في دبي اوت ليت مول Sauce تم افتتاح فرع جديد ل
اخليكم مع الصور 🙂
هدية رمضانية من كش كش بوتيك
شهر رمضان قرب عسى الله يبلغنا صيامه وقيامه وتعودنا بأواخر السنين انه الوحده تهادي اميمتها او خالتها ام ريلها او يدتها بأول يوم برمضان شي بسيط وحلو كتهنئة بالشهر
كش كش بوتيك دايما يذكروني بالمناسبات الحلوة ما يقصرون ويفاجئوني بهدية راقية مثل شغلهم المرتب
اليوم الصبح قعدت ولقيت هالشي الجميل بالصالة
هدية جميلة عباره عن ورد يشوق ما شاء الله بفازة عليها اسم المدونة و يمها سلة منقوشه وايد حلوة تصلح حق المجلات والجرايد بس اهم مستخدمينها للهدية الرمضانية وحاطين داخلها اشياء وايد حلوة
داخل السلة لقيت انواع من العطور والرشوش والبخور ودهن العود مع كلونيا ام بنت وبو فاس وصابونة رقي ومكحلة ومشط خشب ومبخر ومسباح وسياده وكتيبات ادعية
For Order : 67773218 – 50696576
Instagram @Kash_Kash
تجربتي لقهوة أجيال سريعة التحضير
يا مـا حلا الفنجـال مـع سيحة البـال
فــي مـجلسن ما فيــه نفسه ثقيـله
هـذا ولــد عـم وهـــذا ولـد خال
وهذا رفيق مـا لـقـيـنـا مـثـيلـه
انا من عشاق القهوة العربية وساعات الواحد وده فيها بدون طباخ ولوية ونطرة لكن لابد من الفوح والشخال والريحة الخنينه
قبل جم يوم وصلني بوكسين من قهوة اجيال سريعة التحضير بجيس نازك .. استانست انه في قهوة تتحضر ب 10 ثواني بس شلون الطعم ؟ الحين اقولكم 🙂
العلبة الاولى فيها 25 ظرف للقهوه بالهيل وخاصة بتحضير القهوه في الكوب ولازم تضيفون على القهوة 150 او 200 مل من الماء المغلي وتحريكة وتكون القهوه جاهزة
اما العلبة الثانية 5 اظرف للقهوه بالهيل وخاصة بتحضير القهوه في الدلة واضافة لتر ماء مغلي وتحريكه وتكون دلتكم جاهزة
زهبنا الماي وحطينا الظرف بالكوب وشغل عدل باقي نذوق
القهوه طيبه وطعمها زين يعني حق الاشياء السريعه مثلا بالمكتب او السفر تأدي المهمه طبعا مو نفس طعم القهوه المفيوحه لكن جيده كبديل
اذا جربتوها قولوا لي رايكم 🙂
For Order (WhatsApp) : 51130016
Instagram @KW_AjyalCoffee
Tim Hortons Cafe Opening soon @The_Avenues
تيم هورتونز من اشهر المقاهي الكنديه سيقوم بافتتاح اول فرع له في الكويت تحديدا (الافنيوز-فيز٢) .. هورتونس مشهور مو بس بالقهوه حتى بالدونتس اللذيذ
Sale at Chloé for 3 days only
هالفترة السوق اغلبه خصومات و حتى الماركات العالميه عندها سيل على معروضات جميله بسعر حلو خصوصا الجناط
اليوم بدا الخصم عند بوتيك كلوي (شركة الاسطورة) بالثريه ولمده ٣ ايام
كنت هناك الصبح و عجبتني اكثر من قطعه وما اقدر اقاوم وخذيت لي جنطه يديده 🙂
الخصم على بعض الحقائب والاحذيه وبعض الملابس بعد
هذي صور بعض الاشياء اللي عليها خصم
فيديو : رحلة غوص شباب كويتيين في تبوك و العقبة
رحلات غوص واستكشاف جميلة قام بها مجموعه من الشباب الكويتيين في تبوك والعقبة .. وايد استانست على طريقة التصوير وسرد الرحلة وصفاء الكاميرا تحت الماي ما شاء الله
خوش رحلة و موفقين في رحلاتكم القادمه