كعادة شركة زين للاتصالات كل سنه لازم تقدم عمل وطني حلو للاعياد الوطنيه
هالسنه كانت بداية العرض في الغراند افنيو بالافنيوز وينتهي في السوق القديم
بصراحه الواحد صعب ينتقل بين الاماكن خصوصا ان العرض مدته قليله المشاركين فيه مجاميع كبيره
لكن قدرت ايمع لكم اللي صورته في فيديو ان شاء الله يعجبكم
وباقي الصور شي من عدستي وشي من عدسة المصوره العزيزه دستي روز أمينه العبدالمحسن
تستاهلون نصور وننشر 🙂
انا قعدت في ستاربكس الغراند مكان بداية العرض وبعدها مشيت معاهم لي السوق
شفت حبايبي دانه الطويرش ودلال الدوب وقعدنا يميع
حلات اللي قاعدين يتابعون
كانوا مسوين ميكس لاغاني وطنيه نحبها مثل عاشت لنا الكويت وكويت والعرب ولا او ولابي فصيله دمي الكويت وغيرهم
اليهال مشتطين يازينهم
الله يحفظ ديرتنا ويدوم علينا الافراح
شكرا لشركة زين ولكل العاملين على العرض ابدعتوا كالعاده وادخلتوا الفرح لقلوب الحضور
بانتظار الفيديو الرسمي 🙂
