كان عندي موعد اليوم في نيل سبا بذا كيوب مول وكنت رايحه مبجر مع رفيجتي
فشفت كافيه يديد توه مبطل في مرحلة السوفت اوبينينق
Before Chocolate
وبما انه كان عندنا وقت قلنا نقعد فيه نتغدا
المنيو صغير وكله ساندويتش يصلح اكثر لريوق او عشا

الديكور يشوق
طبعا الشي الاساسي عندهم الككاو
وبعدها اكيد الكيك والمخبوزات
اللي يميز ككاوهم بأنواعهم انه بارز ويكسرون لكم الحجم اللي تبونه
انواع الكيك اللي بالديسبلاي
المنيو
طلبت كافيه لاتيه
وايد حبيت طريقة التقديم
ويابولنا قطعتين من الككاو نجربه
الككاو لذيذ وسكره متوازن مو وايد حالي
امونه طلبت تونا ساندويتش
وايد عجبتها
ويقدمونه مع شبس مغموس بككاو وصلصه خاصه
طلبي كان ساندويتش بطاطا حلوه مع ٣ انواع جبن والمشروم والبصل المكرمل
وتيي معاها صلصه اتينن على جنب اعتقد صوص كرز عجيييب
وهم بطاط مغموس بككاو

الساندويتش راهين وثقال بس لذيذذذذذين
كلينا من كل ساندويتش قطعه وخذينا القطعه الثانيه تيك اوي فاللي مو يوعان وااايد خل يسوي شيرينق 🙂
Before Chocolate is located in The Cube Mall, Salem Al-Mubarak St, Salmiya
Tel : 22056660
Instagram @BeforeChocolate