New Stuff @TrueValue
احب اتسوق واحوس في تروفاليو واستانس على فناتقهم
اخر مرة مريت الفرع اللي ورا الافنيوز ولا المكان متروس اغراض تزيين الكيك والحلويات بعد ماقطعوا فترة
مع اني مو ذاك الزود مع الطباخ وخبز الكيك وما تضبط معاي وايد الا اني استانس على هالفناتق
ربع الكيك والكب كيك اكيد بيعجبكم 🙂
Zoom Teeth Whitening @BayanDentalKw
تعودت كل ٦ شهور اسوي تنظيف اسنان عند دكتوره ساليا في مركز بيان لطب الاسنان وايد ارتاح لها ايدها خفيفه و حبوبه
هالمره بعد التنظيف جربت تبييض الاسنان زوم ٣
قالت لي الدكتوره انه اثناء توجيه الجهاز من الممكن اني احس بالم بسيط و علشان فترة التبييض مايقارب الساعه او اكثر شوي دلعتني ويابتلي مجموعة افلام اخترت واحد اشوفه اثناء التبييض
واخترت فيلم رعب ههههه
حطت لي البلاستيك اللي يفتح الفم ويبين الاسنان و ومسحت على اللثه شي مثل الكريم بعدها حطت جيل على الاسنان ولبستني نظارة و وجهت الجهاز على اسناني
وانشغلت بمتابعة الفيلم والحمدلله ماحسيت بعوار يذكر
شغلت الجهاز ٣ مرات
بعدها بلغتني ان الفترة انتهت و شالت عني القطعه البلاستك ونظفت المكان بالماي والنتيجه عجيبه ماشاء الله وايد حبيتها
وقالت لي ان الحين كل شي اوكي بس احتمال تحسين بعوار اخذي حبوب كتفلام و هم عطتني جيل للاسنان قالت لي ادهنهم لي حسيت بعوار
اول ماوصلت البيت حسيت بعوار باسناني فخذيت حبة كتفلام ونمت وثاني يوم لله الحمد كل شي تمام التمام
المهم بعد التبييض لازم الواحد يطبق عدة تعليمات خلال ال٤٨ ساعه مثل تفريش الاسنان مع الخيط وتجنب المأكولات الملونه مثل الصلصات والمشروبات مثل القهوة والچاي والكولا وغيرها واكيد الامتناع عن التدخين
تابعوا اكاونت بيان لطب الاسنان في الانستغرام و تويتر لمعرفة آخر عروضهم والاسعار
@bayandental
للاستفسار : ٢٣٨٢٤٠٠٠
Villa Mamas Restaurant in Bahrain
من زمان عن البحرين واخبارها واليوم الحبيبه نويّر صديقتي رايحه البحرين وجربت مطعم فيلا ماماز وجكجكت لي هالصور الزينه
المطعم يقدم مأكولات بحرينية ومتنوعه بادارة صاحبته الشيف رؤيا الصالح
المكان شرح و مفتوح والوانه هاديه وبسيطه
المنيو متنوع
Villa Mama’s Salad
طبق اليوم كان شيش بوك مع العيش بالشعريه
هالطبق عباره عن بيديان و روب مع الجوز
وجبة اطفال
Cheeky Nuggets
مكرم السامع التواليت
ڤيلا ماماز بمنطقة سار مقابل سينما سار
Tel : 39942449 – 17305031
Twitter & Instagram @VillaMamas
Review : Porch Cafe By Deer & Dear Breakfast
تلقيت دعوة من شركة محمد العنجري لتجربة بورش كافيه التابع لدير اند دير بالافنيوز
اخترت فترة الريوق لاني من زمان ماتريقت برا بالويك اند
الكافيه موجود بسوكو فوق مطعم ميلنزاني
فكرة الكافيه من واقع الريف الاوربي
الديكور خشب على طريقة البيوت الاوربية والورد معلق و الالوان هاديه والديكور رائع فعلا ريفي
الثريات عجبوني على قفص طيور
استلمنا المنيو العادي والايباد
بصراحه الايباد كلش ما منه فايده بالنسبه لوجبة الريوق لانه مافيه الا جم صوره
اخترنا طبق الاجبان وفيه ٣ انواع من الاجبان الامينتال وجودا وجبن سويسري وايي معاه الطماط والجوز والنعناع اضافه الى صلصة الزيتون
الطبق الثاني كان شي اسمه سوهو مثل الخبزة الايرانيه على شكل بيتزا عليها طماط وزعتر وزيتون اسود وجبن فيتا وريحان وجرجير
وايد طيبه
اما البيض اخترنا البيض الريفي واهو اومليت فيها بصل و طماط ومشروم
وايد كانت مضبوطه وتيي معاها مربى وزبده وتوست محمش
عجبتني فكرة انه كل طاوله عليها توستر الواحد ياخذ راحته ويسوي توستته بريحاته
بعد الريوق الطيب وصلت دلة القهوة العربيه
وايد حبيت قهوتهم
ولازم القهوة معاها حلو وكان ختام الريوق مع كريب النوتيلا مع ايس كريم الفانيلا شي لذيذ انصحكم فيه
كل الشكر لشركة محمد العنجري والسيد احمد الشمري على الدعوة
Porch Cafe Located in Grand Avenues Mall, Soku, Mezzanine next to Deer & Dear Store.
Tel: 22200608
Instagram @porchcafe
ليتس بوب كورن الآن في قطر
امس وصلت البيت ولقيت نقصة من ليتس بوب كورن بمناسبة عقد اتفاقيه حق الامتياز مع مجموعة شركات بن يوسف القطريه لافتتاح سلسلة محلات ليتس بوب كورن في قطر
الف مبروك و منها للاعلى