وصلتني كيكه لذيذه من مشروع يديد اسمه
La Carotte
متخصصين بكيكة الجزر مع الجوز وصلصة التوفي
توصلكم الكيكه وفي وسطها علبة التوفي
تقدرون تصبونها كلها على الكيكه او بعد ماتقصونها علشان الاشخاص اللي مايبون حلى زايد
اول ماتقصونها راح تشمون ريحة الدارسين بعد
حدها خنينه
للي يحبون كيكة الجزر راح تعجبكم ترفه وخنينه
For Order (WhatsApp) : 66529427
Instagram @La_CarotteKw
Happy Birthday Jacqui
من زمان ما تيمعنا انا والبنات – دندرمه وسويره وجاكي
عاد اتفقنا بما ان جاكي عيد ميلادها قريب انه نسوي لها حفله بسيطه عندي في البيت
وتكون سربرايز لانه الاتفاق انها يمعه عاديه
دندرمه طلبت البالونات من بارتي لاند
Cute Minions
وتفخت بالونات حذفتهم بالارض
وزينه خفيفه بسقف الخيمه
شريت كب كيك وزينتهم بالتاقز
وهدية بسيطه لجوجو
وجنون بنت سوير شاركتنا بالاحتفال 🙂
فكرنا شنو بيكون العشا !!!!
طبعا حبيب قلب جاكي الفيشــن برجر 🙂
والفرايزززز يم يم
واول شمعه بقلب البرجر 😛
من قاااال جاكي كيفت على الكيكه البرجريه هههههه
لكن اكو دور ثاني ههههه
جاكو تحب الكنافه فكانت الكيكه كنافه بالجبنه 🙂
والشمعه كمبيوتر
هابي بيرثداي ام تفاح
وقت التهام الكنافه يم يم
هني نقدر نقول واسبـــــــــــح
كل عام وانتي بألف خير جاكي وعقبال مليون سنه يا اغلى صديقه :*
PartyLand New Store
بارتي لاند صارلهم شهرين من فتحوا فرعهم اليديد في الري خلف الافنيوز ومقابل تروفاليو
بصراحه المكان وااااايد افضل
الطابق الارضي فيه كل شي من بالونات وزينه وبنياتا وغيرها
اما الاول فيه الملابس التنكريه وبعض الاكسسوارات
اللي بيحتفل براس السنه ترى الاغراض اللي منزلينها حدها تشووووق
اغراض النيو يير
Lights Lights & More Lights at 360Mall !
مول ٣٦٠ مسوين ديكور اينن على اشكال مثل القطار والكرسي والدب وغيرها من الاشكال
اذا مريتوا صوروا معاهم حدهم حلوين 🙂
موجودين الى ١٥ يناير
كشتتنا زينٍ على زين مع قعــدة الزيــن
وتستمر يمعتنا في الحدايق 🙂
هالمره كانت يمعتنا مع قعدة الزيـــــن
الشي الحلو اللي قاعد يصير اني قاعد اقارن بين كل قعده وقعده
كل وحده من البنات مفنتقه وحاطه شي يميزها عن غيرها ناس ثيم كويتي تراثي ناس حاطه قنفات ناس موفره غريضات تشوق وبصراحه كل وحده منهم احلى من الثانيه
هذي قعدة الزيــن
مرتبه وملمومه
اربع مطارح اللي يميزهم انه لهم مساند ومريحين وهم حاطه كراسي للي مايحب القعده الارضية
والاغاني اللي مكتوبه عليهم تونّس
وبورد تكتبون عليه اللي تبون
الاضاءه فوانيس ملونه
انزين شوفوا الاشياء اللي حاطينها مع القعده 🙂
كل شغله حاطينها بسطل وكاتبين عليه
بوردز وبلانكيتس وبفك بوسفينه وسانكيست
وعلى الطاوله جيسين من الزين راح اقولكم شنو فيهم بالصور اليايه وسبيكر للموبايل
شغل عدل السانكيست باررررد مغطسينه بثلج يسرسح مع انه الجو بارد بس هم عجيب
وبفك بوسفينه مو ناسين معاه فلفل بوديچ
يم يم
الجيس الاولي فيه مجموعه من الالعاب القديمه
لعبة الحيه
اونو
جنجفه
جراقي تشاشي مع الجبريت
الجيس الثاني فيه بوب كورن بمويعينات قصدير صغار نازكين
والاحلى انه داخلهم اوراق حظ
نفس طريقة الفورجن كوكي
حظي 🙂
وهالسطل العجيب ههههه فيه اكثر من عشرين بورد بعبارات مختلفه حتى للمناسبات مثل اعياد الميلاد والبرايدل شاور
واحنا عاد بدعناااااا
والصور ابلغ من اللوك لوك 😛
واخرتها لعبنا لعب بالجراقي وناااسه
بنت الخال يايبه معاها مولتن غاذيرينج
استانست انهم حاطين حجم يديد ميني اينن عنونو مايسحن الجبد نفس العود
فقلت لازم اصوره لكم
للاستفسار عن قعدة الزين : ٩٩١٢٣٣٩٧
Instagram @Alzzzainn
Pumpkin Licious from Bibi’s Cake
وصلتني بمبكن كيك لذيذه جدا من محل جديد اسمه
Bibi’s Cake
الكيكه ترفه وطعمه طيب جدا وريحة الدارسين فيها مميزه جدا وخفيفه مو دسمه وايد
السالميه قطعه ١٢ شارع عبدالكريم الخطابي بنايه ١٦
تلفون : ٢٥٦٦٦٧١١ – ٩٠٩٥٥٨٧٨
Instagram @BibiCakes_kw