وصلتني تشكيله من العصاير الطازجه الباررررررده من الفكهاني
علبه تحفظ البروده وداخلها بطول صغار لأكثر من نوع هذي اساميهم ومكتوبين على البطول
هاواي – فينيسيا – امبراطور – عوار قلب – سانتا مونيكا – فلوريدا
انا جربت الامبراطور كان طيب جدا بس ثقيل لانه من مكوناته اذا ماني غلطانه الايس كريم والموز
وهم معاهم بطلين كبار واحد اسمه الفكهاني والثاني ساندييغو
للطلب : ٦٠٦٠١٦٣٣
Instagram @AlfakahanyJuice
صورنا سيلفي على المارشميلو البريطاني :)
قبل فتره قريت عن مشروع اخو الاميره كيت ميدلتون زوجه الامير وليام
المشروع اهو طباعه صور السيلفي على المارشميلو
الحلو انه موقع بوومف ماشميلو تقدرون تشبكون حسابكم الانستغرام عليه وتختارون اي صوره من حساباتكم للطباعه على المارشميلو
قلت اجرب اذا وصل زين على زين وان ماوصل وسوولي الجمارك قصه بخليه يولي
سعر ال ١٢ حبه ٩ حبات ب ١٥ باوند يعني مايقارب ٨ دك
والله ما اخذ الطلب ١٠ ايام الا وصلني باكيج عنونو وتغليفه سيلفر ذرب
وفتحته لقيته علبه بيضا داخلها المارشميلو مرتب
انا نسيت اسآل عن الجلوتين اذا نباتي او حيواني فتنبهوا من هالسالفه انا عقب ما وزعته وكليناه فطنتني وحده يزاها الله خير بالانستغرام
نصوري مع صورته
الطعم لذيذ وفريش
Link
كيكة التمر والدارسين من الوَرْد
وصلتني علبه من مشروع جديد اسمه الورد
العلبه شدتني قمه النزاكه عليها اسم البلوق ومعاها بوكيه صغير من الجوري الابيض
داخل العلبه كانت كيكه ريحتها خنينه ومزينه بعد بالجوري الابيض
كيكة تمر مع دارسين وااااايد لذيذه وخفيفه وتينن خصوصا اذا يمها استكانة شاي
For Order 58540705
Instagram @Warddkw
Review : The Grove Restaurant & Café
من زمان ما تيمعنا انا وصديقاتي ربع الثانويه وقررنا تكون طلعتنا عشا اول امس
وبما اني الخبيرررر عاد لازم انقيلهم مكان يديد
عاد كان الاختيار على ذا غروف لانه بالفتره الاخيره شفت وايد ناس حطت صور عن زيارتهم له بالانستغرام وشوقني المكان
مكانه صوب المباركيه يم بنك الخليج الرئيسي مكان سكند كب كافيه
اللي يميز المكان ديكوره قوي ومميز ماخذ ثيم حديقه وحاط زرع واشجار بكل مكان اضافه الى انه مبتعد عن الموسيقي ومكتفي بخلفيه اصوات عصافير تغرد
طبعا ماقدرت اصور المكان عدل لانه زحمه ماشاء الله
الباناكوتا عندهم الوان تشوق على ذاقات مختلفه
المنيو
Mango Shrimp
وايد لذيذ لازم تجربونه
Fried Chilli Shrimp
انا ماجربته بس البنات يقولون عادي وايد
بطاط ودجز مع الجبن
مارغريتا بيتزا
لذيذه وخفيفه
باستا
لذيذه
جيكن برجر
طلب دلول نسيت اسألها شلونها ههههه
اما الحلويات فجربوا البنات الجوكليت فوندان كانت زينه
انا جربت معاهم بانكيك الفستق عجيب
واحلى شي انه مو وايد شيره ويغث
وختمناها بالقهوه العربيه وكان لنا بعض الملاحظات عليها بلغناها صاحب المكان بعد ما مر علينا وسألنا عن راينا بالمكان والاكل
فاتورتنا طلعت تقريبا ٣٤ دك والمكان يسوى يعني ارجع مره ثانيه 🙂
The Grove is Located in Kuwait City, Mubarak Al Kabeer St, Across Kuwait Stock Exchange
Tel : 99883369
Instagram @TheGroveKw
August Fash Box
هالشهر كانوا فاشن بوكس كريمين بإرسال علبتين بمناسبة العيد
Olay واغلب محتواه العلب كان منتجات من
اضافه لمعجون اسنان جديد من كرست وامبولات خاصه للشعر
اول بوكس كان فيه هالمنتجات
1)Olay Regenerist Replenishing Cream
كريم تجديد البشره
2) Olay Regenerist Night Cream
اكسير التجديد الليلي
3) Olay Regenerist Micro Sculpting Serum
سيروم تشكيل البشره للوجه والرقبه
4) Olay Regenerist eye lifting serum
سيروم لشد البشره المحيطه بالعينين
البوكس الثاني كان عباره عن بوكس للمفاجأه يعني مو كاتبين لي شنو فيه انا افتحه واشوف 🙂
ولقيت فيه هالاشياء
1) Olay total effects
ثنائي مرطب + سيروم
2) Olay BB Cream
3) كرست بياض ٣ دي ديلوكس
4) Pantene امبولات
لمعالجة تلف الشعر البالغ بدقيقه واحده
اسعار الاشتراكات كالآتي
3 Months Subscription 24 KD 8 KD per month
6 Months Subscription 45 KD 7.5 KD per month
12 Months Subscription 84 KD 7 KD per month
Tel : 99920769
Instagram @Fashiliciouskw
Review : Wok Hay Asian Cuisine
امس كنت مدعوه في مطعم اسيوي يديد على البحر قرب الجزيره الخضرا اسمه
Wok Hay
المكان حلو ودخلته سهله وقعدته مريحه ومرتبه
ديكورات المطعم والقعدات
المنيو بصراحه منوع يعني الكل يقدر يلقى شي لذيذ ياكله
مقبلات وسلطات وشوربات واطباق رئيسيه اضافه للحلويات
ضيفونا بشاي الياسمين مع بعض المكسرات
الويترز وايد حبابين ومن تأشرون لهم يركضون
اول شي طلبته عصير رقي يسرسح
كنا وايد فطلبنا اطباق متنوعه نجرب يميع
Wok Hay Spring Rolls
رولات بالخضرا كانت جيده مع السويت شيلي صوص
Sweet & Spicy Shrimp
هالربيان شي خياااااااال حاالي وبنفس الوقت حااار بس طيب جدا جدا
Bangkok Spicy Beef with Mango
هاللحم مع المانجو بعد شي شي اينن وايد خطير
Hong Kong Lo Mein
انا ماجربته بس البنات حبوه
Honey Sweet
جيد بس الشرمب اللي بالمقبلات احلى وايد
Sweet & Sour Shrimp
ربيان حامض حلو مع العيش الابيض هم كان جيد
Mangolian Village
لحم لذيذ اخترناه مع العيش الابيض
بعد الاكل سوالف وضحك ليما حسينا فضى شوي مكان حق الاشياء الحلوه
طلبت امريكانو
كيكة فستق
وايد لذيذه
جيرمن كيك
اللي يحب جوز الهند والككاو بيستانس عليها
مولتن كيك
ماجربتها بس شكلها طيب البنات عجبتهم
رولات بالفاكهه مع الايس كريم والصوص
جيده وتقرمش
Wok Hay Located in Arabian Gulf St, Green Island Entrance
Tel : 22264526
Instagram @Wok_Hay