوعين ساندويتش وسكونز ومربى وسلطة مع الدريسينج وشاي لاتيه بالفانيلا بتمبلر خاص وكوب وصحن وفوطة الاكل
وصلنا البحر صوب يوم البحار ولقينا المكان بسهولة لأنهم مضبطينه عدل ومبين من بعيد ما شاء الله يشوق
القعدات اتينن وكل شي مرتب ونازك
استقبلتنا نجلاء صاحبة المطعم ورحبت فينا ماقصرت وايد حبوبة
وبدينا نجكجك 🙂 واتوقع الصور تعبر ووايد احسن من القرقة 🙂
مشاء الله عليهم حتى البلانكيت يايبينهم معاهم بس الحمدلله امس الجو حلو مو برد وايد
وناسة اوشا كانوا موجودين بعد وصورنا معاهم صورة ذكرى
مسوين اشياء يديدة تشوق
البوفيه كان مفتوح للجميع بأي وقت تقدرون تاخذون وتقعدون تستمتعون بالاجواء واللي كان ياي لفترة بسيطة كانوا حاطين في بالهم هالشي وحاطين بوكسات للتيك اوي
الايدمامي كانت موووو صج مع اني مو ذاك الزود معاها بس الصلصة خيال معاها
ترتيب الملاعق والشوك نزاااكه
الساندويتش
حسافه كاونتر البرجر والكريب ماقدروا يشغلونه ماكو كهربا بالفترة اللي كنت فيها موجوده
صوب الحلو .. اكثر شي عجبني انها حاطه سلطة فاكهه وعنب بشكل يشوق
حبيت فكرة العنب بالجياس الورق والعنب الاحمر ماشاء الله كان شيرررة اينن
المشروبات
عصير رقي يم يم
حتى المارشميلو يايبينه معاهم 🙂
قعدنا شوي بعدين خذينا عشانا وتوكلنا على الله 🙂 حلوة فكرة البوكسات وترى تقدرون تطلبونها حق ريوق او غدا وتنقون محتوياتها
مشكورة نجلاء استمتعنا وايد بالبيكنك وموفقين ان شاء الله
Tartine is Located in Mubarkia
Tel : 22418171 – 97283570
Twitter & Instagram @TartineKw
