إفتتاح بوتيك الأسطورة في مجمع الصالحية
تم افتتاح بوتيك الاسطوره اليوم في مجمع الصالحية، الميزانين
البوتيك يشمل اكثر من ماركه مثل بلنسياغا والكساندر ماكوين و شوروك وميسوني وغيرهم
frē Life Proof
الووتر بروف ايفون كيس صار من اهم الاشياء اللي ناخذها للبحر
الكيس بالصوره اللي فوق كنت شاريته اثناء اقامتنا في اتلانتس دبي قبل چم سنه
اينن خفيف ومريح ويكفي احط فيه الايفون وكرت الغرفه وفلوسي بعد اذا رحت الشاطىء
وحتى بالكويت استخدمه للشاليه
بآخر سفره حطيته بالجنطه على اساس استخدمه للبحر في ال جي بي آر
وانصدمت لما طلعته من الجنطه ولا مقضوض على جنب 🙁 حدي غلقت وضاق هخلقي
وثاني يوم درنا في دبي مول وسألنا كل مكان يبيع كفرات عن كفر ضد الماي ماكو ليييش شالسالفه شي غريب العاده كل مكان متوفر اشكال
ونفس الشي في امارات مول ما لقيت وآخر شي مريت فيرجن الخيار الاخير وقالت لي عندنا نوع واحد بس واخر حبه
وبقيمة ٣٩٩ درهم !!! غاااالي وايد ليش ؟؟؟ قالت ضد الماي والنار والثلج والخدوش
اخذه ما اخذه
مسكته واحوس في المحل واخر شي قلت ماحطوا هالسعر الا اكيد يسوى
توكلت على الله وخذيته
هذا الكفر لما فتحته
على جنب
وبعد التجربه قلت الحمدلله اني خذيت عجيب تبارك الرحمن ماچني حاطه كڤر على الايفون
والتصوير واضح وشغل عدل
وحتى بعد البحر اقدر استخدمه ككڤر عادي واستخدامه وايد سهاله وتركيبه بسيط وسهل
هذي چم صوره
Site Link
اعلان جديد لشركة زين – العيشة ويازين
اعلان جديد لزين خفيف طينه ودويتو حلو بين بشار الشطي وبلقيس 🙂
Review : Fortnum & Mason .. Dubai
في دبي مول فاتحين كافيه يديد معروف عند اهل لندن اسمه
Fortnum & Mason
تلقونه جدامكم اول ما تطلعون من الباب اللي بالسرداب بين ستاربكس وقهوة بتيل
الطابق الارضي عباره عن محل حلويات وانواع شاي وقهوه وفضيات وغيره
الطابق الاول فيه كافيه كشخه للافترنون تي
الطابق الثاني عباره عن كافيه مرتب
ما لقينا مكان بالطابق الاول وايد كان زحمه ماشاء الله
فأخترنا نقعد نشرب قهوتنا بالكافيه العادي
تشوق الرسومات
القعده شرحه بس الظهر حر يبيلهم يزيدون قهوة السنترال
القعده الخارجيه فوق
الفيو على برج خليفه والنافوره
المنيو
الكابتشينو طيب وطريقة التقديم تشوق مع ميني ايس كريم كون بنكهة الفلورانتين
اليهال طلبنا لهم ايس كريم
Fortnum & Mason is located in Sheikh Mohammed Bin Rashid Boulevard
Downtown Dubai, Next To The Address Hotel Downtown & The Dubai Mall
مدلقـــم
وصلني من مشروع مدلقم
لقيمات لذذذيذه وكبار ماشاء الله وتقريبا كلهم حجم واحد ولونهم الذهبي اللي يشوق
ومعاهم قرشه عنونه فيها فستق مطحون
نجرب يم يم
الطعم وايد طيب حق اللي يحبون اللقيمات فيها عيين شوي
اللي يحبها مقرمشه وايد ماراح تعجبه
For Order (WhatsApp) : 90986833
Instagram @Mdalgam_Kw